ପାପଡାହାଣ୍ଡି,10/08, ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ସଦର ମହକୁମାରେ ଥିବା ବ୍ଲକ୍ କଲୋନୀ ପ୍ରାଥମିକ ବିଦ୍ୟାଳୟରେ ଜାତୀୟ କୃମି ନାଶନ ଦିବସର ଗୁରୁବାର ପାଳିତ ହୋଇଯାଇଛି | ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥିରୂପେ ପଞ୍ଚାୟତ ସମିତି ଉପାଧ୍ୟକ୍ଷ ସୁଶାନ୍ତ କୁମାର ବେହେରା, ବିଡିଓ ଦିବାକର ବାଗ , ଜିପିଇଓ ଅକ୍ଷୟ କୁମାର ପଟନାୟକ, ଏବିଇଓ ବାଳକ ଦାସ ରନ୍ଧାରୀ, ସିଡିପିଓ ଏସ୍ ଗୀତା ପ୍ରମୂଖ ଉପସ୍ଥିତ ଥିଲେ | ଉପାଧକ୍ଷ ସୁଶାନ୍ତ କୁମାର ବେହେରା ଛାତ୍ରଛାତ୍ରୀଙ୍କୁ ଉତ୍ତମ ସ୍ୱାସ୍ଥ୍ୟ ରକ୍ଷା ବିଷୟରେ ଧାରଣା ଦେଇଥିଲେ ଓ କୃମି କିପରି ଏହା କିପରି ବୃଦ୍ଧି ହୁଏ ସେ ସମ୍ବନ୍ଧରେ ଜଣାଇଥିଲେ |
ବିଡ଼ିଓ ଦିବାକର ବାଗ ସମସ୍ତ ଛାତ୍ରଛାତ୍ରୀଙ୍କୁ କୃମି ନାଶକ ଔଷଧ ଖାଇବା ପାଇଁ ଉତ୍ସାହିତ କରିଥିଲେ | ବିପିଏମ ଶୁଭ୍ରାଞ୍ଜନ ପଟ୍ଟନାୟକ ସମସ୍ତ ଛାତ୍ରଛାତ୍ରୀ ଏହି ଔଷଧ ଖାଇବା ସହ ବ୍ୟକ୍ତିଗତ ପରିଷ୍କାର ପରିଚ୍ଛନ୍ନତା, ଶୌଚ ପାଇଁ ପାଇଖାନାର ବ୍ୟବହାର, ହାତ ଧୁଆ, ଚପଲ ପିନ୍ଧିବା, ପନିପରିବା ଓ ଫଳମୂଳ ବ୍ୟବହାର ପୂର୍ବରୁ ଭଲଭାବେ ଧୋଇବା ଉପରେ ଗୁରୁତ୍ୱାରୋପ କରିଥିଲେ| ପଞ୍ଚାୟତ ସମିତି ଉପାଧ୍ୟକ୍ଷ, ବିଡିଓ ଓ ସିଡିପିଓ ଛାତ୍ରଛାତ୍ରୀମାନଙ୍କୁ ଆଲବେଣ୍ଡାଜୋଲ ବଟିକା ଖୁଆଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ |ଏହି ବିଦ୍ୟାଳୟ ରେ ମୋଟ 47 ଜଣ ଛାତ୍ରଛାତ୍ରୀ କୃମି ନାଶକ ଔଷଧ ଖାଇଥିଲେ | ଯେଉଁ ଛାତ୍ରଛାତ୍ରୀ ବିଦ୍ୟାଳୟ ରେ ଅନୁପସ୍ଥିତ ଅଛନ୍ତି ସେ ଛାତ୍ରଛାତ୍ରୀ ଆସନ୍ତା ଅଗଷ୍ଟ 17 ତାରିଖ ଦିନ ସେମାନଂକୁ କୁର୍ମି ନାଶକ ଔଷଧ ଖାଇବା ଦିଆଯିବ | ଏହି କାର୍ଯ୍ୟକ୍ରମ ରେ ପିଏଚଇଓ ପ୍ରତାପ କୁମାର ମହାନ୍ତି, ବିଏଏମ୍ ସନ୍ତୋଷ କୁମାର ସାହୁ, ବିଡିଏମ୍ ଗୁପ୍ତ ପ୍ରସାଦ ସାହୁ, ଡିଇଓ ସନ୍ତୋଷ କୁମାର ପଟନାୟକ କାର୍ଯ଼୍ୟକ୍ରମର ପରିଚାଳନା କରିଥିଲେ | ମହିଳା ସ୍ୱାସ୍ଥ୍ୟକର୍ମୀ କୃଷ୍ଣା ସାମଲ, ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ କନକ ଲତା ପାତ୍ର, ଅନ୍ୟାନ୍ୟ ଶିକ୍ଷକ, ଶିକ୍ଷୟିତ୍ରୀ, ଅଙ୍ଗନୱାଡି କର୍ମୀ ଲଳିତା ମାଝୀ ଓ ଆଶାକର୍ମୀ କୌଶଲ୍ୟା ସତନାମୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଉପସ୍ଥିତ ସମସ୍ତ ଛାତ୍ରଛାତ୍ରୀମାନଙ୍କୁ କୃମି ନାଶକ ବଟିକା ଖୁଆଯାଇଥିଲ| |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
