ବେସାହାରା ଯମୁନା ଶିଅଳଙ୍କୁ ଭେଟିଲେ କଂଗ୍ରେସ ନେତା ହିମାଂଶୁ ଶେଖର
ବାଲେଶ୍ଵର,୦୮/୯/୨୩- ବାଲେଶ୍ଵର ଜିଲ୍ଲା ସିମୁଳିଆ ବ୍ଲକ ଈଶ୍ୱରପୁର ପଞ୍ଚାୟତର କଳାଶୁଣି ଗ୍ରାମ । ଏହି ଗ୍ରାମରେ ୬ ଜଣ ପିଲାଙ୍କୁ ନେଇ ଯମୁନା ଶିଅଳଙ୍କ ପରିବାର । ବଡ଼ ଝିଅ ୭ବର୍ଷ ବୟସ ହୋଇଥିବା ବେଳେ ଅନ୍ୟମାନେ ଛୋଟ ଛୋଟ । ଅଭାବ ଅନାଟନରେ କାଳାତିପାତ କରନ୍ତି ପରିବାର । ରହିବା ପାଇଁ ଘର ଖଣ୍ଡିଏ ସାତସପନ ପାଲଟିଛି ଯମୁନା ଶିଅଳ ପାଇଁ । ଇତିମଧ୍ୟରେ 
ଗତ ତା ୩୧/୮/୨୦୨୩ ରିଖରେ ଅଚାନକ ସ୍ବାମୀ ପ୍ରଭାକର ଶିଅଳଙ୍କ ମୃତ୍ୟୁ ପରେ ବେସାହାରା ହୋଇପଡିଛନ୍ତି ଯମୁନା । ଏକମାତ୍ର ରୋଜଗାର କ୍ଷମ ସ୍ବାମୀଙ୍କୁ ହରାଇଲା ପରେ ପିଲାମାନଙ୍କୁ ନେଇ କିପରି ସଂସାର ଚଳାଇବେ ସେହି ଚିନ୍ତାରେ ଭାଙ୍ଗି ପଡିଛନ୍ତି ଯମୁନା । ଆବାସ ଯୋଜନା ଗୃହ ସାତସପନ ହୋଇଥିବାରୁ ଛୋଟିଆ ପଲିଟିଏ କରି ରହିଛନ୍ତି । ସରକାରୀ ସୁବିଧାରୁ ସମ୍ପୂର୍ଣ୍ଣ ବଞ୍ଚିତ ଏହି ବେସାହାରା ପରିବାରକୁ ସହାୟତା କରିବା ପାଇଁ କିଛିଦିନ ତଳେ ତାଙ୍କ ନିକଟରେ ପହଞ୍ଚିଥିଲେ ସିମୁଳିଆ ନିର୍ବାଚନ ମଣ୍ଡଳୀର ନୂତନ କଂଗ୍ରେସ ବିଧାୟକ ପ୍ରାର୍ଥୀ ହିମାଂଶୁ ଶେଖର ବେହେରା । ଶ୍ରୀ ବେହେରା ଯମୁନା ଶିଅଳଙ୍କ ଠାରୁ ସମସ୍ତ ବିବରଣୀ ଶୁଣିଲା ପରେ ପ୍ରକୃତ ଦୁଃଖ ଅନୁଭବ କରି ସହାୟତାର ହାତ ବଢାଇଥିଲେ । କିଛି ଆର୍ଥିକ ସହାୟତା ଦେବା ସହିତ ରହିବା ପାଇଁ ଗୃହ ନିର୍ମାଣର ଦାୟିତ୍ୱ ମଧ୍ୟ ନେଇଛନ୍ତି । ଖବରପାଇ ଗତକାଲି ଗଣମାଧ୍ୟମ ପ୍ରତିନିଧି ମାନେ ଯମୁନାଶିଅଳ ଘର କଳାଶୁଣିରେ ପହଞ୍ଚିଥିଲେ । ଯମୁନା ଠାରୁ ସମସ୍ତ ବିବରଣୀ 
ପଚାରି ବୁଝିଲା ପରେ ପ୍ରକୃତ ଘଟଣା ବିଷୟରେ ଅବଗତ ହୋଇଥିଲେ ଗଣମାଧ୍ୟମ ପ୍ରତିନିଧିମାନେ । ସତରେ କ”ଣ ଏଭଳି ଗରିବ ପରିବାର ପ୍ରତି ପ୍ରଶାସନ ନାହିଁ ? ଖବରପାଇ ସିମୁଳିଆ ବିଡିଓ ସଦଳବଳେ ଯମୁନାଙ୍କ ନିକଟରେ ପହଞ୍ଚି ଦୁଃଖ ବୁଝିବା ପରେ ହରିଶ୍ଚନ୍ଦ୍ର ଯୋଜନାରେ ମିଳିବାକୁ ଥିବା ୨ ହଜାର ଟଙ୍କା ଏବଂ ନିଜସ୍ୱ ସହାୟତା ରାଶି ୧ ହଜାର ଟଙ୍କାକୁ ମିଶାଇ ମୋଟ ୩ ହଜାର ଟଙ୍କା ପ୍ରଦାନ କରିଥିଲେ । ତହସିଲଦାରଙ୍କ ସହିତ ଯୋଗାଯୋଗ କରି ଘରଟିଏ ପାଇଁ ଜାଗାର ବ୍ଯବସ୍ଥା କରିବେ କହିଥିଲେ । ବେସାହାରା ପରିବାରକୁ ସହାୟତାର ହାତ ବଢାଇଛନ୍ତି ଗ୍ରାମବାସୀ, ସ୍ବେଛାସେବୀ ଓ ପଞ୍ଚାୟତ ଯାହା ଖବର ସଂଗ୍ରହରୁ ଜଣାପଡିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
