ଆର୍ଟ ଓ ମୂର୍ତ୍ତି ଯୋଗାଇ ଦେଉଛି ରୋଜଗାର
ଡାବୁଗାଁ, ୧୫/୯ (ମ.ନି.ସ.)- ଓଡିଆ ଆମେ ଓଡିଆ ହୋଇଥିବା ବେଳେ ଆମ ଓଡିଆଙ୍କ ର ବର୍ଷ ର ବାରମାସ ୧୩ ପର୍ବପର୍ବାଣୀ ପାଳନ କରିବା ସହିତ ଅନେକ ଦେବାଦେବୀଙ୍କ ଉପାସନା ମଧ୍ୟ କରିଥାନ୍ତି | ଯେଉଁଥିପାଇଁ କି ତାଙ୍କୁ ଅନେକ ସମୟରେ ବିଭିନ୍ନ ଦେବାଦେବୀ ପ୍ରତିମା ତଥା ମୂର୍ତ୍ତି ର ଆବଶ୍ୟକ ପଡିଥାଏ | ଫଳରେ ଅନେକ ମୂର୍ତ୍ତିକାର ତଥା ଚିତ୍ରଶିଳ୍ପୀ ବର୍ଷ ତମାମ ବିଭିନ୍ନ 
ଦେବାଦେବୀ ଙ୍କ ମୂର୍ତ୍ତି ତିଆରି କରି ବେଶ ଦୁଇ ପଇସା ରୋଜଗାର କରିବା ସହ ନିଜ ତଥା ପରିବାର ର ପ୍ରତିପୋଷଣ କରିଥାନ୍ତି | ଏମିତି ଏକ ମୂର୍ତ୍ତିକାର ହେଉଛନ୍ତି ଡାବୁଗାଁ ର ତିରୁପତି ଜେନା |ସେ ବର୍ଷର ବାରମାସ ବିଭିନ୍ନ ଦେବାଦେବୀ ଙ୍କ ମୂର୍ତ୍ତି ତିଆରି କରି ତାଙ୍କୁ ବିକ୍ରୟ କରି ବେଶ ଦୁଇ ପଇସା ରୋଜଗାର କରନ୍ତି ଓ ପରିବାର ପ୍ରତିପୋଷଣ କରନ୍ତି, ଏତଦ୍ ବ୍ୟତୀତ ଆର୍ଟ ସବୁବେଳେ କରିବାକୁ ପଡିଥାଏ | ନବରଙ୍ଗପୁର ଜିଲା ଡାବୁଗାଁ ବ୍ଲକ ଡଙ୍ଗରିଗୁଡ଼ା ପଞ୍ଚାୟତ ସଦର ଜୟନ୍ତୀ ନଗର ରେ ନିଜ ପରିବାର ସହିତ ବସବାସ କରନ୍ତି | ପରିବାରରେ ସ୍ତ୍ରୀ ଙ୍କ ସହ ଗୋଟିଏ ପୁଅ ଓ ଗୋଟିଏ ଝିଅ ଙ୍କୁ ମିଶେଇ ଚାରି ସଦସ୍ୟ | ପୁଅ, ଝିଅ ପାଠ ପଢୁଥିବା ବେଳେ ୨ ଜଣ ଶ୍ରମିକ ରଖି ମୂର୍ତ୍ତି ତିଆରି କରି ଥାଆନ୍ତି l ସେ ଗଣେଶ, ଲକ୍ଷ୍ମୀ, ବିଶ୍ୱକର୍ମା, ସରସ୍ଵତୀ ଆଦି ବିଭିନ୍ନ ମୂର୍ତ୍ତି ତିଆରି କରି ବାର୍ଷିକ ବେଶ ଦୁଇ ପଇସା ରୋଜଗାର କରୁଥିବା 
ତିରୁପତି କୁହନ୍ତି | ତାଙ୍କ ହାତ ନିର୍ମିତ ମୂର୍ତ୍ତି ସବୁ ଜୀବନ୍ତ ପରି ପରିଲକ୍ଷିତ ହୁଏ |ତାଙ୍କ ଦ୍ୱାରା ନିର୍ମିତ ମୂର୍ତ୍ତି ସବୁ ବିଭିନ୍ନ ଆକୃତିର ହୋଇଥିବାରୁ ବଜାରରେ ତାଙ୍କର ମୂର୍ତ୍ତି ର ଚାହିଦା ବେଶି ରହୁଛି | ଉକ୍ତ କଳା ପିଲାଟି ବେଳୁ ରହିଥିବା ଯୋଗୁଁ ମୂର୍ତ୍ତି ଗଢ଼ିବା ନେଇ କୌଣସି ଅସୁବିଧା ହେଉନାହିଁ l ଜିଲାର ଡାବୁଗାଁ, ଝରୀଗାଁ, ପାପଡାହାଣ୍ଡି, କୋଷଗୁମୁଡା, ଉମରକୋଟ, ରାଇଘର ଅନ୍ୟାନ୍ୟ ବ୍ଲକ ସବୁରୁ ଲୋକେ ଆସି ମୂର୍ତ୍ତି କିଣି ନେଉଥିବା ତିରୁପତି କୁହନ୍ତି | ଦୀର୍ଘ ବର୍ଷ ଧରି ସେ ମୂର୍ତ୍ତି ତିଆରି କରୁଛନ୍ତି ଓ ଏହି କାମରେ ଶ୍ରମିକ ରଖି ସେ ନିଜେ ମନଯୋଗ ଦେଉ ଥିବାରୁ ତାଙ୍କୁ କୌଣସି ଅସୁବିଧା ହେଉନଥିବା ସେ କୁହନ୍ତି | ଏ ବର୍ଷ ଏଇ ଗଣେଶ ପୂଜା ସିଜିନରେ ଛୋଟ ବଡ ତିନି ଶହ ମୂର୍ତ୍ତି ତିଆରି କରିଛନ୍ତି l ଏହି କାରିଗରଙ୍କ ପାଇଁ ପ୍ରଶାସନ ତରଫରୁ କିଛି ସହାୟତା ମିଳନ୍ତା, ତାହେଲେ ସେ ଆହୁରି ଆଗକୁ ବଢ଼ି ପାରନ୍ତେ ବୋଲି ସାଧାରଣରେ ଚର୍ଚ୍ଚା ହେଉଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
