ଶଙ୍କରପଲା ଗ୍ରାମରେ ଟ୍ରିପଲ ମର୍ଡର ଘଟଣାର ପର୍ଦାଫାଶ ,
ଅଭିଯୁକ୍ତ ପୁତୁରା ହଉଛି ମୁଖ୍ୟ ହତ୍ୟାକାରୀ
ଗୁଣିଗାରେଡି ସନ୍ଦେହରେ ୩ଜଣଙ୍କୁ ହତ୍ୟା
ଜୁନାଗଡ଼,୫/୧୦_ // କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅନ୍ତର୍ଗତ ଶଙ୍କରପଲା ଗ୍ରାମରେ ଗତ ରବିବାର ଦିନ ସନ୍ଧ୍ୟା ସମୟରେ ଏକ ଲୋମହର୍ଷଘଟଣା ଦେଖିବାକୁ ମିଳିଥିଲା । ଏଥିରେ ଜଣେ ଅଭିଯୁକ୍ତ ଜଣେ ମାଁ ,ଦୁଇବର୍ଷର ନିଷ୍ପାପ ଶିଶୁ ଓ ଜଣେ ବୃଦ୍ଧଙ୍କୁ ହତ୍ୟା କରି ଫେରାର ହୋଇଯାଇଥିଲା । ୫ ଦିନ ପରେ ଆଜି ପୁଲିସ ଅଭିଯୁକ୍ତକୁ ଗରିଫ କରି କୋର୍ଟ ଚାଲାଣ କରିଛି । ଆଜି ଜୁନାଗଡ଼ ଥାନାରେ ଧର୍ମଗଡ଼ ଏସଡିପିଓ ଧରିଜ ଚୋପଦାର ଓ ଜୁନାଗଡ଼ ଆଇଆଇସି ଶେଷଦେଵ ବେହେରା ସମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ଜୁନାଗଡ଼ ଥାନା ଅନ୍ତର୍ଗତ ଶଙ୍କରପଲା ଗ୍ରାମରେ ଗତ ୧ ତାରିଖ ରବିବାର ଦିନ ଶଙ୍କରପଲା ଗ୍ରାମର ରାଏମତି ମାଝୀ ତାଙ୍କ ଦୁଇବର୍ଷ ର ପୁଅ ଶିବଶକ୍ତି ମାଝୀକୁ ଧରି ଅନ୍ୟ ଲୋକଙ୍କ ବିଲକୁ କାମ କରିବାକି ଯାଇଥିଲେ । ସନ୍ଧ୍ୟାରେ ମାଁ ଓ ପୁଅ ଘରକୁ ଫେରୁଥିଲେ ।
ଦୁର୍ବୁତ୍ତ ପୁତୁରା ମହେନ୍ଦ୍ର ମାଝୀ(୩୦) ଆଗରୁ ବାଟରେ ହତ୍ୟା କରିବା ପାଇଁ ରାସ୍ତାରେ ଛପି ରହିଥିଲେ । ପରେ ମାଁ ଓ ପୁଅ ଯିବା ପରେ ବାଟରେ ଧାରୁଆ ଅସ୍ତ୍ରରେ ଦୁଇଜଣଙ୍କୁ ବେକକାଟି ନୃଶଂସ ଭାବେ ହତ୍ୟା କରିଥିଲେ । ସେହି ଭଳି କିଛି ମିନିଟ ପରେ ବିଜରାଦର ଗ୍ରାମରୁ ଆସି ଶଙ୍କରପଲା ଗ୍ରାମରେ ରହୁଥିବା ବୃଦ୍ଧ ମହେନ୍ଦ୍ର କୁମାରଙ୍କୁ ମଧ୍ୟ ସେହି ଧାରୁଆ ଅସ୍ତ୍ରରେ ଗଲାକଟି ହତ୍ୟା କରିଥଲା ।
ମୃତ ଵୃଦ୍ଧ ମହେନ୍ଦ୍ର କୁମାରଙ୍କ ସ୍ତ୍ରୀ ମୂଳା କୁମାରଙ୍କ ଅଭିଯୋଗ ପରେ ପୁଲିସ ଘଟଣା ସ୍ଥଳରେ ଡ଼ଗ ସ୍କ୍ୱାର୍ଡ ଓ ସାଇଣ୍ଟିଫିକ ଟିମ ସହିତ ତଦନ୍ତ ଆରମ୍ଭ କରିଥିଲେ । ପରେ ଅଭିଯୁକ୍ତ ମହେନ୍ଦ୍ର ମାଝୀ(୩୦) ଙ୍କୁ ପୁଲିସ ଗିରଫ କରିଥିଲେ ।ଅଭିଯୁକ୍ତ ମହେନ୍ଦ୍ର ମାଝୀଙ୍କୁ ମୃତ ରାଏମତି ମାଝୀ ଓ ମହେନ୍ଦ୍ର କୁମାର ଗୁଣିଗାରେଡି କରୁଥିଲେ । ସେଥିପାଇଁ ଅନେକ ସମୟରେ ମହେନ୍ଦ୍ରଙ୍କ ଦେହ ଖରାପ ହେଉଥିଲା । ତେଣୁ ସବୁବେଳେ ମୃତ ରାଏମତି ମାଝୀଙ୍କ ସହିତ ପୁତୁରା ମହେନ୍ଦ୍ର ମାଝୀ ଙ୍କ ସହିତ ଝଗଡା ହେଉଥିଲା । ତେଣୁ ସେ ଗତ ୧ ତାରିଖରେ ୩ ଜଣଙ୍କୁ ହତ୍ୟାକରିଥିବା ପୁଲିସ ଆଗରେ ଅଭିଯୁକ୍ତ ସ୍ୱୀକାର କରିଛି । ମୃତ ରାଏମତିଙ୍କ ସ୍ୱାମୀ ବ୍ରଜ ମାଝୀ ଗତ ୧୦ ବର୍ଷ ତଳେ ଜମିବାଡ଼ିକୁ କେନ୍ଦ୍ର କରି ନିଜ ଖୁଡି ଶିବ ରାତ୍ରି ମାଝୀଙ୍କୁ ହତ୍ୟା କରିବା ଯୋଗୁଁ ଜେଲରେ ଅଛନ୍ତି । ବର୍ତ୍ତମାନ ରାଏମତିଙ୍କ ମୃତ୍ୟୁ ପରେ ଘର ଏବେ ଖାଁ ଖାଁ । ଗୋଟିଏ ବୋଲି ଝିଅକୁ ଆଗରୁ ବିବାହ କରିଦେଇଛନ୍ତି । ଘରେ ଏବେ ବି ତାଲା ପଡିଛି । ସେହିଭଳି ବୃଦ୍ଧ ମହେନ୍ଦ୍ର କୁମାରଙ୍କୁ ହତ୍ୟା ପରେ ବୃଦ୍ଧା ସ୍ତ୍ରୀ ମୂଳା କୁମାର ଏକା ହୋଇଯାଇଛନ୍ତି । ଆଗରୁ ତାଙ୍କର ଦୁଇଝିଅ ପୁଷ୍ପା ସୁନାନୀ ଓ କରଫୁଲ ବାଗଙ୍କୁ ବିବାହ ଦେଇଥିବା ବେଳେ ପୁଅ ବିଦ୍ୟା କୁମାର ଭିନ୍ନକ୍ଷମ ଅଛନ୍ତି । ତେଣୁ ଏହି ଅସହାୟ ପରିବାରଙ୍କୁ ସରକାରୀ ସହାୟତା ଯୋଗାଇ ଦେବାକୁ ସାଧାରଣରେ ଦାବୀ ହୋଇଛି ।