ବୁଥ ସ୍ତରୀୟ ଅଧିକାରୀ ଙ୍କୁ ନେଇ ବୈଠକ
ଡାବୁଗାଁ, ୨୭/୧୦ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷ ଠାରେ ବୁଥ ସ୍ତରୀୟ ଅଧିକାରୀ ଙ୍କୁ ନେଇ ଏକ ବୈଠକ ବିଡିଓ ଶରତ ମାଝି ଙ୍କ ଅଧ୍ୟକ୍ଷତାରେ ଶୁକ୍ରବାର ପୂର୍ବାହ୍ନ ୧୦ ଘ. ସମୟରେ ଅନୁଷ୍ଠିତ ହୋଇଯାଇଛି | ଏଥିରେ ଭୋଟର ତାଲିକାର ସ୍ଵତନ୍ତ୍ର ସଂକ୍ଷିପ୍ତ ସଂଶୋଧନ -୨୦୨୪ ଉପରେ ଆଲୋଚନା ହୋଇଥିଲା | ପ୍ରତ୍ୟେକ ବୁଥରେ ତଥା ବ୍ଲକ କାର୍ଯ୍ୟ|ଳୟ ଠାରେ ଚିଠା ଭୋଟର ତାଲିକା ଶୁକ୍ରବାର ଦିନ ପ୍ରକାଶନ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା | ଏଥିରେ ଫର୍ମ -୬ 
ରେ ପଞ୍ଜୀକରଣ/ ନାମ ଯୋଗ କରିବା, ଫର୍ମ-୭ ରେ ତାଲିକାରେ ଥିବା ନାମ ବାଦ ଦେବା, ଫର୍ମ -୮ ରେ ନାମ/ତଥ୍ୟ/ଫଟୋ/ ଠିକଣା ଇତ୍ୟାଦି ସଂଶୋଧନ କରିବା ବିଷୟରେ ବୁଝାଇ ଦିଆଯାଇଥିଲା | ଏହି ସଂଶୋଧନ କାର୍ଯ୍ୟକ୍ରମ ଆଜିଠାରୁ ଆରମ୍ଭ ହୋଇ ଡିସେମ୍ବର ୯ ତାରିଖ ପର୍ଯ୍ୟନ୍ତ ଚାଲୁ ରହିବ | ନଭେମ୍ବର ୫, ୧୧, ୧୯ ଓ ୨୫ ତାରିଖ ସ୍ଵତନ୍ତ୍ର ପ୍ରଚାର ଦିବସ ପାଳନ କରାଯିବ | ଉକ୍ତ ଦିନ ବୁଥ ସ୍ତରୀୟ ଅଧିକାରୀ ନିଜ ନିଜ ବୁଥରେ ଉପସ୍ଥିତ ରହି ଭୋଟର ମାନଙ୍କ ଆବେଦନ ଗ୍ରହଣ କରିବେ | ଚୁଡାନ୍ତ ଭୋଟର ତାଲିକା ଆସନ୍ତା ୫.୧.୨୦୨୪ ତାରିଖ ଦିନ ପ୍ରକାଶନ କରାଯିବ | ପୂର୍ବରୁ ଡାବୁଗାଁ ବ୍ଲକରେ ୫୪ ଟି ବୁଥ ରହିଥିଲା ଓ ଚଳିତ ବର୍ଷ ବୋରିଗାଁ ବୁଥ ଦୁଇ ଭାଗ ହୋଇ ଡ଼ଙ୍ଗରିଗୁଡା ନୂତନ ବୁଥ ଭାବେ ଘୋଷଣା କରାଯାଇଛି | ଏହି ବୈଠକରେ ସୁପରଭାଇଜର ରତିକାନ୍ତ ନାୟକ, ବିକାଶ ରଞ୍ଜନ ନିଶଙ୍କ, ରାଇସିଂ ପୂଜାରୀ, ଧନସିଂ ତନ୍ତୀ ଓ ବ୍ଲକର ମୋଟ ୫୫ ଟି ବୁଥ ର ବୁଥ ସ୍ତରୀୟ ଅଧିକାରୀ ମାନେ ଉପସ୍ଥିତ ଥିଲେ | ଏହି ବୈଠକକୁ ଗ୍ରାମ ପଞ୍ଚାୟତ ସଂମ୍ପ୍ରସାରଣ ଅଧିକାରୀ ଏ. ଡି ପ୍ରସାଦ ପରିଚାଳନା କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
