ଜାତୀୟ ସେବା ଯୋଜନା ଆଭିମୁଖ୍ୟ କାର୍ଯ୍ୟକ୍ରମ
ଭବାନୀପାଟଣା/ କଳାହାଣ୍ଡି ବିଶ୍ଵବିଦ୍ୟାଳୟ ଜାତୀୟ ସେବା ଯୋଜନା ଆନୁକୂଲ୍ୟରେ ଏକ ଦିବସୀୟ ଜାତୀୟ ସେବା ଯୋଜନା ଆଭିମୁଖ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ କୁଳପତି କର୍ଣ୍ଣେଲ ପ୍ରଫେସର ସଞ୍ଜୟ କୁମାର ଶତପଥି ଯୋଗଦେଇ ଏନ୍ ଏସ୍ ଏସ୍ ପତାକା ଉତ୍ତୋଳନ କରି କାର୍ଯ୍ୟକ୍ରମକୁ ଉଦ୍ଘାଟନ କରିବା ସହ ଉକ୍ତ କାର୍ଯ୍ୟକ୍ରମରେ ସଭାପତିତ୍ଵ କରି ସ୍ଵେଚ୍ଛାସେବୀ ମାନଙ୍କୁ “ଏନ୍ ଏସ୍ ଏସ୍ ର ଭୂମିକା ରାଷ୍ଟ୍ର ନିର୍ମାଣରେ” ବିଷୟ ବସ୍ତୁ ଉପରେ ବକ୍ତବ୍ୟ ରଖିଥିଲେ । ଉକ୍ତ କାର୍ଯ୍ୟକ୍ରମରେ ସମ୍ମାନିତ ଅତିଥି ରୂପେ ଡ଼. କୈଳାଶ ଚନ୍ଦ୍ର ଦାସ ଯୋଗଦେଇ ଏକ ସ୍ଵେଚ୍ଛା ସେବୀ ଭୂମିକା ଛାତ୍ର ଜୀବନ ଉପରେ ଆଲୋକପାତ କରିଥିଲେ । ଉକ୍ତ କାର୍ଯ୍ୟକ୍ରମରେ ଆଲୋଚକ ଭାବେ ଶ୍ରୀ ମୋହନ ପଟେଲ ଏନ୍ ଏସ୍ ଏସ୍ କାର୍ଯ୍ୟକ୍ରମ ଅଧିକାରୀ ଡିଗ୍ରୀ କଲେଜ କର୍ଲାପଡା, ସ୍ଵେଚ୍ଛା ସେବୀ ମାନଙ୍କୁ ଏନ୍ ଏସ୍ ଏସ୍ ଓ ଏହାର ଗୁରୁତ୍ଵପୂର୍ଣ୍ଣ ଉପରେ ମତ ରଖିଥିଲେ । ଏହି କାର୍ଯ୍ୟକ୍ରମକୁ ଏନ୍ ଏସ୍ ଏସ୍ କାର୍ଯ୍ୟକ୍ରମ ସଂଯୋଜକ ଡ଼. ଚିତ୍ତ ରଞ୍ଜନ ଖୁଣ୍ଟିଆ ସଂଚାଳନ କରିଥିବା ବେଳେ ଅନ୍ୟତମ କାର୍ଯ୍ୟକ୍ରମ ଅଧିକାରୀ ଡ଼. ପ୍ରିୟ ରଞ୍ଜନ ବେହେରା ସ୍ଵାଗତ ଭାଷଣ ଦେଇଥିଲେ । ଉକ୍ତ କାର୍ଯ୍ୟକ୍ରମରେ ବିଶ୍ୱବିଦ୍ୟାଳୟର ମୋଟ ତିନିଟି ଏନ୍ ଏସ୍ ଏସ୍ ୟୁନିଟ୍ ରୁ ମୋଟ ୨୫୦ ଜଣ ନୂତନ ଓ ଶେଷ ବର୍ଷର ସ୍ଵେଚ୍ଛା ସେବୀ ଅଂଶଗ୍ରହଣ କରିଥିଲେ । ପୁରାତନ ଏନ୍ ଏସ୍ ଏସ୍ ସ୍ଵେଚ୍ଛା ସେବୀ ହିସାବରେ ସମ୍ମାନିତ ଅତିଥି ରୂପେ ମିସ୍. ଅନମୋଲ ଅଙ୍କିତା (ଜିଏକି ନିକଟରେ ସଂସଦ ଭବନରେ ୨ ଅକ୍ଟୋବର ୨୦୨୩ ତାରିଖରେ ଶାସ୍ତ୍ରୀଜୀଙ୍କ ଜୀବନୀ ଉପରେ ବକ୍ତବ୍ୟ ରଖି କଳାହାଣ୍ଡି ଜିଲ୍ଲା ପାଇଁ ଗୌରବ ଆଣିଥିଲେ) ଯୋଗଦାନ କରି ସ୍ଵେଚ୍ଛା ସେବୀ ମାନଙ୍କୁ ତାଙ୍କର ଏନ୍ ଏସ୍ ଏସ୍ ରେ ଯୋଗଦାନ ଓ ଅନୁଭବ ବିଷୟରେ ନିଜର ବକ୍ତବ୍ୟ ରଖିଥିଲେ । ଉକ୍ତ କାର୍ଯ୍ୟକ୍ରମରେ ବିଭିନ୍ନ ପ୍ରତିଯୋଗିତା ଯଥା ଚିତ୍ରାଙ୍କନ, ପ୍ରବନ୍ଧ, ବିତର୍କ, ସାଧାରଣ ଜ୍ଞାନ ଓ ସଭା ଶେଷରେ ଅଭିନୟ ପ୍ରତିଯୋଗିତା ମାନ ଆୟୋଜନ କରାଯାଇ ବିଜୟୀ ପ୍ରତିଯୋଗୀ ମାନଙ୍କୁ ପୁରସ୍କାର ବିତରଣ କରାଯାଇଛି । ଉକ୍ତ କାର୍ଯ୍ୟକ୍ରମରେ ସ୍ଵେଚ୍ଛା ସେବୀ ଭାବେ ଦୀପକ କୁମାର ବେହେରା, ପ୍ରତ୍ୟୁଷ ବାଣୁଆ, ବିକାଶ ପଟେଲ, ସରୋଜ ନିଆଲ, ଲକ୍ଷ୍ମୀପ୍ରିୟା ଆଚାର୍ୟ୍ୟ, ଚନ୍ଦନ ବିଶ୍ଵାଳ, ନିତିନ ନାଗ, ସୋମିତ୍ର ପ୍ରମୁଖ ଅଗ୍ରଣୀ ଭୂମିକା ନିଭାଇ ଉକ୍ତ କାର୍ଯ୍ୟକ୍ରମକୁ ସଫଳ କରାଇଥିଲେ । ସଭା ଶେଷରେ କାର୍ଯ୍ୟକ୍ରମ ଅଧିକାରୀ ମିସ. ରୋଜ ମେରୀ ରଶମିତ ଏକକା ଧନ୍ୟବାଦ ଅର୍ପଣ କରିଥିଲେ ।
ମସିହା ନୀୟୁଜ୍ ସର୍ଭିସ୍
