ବଦଳିଲେ ଖଇରା ତହସିଲଦାର
ବାଲେଶ୍ଵର,୦୧/୩/୨୪- ବାଲେଶ୍ଵର ଜିଲ୍ଲା ଖଇରା ତହସିଲଦାର ପ୍ରଶାନ୍ତ କୁମାର ମହାରଣାଙ୍କର ସୋନପୁର ଜିଲ୍ଲା ଉପଖଣ୍ଡ ବୀରମହାରାଜପୁର ଅନ୍ତର୍ଭୁକ୍ତ ଉଲଣ୍ଡା ତହସିଲ କାର୍ଯ୍ୟାଳୟକୁ ବଦଳି ହୋଇଛି । ଶ୍ରୀ ମହାରଣାଙ୍କ ସ୍ଥାନରେ କୋରାପୁଟ ଜିଲ୍ଲା ଜୟପୁର ଉପଖଣ୍ଡ ଅଧିନରେ ଥିବା ବୋରିଗୁମ୍ମା ତହସିଲଦାର ସବ୍ୟସାଚୀ ଜେନାଙ୍କୁ ଖଇରା ତହସିଲଦାର ଭାବେ ସରକାର ନିଯୁକ୍ତି ଦେଇଛନ୍ତି । ଶ୍ରୀ ମହାରଣା ଏହା ପୂର୍ବରୁ ଭଦ୍ରକ ଜିଲ୍ଲା ଚାନ୍ଦବାଲି ତହସିଲ କାର୍ଯ୍ୟାଳୟରେ ଅତିରିକ୍ତ ତହସିଲଦାର ଭାବେ କାର୍ଯ୍ୟରତ ଥିଲେ । ଯେହେତୁ ଭଦ୍ରକ ଲୋକସଭା ନିର୍ବାଚନ ମଣ୍ଡଳୀର ଚାନ୍ଦବାଲି ତହସିଲ ଓ ଖଇରା ତହସିଲ ଆସୁଥିବାରୁ ଯେଉଁ ଅଧିକାରୀ ମାନେ ଗୋଟିଏ ନିର୍ବାଚନ ମଣ୍ଡଳୀର ୫ ବର୍ଷ ରହିଥିବେ ସେମାନଙ୍କୁ ସରକାରଙ୍କ ନିୟମ ଅନୁଯାୟୀ ବଦଳି ଆଦେଶ କରିଛନ୍ତି । ଏହା ଦ୍ବାରା ନିର୍ବାଚନ ସ୍ବଛତା ରହିବ ବୋଲି ସରକାର ପକ୍ଷରୁ ସ୍ପଷ୍ଟ ନିଷ୍ପତ୍ତି ନିଆଯାଇଛି ।।