ପାଞ୍ଚ ଫୁଟ ଲମ୍ବର ନାଗ, ସାଢେ 4ଫୁଟ ଲମ୍ବର ନାଗୁଣୀ ଉଦ୍ଧାର
ବସ୍ତା,16/03 : ରୂପସା ଥାନା ଅନ୍ତର୍ଗତ ଆଙ୍କୋ ଗ୍ରାମର ନରେନ୍ଦ୍ର ପରିଡ଼ାଙ୍କ ଘରୁ ଶୁକ୍ରବାର ଅପରାହ୍ନ ସମୟରେ ଏକ ୫ଫୁଟ ଲମ୍ବର ନାଗ ଓ ସାଢେ ୪ ଫୁଟ ଲମ୍ବର ନାଗୁଣୀ ଉଦ୍ଧାର ହୋଇଛି।ସୂଚନାରୁ ପ୍ରକାଶ ଆଜି ଅପରାହ୍ଣରେ ଉକ୍ତ ସାପଦ୍ବୟ ଶ୍ରୀଯୁକ୍ତ ପରିଡ଼ାଙ୍କ ଘରେ ଥିବାର ଦେଖି ପରିବାର ଲୋକେ ସ୍ନେକ ହେଲ୍ପ ଲାଇନକୁ ଖବର ଦେଇଥିଲେ। ଖବର ପାଇ ସ୍ନେକ ହେଲ୍ପ ଲାଇନର ସଦସ୍ୟ ସୁବ୍ରତ କୁମାର ପ୍ରଧାନ ପହଞ୍ଚି ସାପ ଦୁଇଟିକୁ ଉଦ୍ଧାର କରି ପ୍ରାକୃତିକ ଆବାସସ୍ଥଳ କେସୁରା ଜଙ୍ଗଲରେ ନେଇ ଛାଡ଼ି ଦେଇଥିବାର ଜଣାଯାଇଛି।