ବିଶ୍ୱ କବିତା ଓ ଗଳ୍ପ ଦିବସ ଉପଲକ୍ଷେ କମ୍ଯୁନ୍ ଓଡ଼ିଶା ଦ୍ୱାରା ରାଉରକେଲା ରେ ଓପନ ମାଇକ କାର୍ଯ୍ଯକ୍ରମ
ରାଉରକେଲା: ଉଦିତ ନଗର ସ୍ଥିତ ଏନ୍.ଏସ୍.ଓ ରେଷ୍ଟ୍ରୋ ରେ ବିଶ୍ୱ କବିତା ଓ ଗଳ୍ପ ଦିବସ ଉପଲକ୍ଷେ କମ୍ଯୁନ୍ ର ଓଡ଼ିଶା ଶାଖା ଦ୍ବାରା ଓପନ ମାଇକ କାର୍ଯ୍ଯକ୍ରମ ଅନୁଷ୍ଠିତ ହୋଇଥିଲା । ବିଭିନ୍ନ କଳାକାରମାନେ ନିଜ ନିଜ ରୁଚି ର ଶୀର୍ଷକ ଉପରେ ସଙ୍ଗୀତ, କାହାଣୀ, କବିତା ଅତି ସୁନ୍ଦର ଢଙ୍ଗରେ ପରିବେଷଣ କରିଥିଲା, ଯାହା ଉପସ୍ଥିତ ଦର୍ଶକବୃନ୍ଦ ଖୁବ ଖୁସି ରେ ଉପଭୋଗ କରିଥିଲେ । ଏହି କାର୍ଯ୍ଯକ୍ରମ ରାଉରକେଲା ୱାନ ର ମିଳିତ ଆନୁକୁଲ୍ଯ ରେ ଆୟୋଜିତ ହୋଇଥିଲା । ରାଉରକେଲା ୱାନ ଏହି କାର୍ଯ୍ଯକ୍ରମର ଡିଜିଟାଲ ମିଡିଆ ପାର୍ଟନର ଥିଲେ । କମ୍ଯୁନ୍ ର ଓଡ଼ିଶା ମୁଖ୍ଯ ଅର୍ପିତା ଗୁରୁ ମଞ୍ଚ ପରିଚାଳନା କରିଥିଲେ ଏବଂ ଦୀପାଂଶୁ, ପୀୟୁଷ, ଓ ଆୟୁଷ ଙ୍କୁ ‘ପର୍ଫମର ଅଫ୍ ଦ ଡେ’ ଘୋଷଣା କରାଯାଇଥିଲା। ସୂଚନାଯୋଗ୍ୟ ଯେ କମ୍ଯୁନ୍ ଏସିଆର ଏକ ଜଣାଶୁଣା ସାହିତ୍ୟିକ ଓ ସାଂସ୍କୃତିକ ଅନୁଷ୍ଠାନ ଅଟେ । ଏହା ଦେଶର ବିଭିନ୍ନ ସହରରେ ଅନେକ ପ୍ରକାରର କାର୍ଯ୍ୟକ୍ରମ ମାନ ଆୟୋଜିତ କରିଥାଏ । ଏସିଆର ସବୁଠାରୁ ବଡ଼ ‘ସ୍ପୋକନ ଫେଷ୍ଟ’ ପ୍ରତି ବର୍ଷ ମୁମ୍ବାଇଠାରେ କମ୍ଯୁନ୍ ଦ୍ବାରା ଅନୁଷ୍ଠିତ ହୋଇଥାଏ । କମ୍ଯୁନ୍ ର ସହ ପ୍ରତିଷ୍ଠାତା ରୋଶନ ଆବାସଙ୍କର ସ୍ବପ୍ନ ଥିଲା ଦେଶର ବିଭିନ୍ନ ପ୍ରାନ୍ତରେ ଏହାର ପ୍ରଚାର ଓ ପ୍ରସାର ଦ୍ବାରା କଳାକାରମାନଙ୍କର ଅନ୍ତର୍ନିହିତ ପ୍ରତିଭାର ବିକାଶ ଘଟୁ ଏବଂ ଧିରେ ଧିରେ ଏହା ଲୋକଙ୍କ ମଧ୍ଯରେ ଆଦୃତ ହେଉଛି । 
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
