ସ୍ୱାଧୀନ ପ୍ରାର୍ଥୀ ଘାସିରାମ ମାଝୀ, ବାଜି ମାରିବେକି
ନୂଆପଡ଼ା ବିଧାନସଭା ନିର୍ବାଚନ ମଣ୍ଡଳୀ ର ସ୍ବାଧୀନ ପ୍ରାର୍ଥୀ ଘାସିରାମ ମାଝିଙ୍କ ପ୍ରତି ଦିନକୁ ଦିନ ସମର୍ଥନ ବଢ଼ିବାରେ ଲାଗିଛି । ନିର୍ବାଚନ ପାଇଁ ୮ ବର୍ଷର ଦୂରତାକୁ ଛିଣ୍ଡାଇ ଗୁରୁ ଓ ଶିଷ୍ୟ ଏକତ୍ରିତ ହୋଇଛନ୍ତି। ଆସନ୍ତା ସାଧାରଣ ନିର୍ବାଚନ ପାଇଁ ସ୍ବାଧୀନ ପ୍ରାର୍ଥୀ ଘାସିରାମଙ୍କୁ ଗରିବ ସେନା ସଂଗଠନ ଖୋଲା ଖୋଲି ଭାବେ ସମର୍ଥନ କରିବାକୁ ଘୋଷଣା କରିଛି। ସ୍ଥାନୀୟ ଗୋଡ଼ଫୁଲା ବରଗଛ ପଡ଼ିଆରେ ଗରିବ ସେନା ସଂଗଠନ ଜିଲ୍ଲା ସଭାପତି ରବି ମଙ୍ଗରାଜଙ୍କ ଏକତ୍ରିତ ନେତୃତ୍ବରେ ଶତାଧିକ ଯୁବକ ଏକତ୍ରିତ ହୋଇଥିଲେ। ଗତ ଏକ ବର୍ଷ ହେବ ଗରିବ ସେନା ସଂଗଠନ ନିର୍ବାଚନ ଲଢ଼ିବାକୁ ଯୋଜନା କରିଥିଲା। କିନ୍ତୁ ସଂଗଠନର ସଭାପତି ରବିଙ୍କ ରାଜନୈତିକ ଗୁରୁ ଘାସିରାମ ସ୍ବାଧୀନ ପ୍ରାର୍ଥୀ ହେବାରୁ ଅଡୁଆରେ ପଡ଼ିଥିଲେ। ବର୍ତ୍ତମାନ ବିଜେଡି, ବିଜେପି ଓ କଂଗ୍ରେସ ଦଳରେ ଆର୍ଥିକ ସ୍ବଚ୍ଛଳ ତଥା ଅଭିଜ୍ଞ ନେତାମାନେ ନିର୍ବାଚନକୁ ଓହ୍ଲାଇଛନ୍ତି। ଏହି ହେଭିୱେଟ ଲଢ଼େଇରେ ଗରିବ ସେନା ପ୍ରାର୍ଥୀ ଦେଲେ କେତେ ସଫଳହେବ ବୋଲି ସଂଗଠନର କାର୍ଯ୍ୟକର୍ତ୍ତା ବିଚାର ବିମର୍ଶ କରିଥିଲେ। ଶେଷରେ ସ୍ବାଧୀନ ପ୍ରାର୍ଥୀ ଘାସିରାମଙ୍କୁ ସମର୍ଥନ କରିବାକୁ ବୈଠକରେ ନିଷ୍ପଭି ହୋଇଥିଲା I ଘାସିରାମଙ୍କୁ ଅଚାନକ ବୈଠକକୁ ନିମନ୍ତ୍ରଣ କରି ନିର୍ବାଚନରେ ସମର୍ଥନ ଜଣାଇବାକୁ ଘୋଷଣା କରିଥିଲେ । ଏଥିରେ ଖୋଦ ସ୍ବାଧୀନ ପ୍ରାର୍ଥୀ ଘାସିରାମ ମଧ୍ୟ ଆଶ୍ଚର୍ଯ୍ୟ ହୋଇ ଶିଷ୍ୟ ରବିଙ୍କୁ କୋଳେଇ ନେଇ ଆତ୍ମବିଭୋର ହୋଇଥିଲେ। ଏଭଳି ଦୀର୍ଘ ୫ ବର୍ଷ ପରେ ଗୁରୁ ଓ ଶିଷ୍ୟଙ୍କ ମହା ମିଳନ ହୋଇଥିଲା। ଏହାକୁ ଜିଲ୍ଲା ଆଦିବାସୀ କଲ୍ୟାଣ ସଂଘ ତରଫରୁ ଅଖିଳ ଭାରତୀୟ ଗୋଣ୍ଡଓ୍ବାନା ମହାସଭା କାର୍ଯ୍ୟକାରୀ ସଭାପତି ଖାମସିଂ ମାଝି, ରାଜ୍ୟ ଆଦିବାସୀ କଲ୍ୟାଣ ସଂଘ ସଭାପତି ବାଳକୃଷ୍ଣ ଶବର, ସାଧାରଣ ସମ୍ପାଦକ ଭାନୁପ୍ରତାପସିଂ ମାଝି, ଖୋଲାରାଜ ଗୋଣ୍ଡ ସମାଜ ସଂଯୋଜକ ହୋମସିଂ ମାଝି, ସୁଧୀର ମିଶ୍ର ପ୍ରମୁଖ ସ୍ବାଗତ କରିଥିଲେ । ଗତ ୨୦୧୪ରେ ରବି କଂଗ୍ରେସରୁ ରାଜନୈତିକ ଜୀବନ ଆରମ୍ଭ କରିଥିଲେ। ୨୦୧୬ ରେ ଗରିବ ସଂଗଠନ ଆରମ୍ଭ କରି ଜିଲ୍ଲାରେ ହେଉ ଥିବା ଅନ୍ୟାୟ, ଅତ୍ୟାଚାର, ଦୁର୍ନୀତିକୁ ବିରୋଧକରି ସ୍ବରତ୍ତୋଳନ କରିଥିଲେ। ୨୦୧୯ ରେ କଂଗ୍ରେସ ଦଳରୁ ଦୂରେଇ ଯାଇ ସେ ଗରିବସେନା ସଂଗଠନକୁ ସୁସଂଗଠିତ କରିଥିଲେ।ଗତ ନୂଆପଡ଼ା ଏନଏସି ନିର୍ବାଚନରେ ସ୍ବାଧୀନପ୍ରାର୍ଥୀ ମହମ୍ମଦ ଆଦମଙ୍କ ପ୍ରଚାର ମଙ୍ଗ ଧରି ବିଜୟୀ କରିବାରେ ସେ ମୁଖ୍ୟ ଭୂମିକା ଗ୍ରହଣକରିଥିଲେ । ଆଗକୁ ସ୍ବାଧୀନ ପ୍ରାର୍ଥୀ ଘାସିରାମଙ୍କ ବିଜୟ ପାଇଁ ସଂଗଠନର ସବୁ ସଦସ୍ୟ ଜଣେ ଜଣେ ସିପାହୀ ଭଳି କାମ କରିବୁ ବୋଲି ସଂଗଠନ ସଭାପତି ଶ୍ରୀ ମଙ୍ଗରାଜ କହିଛନ୍ତି।ସଂଗଠନର ହରୀ କୁଳଦୀପ, ଦୁଷ୍ମନ୍ତ ଦୁରିଆ,ଗଦାଧର ମାଝି, ସୁବାସ ଆଡ଼ବଙ୍ଗ, ଖୁସିଜଗତ, ଧର୍ମରାଜ ନାଗବଂଶୀ, ସୁଶାନ୍ତ ଜଗତ,ଲକ୍ଷ୍ମଣ ତାଣ୍ଡି, ବାଲେଶ୍ବର ସାହୁ, ସୁନ୍ଦର ଚିନ୍ଦା,ନାଥୁରାମ ମାଝି, ଏକାମ ଦୀପ, ନରୁ ପାଣ୍ଡେ,ଯୋଗେଶ୍ୱର ପାଣ୍ଡେ, ଘାସି ଦୀପ, ସାଗରକରୁଆଁ, ବିବେକାନ୍ତ କଟା, ନରେଶ ଯାଦବ ପ୍ରମୁଖ ଶତାଧୂକ କାର୍ଯ୍ୟକର୍ତ୍ତା ଉପସ୍ଥିତ ଥିଲେ ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
