ନଦୀରେ ବୁଡି ବୃଦ୍ଧ ଙ୍କ ମୃତ୍ୟୁ
ଡାବୁଗାଁ, ୧୦/୨ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ଝରିଗୁଡା ଗ୍ରାମ ନିକଟ ନଦୀରେ ବୁଡି ଜଣେ ବୃଦ୍ଧଙ୍କ ମୃତ୍ୟୁ ଘଟିଥିବା ନେଇ ସୋମବାର ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ ଝରିଗୁଡା ଗ୍ରାମ ନିକଟ କଷାମୁଣ୍ଡା ନାଳରେ ଝରିଗୁଡା ଗ୍ରାମର ମାଧବ ଭତ୍ରା (୭୦) ରବିବାର ସନ୍ଧ୍ୟାରେ ଉକ୍ତ ନଦୀ ପାଖରେ ଶୌଚ ହୋଇ ଗାଧୋଇବା ବେଳେ ତାଙ୍କର ଗୋଡ ଖସି ଯାଇଥିଲା | ଗୋଡ ଖସି ଯିବାରୁ ମାଧବ ପାଣିରେ ବୁଡି ଯାଇଥିଲେ | ରାତ୍ରି ହେବାରୁ ମାଧବ ଘରକୁ ଆସିନଥିବା ଦେଖି ପରିବାର ଲୋକେ ବିଭିନ୍ନ ସ୍ଥାନରେ ଖୋଜା ଖୋଜି କରିଥିଲେ କିନ୍ତୁ ପାଇ ନଥିଲେ | ସୋମବାର ସକାଳୁ ନଦୀ ପାଖକୁ ଆସି ଦେଖିଥିଲେ ଯେ ମାଧବ ଙ୍କ ମୃତ ଦେହ ପାଣିରେ ଭାସୁଛି | ଏହାପରେ ମୃତକ ପୁଅ ଧନୁର ଭତ୍ରା ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଳକୁ ଭିତ୍ତି କରି ଥାନା ସବଇନିସ୍ପେକ୍ଟର ବିଜୁରାମ ବାଗ ଘଟଣାସ୍ଥଳରେ ପହଞ୍ଚି ଲୋକ ଙ୍କ ଦ୍ଵାରା ପାଣିରୁ ଶବକୁ ଉଦ୍ଧାର କରି ପାଞ୍ଚନାମା କରିଥିଲେ | ପରେ ଶବ ବ୍ୟବଚ୍ଛେଦ ପାଇଁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ | ଶବ ବ୍ୟବଚ୍ଛେଦ ପରେ ପରିବାର ବର୍ଗ କୁ ହସ୍ତାନ୍ତର କରଯାଇଥିଲା | ଏନେଇ ଥାନା କେସ ନଂ ୩/୨୫ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
