ପାପଡାହାଣ୍ଡି ବ୍ଳକ ମ୍ୟାଟ୍ରିକ ପରୀକ୍ଷାରେ ଟପ୍ପର ଦେବସ୍ମୀତା
ନବରଙ୍ଗପୁର:(୨/୫) (ରବି ନାରାୟଣ ମହାନ୍ତି)- ଓଡିଶା ମାଧ୍ୟମିକ ଶିକ୍ଷା ପରିଷଦ ଦ୍ୱାରା ଗତ ଶିକ୍ଷା ବର୍ଷ ୨୪/୨୫ ମାଟ୍ରିକ ପରୀକ୍ଷା ଫଳାଫଳ ବାହାରିଛି | ଏହି ପରୀକ୍ଷାରେ ପାପଡାହାଣ୍ଡି ବ୍ଲକ ରୁ ଦେବସ୍ମିତା ସ୍ୱାଇଁ ୯୦ ପ୍ରତିଶତ ମୋଟ ୫୪୪ ନମ୍ବର ରଖି ବ୍ଲକ ଟପ୍ପର ହୋଇଛନ୍ତି | ସେ ପାପଡାହାଣ୍ଡି ବ୍ଲକ ଅନ୍ତର୍ଗତ ମୈଦଲପୁର ସ୍ଥିତ ସରକାରୀ ନୂଆ ଉଚ୍ଚ ବିଦ୍ୟାଳୟ ଠାରେ ଅଧ୍ୟୟନ କରୁଥିଲେ | ଦେବସ୍ମିତା ବ୍ଲକ ଟପ୍ପର ହୋଇଥିବା ଖବର ପ୍ରସାରିତ ହେବା ପରେ ଏ ଅଞ୍ଚଳ ଖୁସିର ଲହରୀ ଖେଳି ଯାଇଥିଲା | ପ୍ରକାଶ ଥାଉକି ଗତ ବର୍ଷ ମଧ୍ୟ ଏହି ବିଦ୍ୟାଳୟ ର ଓମଯାଦ ବ୍ଲକ ଟପର ହୋଇଥିଲେ | ଦେବସ୍ମିତା ଙ୍କ ମାଆ ସାଇନରା ମହାନ୍ତି ଜଣେ ପ୍ରାଥମିକ ବିଦ୍ୟାଳୟ ଶିକ୍ଷୟତ୍ରୀ ଅଛନ୍ତି | ବାପା ଦେବରାଜ ସ୍ୱାଇଁ ମଧ୍ୟ ଜଣେ ଶିକ୍ଷକ ଭାବେ ଢେଙ୍କାନାଳ ଜିଲ୍ଲାରେ କାର୍ଯ୍ୟରତ ଅଛନ୍ତି | ଉକ୍ତ ଝିଅ ଦେବସ୍ମୀତା ଶିକ୍ଷା କ୍ଷେତ୍ରରେ ଉତ୍ତରୋତ୍ତର ଉନ୍ନତି କରୁ ବୋଲି ବୁଦ୍ଧିଜିବୀ ମହଲରେ ମତ ପ୍ରକାଶ ପାଇଛି l
