ବଞ୍ଚିବାର ବାଟ….
ଆନ୍ଦୋଳନ ଓ ଧର୍ମଘଟ
ବଞ୍ଚିବାର ଗୋଟିଏ ବାଟ ଆନ୍ଦୋଳନ ଓ ଧର୍ମଘଟ । ନିଜର ହକ୍ ପାଇଁ ନିଜ ମାଟି ଗାଁ ପାଇଁ ଲଢେଇ କରାଯିବ ।
ଲଢେଇ ବିନା ମୁକ୍ତି ନାହିଁ ମୁକ୍ତି ବିନା ଶାନ୍ତି ନାହିଁ । ଆଦିବାସୀଙ୍କ ଅଧିକାର ଜଳ ଜମି ଜଙ୍ଗଲ । ଯଦି କେହି ତାଙ୍କୁ ଏଥୁରୁ ବଞ୍ଚିତ କରିବାକୁ ପ୍ରୟାସ କରେ ତେବେ ଶାନ୍ତିରେ ବଣ ଜଙ୍ଗଲରେ ରହୁଥିବା ଆଦିବାସୀ ନିଜ ପାରମ୍ପାରିକ ଅସ୍ତ୍ର ଧରିବାକୁ ପଛେଇବ ନାହିଁ । ଅସ୍ତ୍ର ହିଂସା ପାଇଁ ନୁହେଁ ପ୍ରତିରୋଧ ପାଇଁ ଆଦିବାସୀ ନିଜ ପାରମ୍ପାରିକ ଅସ୍ତ୍ର ଧରିବାର ଆବଶ୍ୟକତା ଅଛି ବୋଲି କଳାହାଣ୍ଡି ଜିଲା କର୍ଲାପାଟ ଅଭୟାରଣ୍ୟ ସଂଲଗ୍ନ ପୁଲିଙ୍ଗ ପଦର ଠାରେ କର୍ଲାପାଟ ଓ ଖଣ୍ଡୁଆଳ ମାଳି ସୁରକ୍ଷା ସମିତି ତରଫରୁ ଆୟୋଜିତ ସମାବେଶରେ ମଞ୍ଚାସୀନ ଅତିଥ୍ ମତ ବ୍ୟକ୍ତ କରିଥିଲେ । ଆଗାମୀ ଜୁନ ୫ ତାରିଖ ଦିନ ବିଶ୍ଵ ପରିବେଶ ଦିବସ ପାଳନ ଅବସରରେ ଏକ ବିରାଟ ଜନ ସମାବେଶ ଆୟୋଜନ ନେଇ ନିଷ୍ପତ୍ତି ନିଆଯାଇଛି । କଳାହାଣ୍ଡି ଜିଲା ଥୁଆମୁଳ ରାମପୁର ପେରୁମଞ୍ଜି ଠାରେ ହେବାକୁ ଥିବା ଜନ ସମାବେଶରେ ଜଳ ଜମି ଜଙ୍ଗଲ ଆନ୍ଦୋଳନର ପୁରୋଧା 
ମେଧା ପାଠେକରଙ୍କ ସମେତ ସମଗ୍ର ଭାରତର ବହୁ ସାମାଜିକ କର୍ମୀ , ଆଇନଜୀବୀ ଓ ବୁଦ୍ଧିଜୀବୀ ଉପସ୍ଥିତ ରହିବେ । ସମାବେଶରେ ରାଜ୍ୟ ସରକାର ଖଣ୍ଡୁଆଳ ମାଳିକୁ ତଞ୍ଚକତା କରି ଲିଜ ଦେଇଥିବାରୁ ଦୃଢ ବିରୋଧ କରାଯିବ । ଏହାସହ ଯେତେଦିନ ପର୍ଯ୍ୟନ୍ତ ରାଜ୍ୟ ସରକାର ବିକାଶ ନାଁରେ ଦମନଲୀଳା ଚଲେଇଛନ୍ତି ସେତେଦିନ ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ମଞ୍ଚାସୀନ ଅତିଥୁ ମତ ବ୍ୟକ୍ତ କରିଥିଲେ । ଖଣ୍ଡୁଆଳା ମାଳି ସୁରକ୍ଷା ସମିତିର ସଭାପତି କାର୍ତିକ ମାଝୀ , ବ୍ରିଟିଶ କୁମାର , ନିୟମଗିରୀ ଆନ୍ଦୋଳନର ଲିଙ୍ଗରାଜ ଆଜାଦ , ସତ୍ୟ ମାହାର , ଲୋକ ଶକ୍ତି ଅଭିଯାନର ଅଧ୍ୟକ୍ଷ ପ୍ରଫୁଲ୍ଲ ସାମନ୍ତରା , ରାମକୃଷ୍ଣ , ଉପେନ୍ଦ୍ର ଦ୍ରାବିଡ , ସ୍ଵାତୀ ମିଶ୍ର , ବନ ମାଝୀଙ୍କ ସମେତ ସୁପ୍ରିମକୋର୍ଟର ଆଇନଜୀବୀ ରାହୁଲ ଚୌଧୁରୀ , ସୌରଭ ଶର୍ମା ପ୍ରମୁଖ ଯୋଗ ଦେଇ ମତ ବ୍ୟକ୍ତ କରିଥିଲେ ।
ଵିଦ୍ୟାଧର ସାହୁଙ୍କ ରିପୋର୍ଟ….
