ବୁଗୁଡ଼ା ବାର ଏସୋସିଏସନ ନିର୍ବାଚନ ଫଳାଫଳ
ମାନସ ସଭାପତି ଓ ଶ୍ୟାମ ସମ୍ପାଦକ
ପୋଲସରା, ୩୦/୦୩ ଗଞ୍ଜାମ ଜିଲ୍ଲାର ବୁଗୁଡା ବାର ଏସୋସିଏସନର ନୂତନ କର୍ମକର୍ତ୍ତା ନିର୍ବାଚନ ଶନିବାର ଦିନ ଅନୁଷ୍ଠିତ ହୋଇ ଫଳାଫଳ ପ୍ରକାଶ ପାଇଛି । ଏହି ନିର୍ବାଚନରେ ସମୁଦାୟ ୫୨ ଜଣ ଆଡଭୋକେଟ ମତଦାନ ପ୍ରଦାନ କରିଥିଲେ । ମାନସ ରଞ୍ଜନ ଦାଶ ସଭାପତି ଭାବେ ନିର୍ବାଚିତ ହୋଇଥିବା ବେଳେ ଶ୍ୟାମ ସୁନ୍ଦର ବିଷୋୟୀ ସମ୍ପାଦକ ଭାବେ ନିର୍ବାଚିତ ହୋଇଛନ୍ତି। ଉପସଭାପତି ଭାବେ ସୁବ୍ରତ କୁମାର ପଟ୍ଟନାୟକ,ସହ-ସମ୍ପାଦକ ଭାବେ ମନୋଜ କୁମାର ପାଣିଗ୍ରାହୀ, କୋଷାଧ୍ୟକ୍ଷ ଭାବେ କାହ୍ନୁ ଚରଣ ସାହୁ ଏବଂ କାର୍ଯ୍ୟକାରୀ କମିଟି ସଦସ୍ୟ ଭାବେ ସରୋଜ କୁମାର ଦାଶ, ଦେବୀ ନିବେଦିତା ଚୌଧୁରୀ ଓ ସାଇ ସନ୍ତୋଷିନୀ ପ୍ରଧାନ ନିର୍ବାଚିତ ହୋଇଛନ୍ତି। ନିର୍ବାଚନ ଅଧିକାରୀ ଭାବେ ସତ୍ୟ ନାରାୟଣ ମିଶ୍ର ଦାୟିତ୍ଵ ନିର୍ବାହ କରି ଫଳାଫଳ ଘୋଷଣା କରିଥିଲେ। ନବନିର୍ବାଚିତ କର୍ମକର୍ତ୍ତାଙ୍କୁ ସଙ୍ଘର ସମସ୍ତ ସଦସ୍ୟ ଶୁଭେଚ୍ଛା ଜଣାଇଥିଲେ।
