୮୫ ବର୍ଷୀୟା ବିଧବା ମହିଳା ସତ୍ୟଭାମା କେବେ ପାଇବ ବର୍ଦ୍ଧିତ ୩୫୦୦ ବାର୍ଦ୍ଧକ୍ୟ ଭତ୍ତା:ପ୍ରଶାସନ ର ଦୃଷ୍ଟି ପଡୁ
ନବରଙ୍ଗପୁର:(୧୮|୪)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ଝରିଗାଁ ବ୍ଳକ ଚଚା ଗ୍ରାମ ପଞ୍ଚାୟତରେ ୮୫ ବର୍ଷୀୟା ବିଧବା ମହିଳା ସତ୍ୟଭାମା କେବେ ପାଇବ ବର୍ଦ୍ଧିତ ୩୫୦୦ ବାର୍ଦ୍ଧକ୍ୟ ଭତ୍ତା ତାହା ଏବେ ଦେଖିବାକୁ ମିଳିଛି l ପ୍ରଶାସନ ର କେବେ ଦୃଷ୍ଟି ପଡିବ ତାହା ଦେଖିବାକୁ ବାକି ରହିଲା l ଆମେ କହୁଛୁ ଝରିଗାଁ ବ୍ଳକ ଚଚା ଗ୍ରାମ ପଞ୍ଚାୟତ ଦାବିରିମୁଣ୍ଡା ଗାଁ ବିଧବା ମହିଳା ସତ୍ୟଭାମା ଗୌଡ ଙ୍କ କଥା l ସତ୍ୟଭାମାଙ୍କ ସ୍ଵାମୀ ୧୦ ବର୍ଷରୁ ଉର୍ଦ୍ଧ୍ବ ହେବ ମୃତ୍ୟୁ ବରଣ କରିଥିଲେହେଁ ଏହି ଅସହାୟ ମହିଳା ବାରମ୍ବାର ପ୍ରଶାସନ କୁ ଗୁହାରି କରି ତା କଥା କେହି ଶୁଣି ନ ଥିବା କହିଛନ୍ତି ସତ୍ୟଭାମା l ବର୍ତ୍ତମାନ ସରକାରଙ୍କ ଠାରୁ ସତ୍ୟଭାମାଙ୍କୁ ୫ କେଜି ଚାଉଳ ଓ ୧୦୦୦ ଟଙ୍କା ବାର୍ଦ୍ଧକ୍ୟ ଭତ୍ତା ସାହା ଓ ଭରସା l ଓଡିଶା ସରକାର ୮୦ ବର୍ଷରୁ ଅଧିକ ବୟସ୍କ ବୃଦ୍ଧବୃଦ୍ଧା ଏବଂ ୮୦% ରୁ ଅଧିକ ଭିନ୍ନକ୍ଷମ ମାନଙ୍କ ପାଇଁ ଭତ୍ତା ରାଶି ୩୫୦୦ ଟଙ୍କାକୁ ବୃଦ୍ଧି କରିଛନ୍ତି, ହେଲେ ଏହି ସତ୍ୟଭାମା ବର୍ଦ୍ଧିତ ଭତ୍ତା ପାଇବାରୁ ବଞ୍ଚିତ ହୋଇ ରହି ଯାଇଛି l ଏଣୁ ଗ୍ରାମ ପଞ୍ଚାୟତ ଓ ବ୍ଳକ ପ୍ରଶାସନ ଏହି ବିଧବା ମହିଳା ସତ୍ୟଭାମା ପ୍ରତି ଦୟା ପରବସ ହୋଇ ଉଚିତ୍ ତଦନ୍ତ କରି ବର୍ଦ୍ଧିତ ବାର୍ଦ୍ଧକ୍ୟ ଭତ୍ତା ତୁରନ୍ତ ପ୍ରଦାନ କରିବାକୁ ଜନସାଧାରଣ ରେ ଦୃଢ଼ ଦାବୀ ହେଉଛି l ତେବେ ଯାଇ ସରକାରଙ୍କ ଯୋଜନା ହିତାଧିକାରୀମାନେ ପାଇବାରୁ ବଞ୍ଚିତ ହେବେନି l ସରକାରଙ୍କ ଯୋଜନା ର ଲାଭ ପାଇ ଆନନ୍ଦିତ ହେବେ l ସେତେବେଳେ ଯୋଜନା ହିତାଧିକାରୀ ପାଇ ଖୁସି ହୋଇ ପାରିବ l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
