ରାତି ସାରା ଗଛ ଉପରେ ୧୪ ଶ୍ରମିଜ
ବ୍ରିଜ୍ ନିର୍ମାଣ କାମ କରୁ ଥିଲେ, ହଠାତ୍ ନଦୀରେ ବନ୍ୟା ପାଣି ଚାଲି ଆସିଲା l ଶ୍ରମିକମାନେ ରହୁ ଥିବା ଅସ୍ଥାୟୀ କୁଡ଼ିଆ ବନ୍ୟା ପାଣିରେ ଭାସିଗଲା l ଜୀବନ ବଞ୍ଚାଇବା ପାଇଁ ୧୪ ଶ୍ରମିକ ରାତି ସାରା ଏକ ଗଛ ଉପରେ ଚଢି ଯାଇଥିଲେ l ଏପରି ଏକ ଅଭାବନୀୟ ଘଟଣା ଘଟିଛି ଓଡ଼ିଶା ଛତିଶଗଡ ସୀମାନ୍ତ ଗରିଆବନ୍ଧ ଜିଲ୍ଲା ଛୁରା ଥାନା ବିଜୟପାଲ ଗାଁରେ l ଓଡ଼ିଶା ଛତିଶଗଡ ସୀମାନ୍ତ ଏହି ବିଜୟପାଲ ଗାଁ ନିକଟରେ ଛତିଶଗଡ ସରକାରଙ୍କ ପକ୍ଷରୁ ବଗନଇ ନଦୀରେ ଏକ ବ୍ରିଜ୍ ନିର୍ମାଣ କାମ ଚାଲୁ ଥିଲା l ଗରିଆବନ୍ଧ ଜିଲ୍ଲାରେ ଲଗାଣ ବର୍ଷା ଯୋଗୁଁ ଏହି ବଗନଇ ନଦୀରେ ବନ୍ୟା ପାଣି ଚାଲି ଆସି ଥିଲା l ସେଠାରେ କାମ କରୁଥିବା ୧୪ ଶ୍ରମିକଙ୍କ ଅସ୍ଥାୟୀ କୁଡ଼ିଆ ନଦୀରେ ଓହଳି ଯାଇ ଥିଲା l ଜୀବନ ବଞ୍ଚାଇବା ପାଇଁ ୧୪ ଜଣ ଶ୍ରମିକ ଏକ ଗଛରେ ରାତି ସାରା ରହି ଯାଇ ଥିଲେ l ସୂଚନା ପାଇ ଗରିଆବନ୍ଧ ଜିଲ୍ଲାପାଳ ଭଗବାନ ସିଂହ ଉଇକେ ଓ ଏସପି ଦେବବ୍ରତ ସିରମୋର ଘଟଣା ସ୍ଥଳରେ ପହଞ୍ଚି ଥିଲେ l ଗରିଆବନ୍ଧ ଓ ମହାସମୁନ୍ଦ ଜିଲ୍ଲାର ଏସଡିଆରଏଫ୍ ଟିମ୍ ପହଞ୍ଚି ସମସ୍ତ ୧୪ ଜଣ ଶ୍ରମିକଙ୍କୁ ଉଦ୍ଧାର କରିଥିଲେ l ସମସ୍ତେ ସୁରକ୍ଷିତ ଥିବା ଗରିଆବନ୍ଧ ଡିଏସପି ଲିତେଶ ସିଂହ ଜଣାଇଛନ୍ତି l
ସୁଜିତ କୁମାର ପ୍ରଧାନ ଙ୍କ ରିପୋର୍ଟ୍
