ଦିବ୍ୟାଙ୍ଗ(ଦୃଷ୍ଟି ହୀନ) ବିଦ୍ୟାଳୟରେ ବିଧାୟକ ଦୁର୍ଗାଙ୍କ ଦ୍ୱାରା ପବିତ୍ର ରକ୍ଷା ବନ୍ଧନ ପାଳନ
ରାଉରକେଲା : ରଘୁନାଥପାଲ୍ଲୀ ବିଧାନସଭା ନିର୍ବାଚନ ମଣ୍ଡଳୀ ଅଂଚଳରେ ଥିବା ଲାଠିକଟା ବ୍ଲକ ଅନ୍ତର୍ଗତ କରଲାଖମନ ଗ୍ରାମ ନିକଟରେ ଥିବା ରାଧାକୃଷ୍ଣ ଦିବ୍ୟାଙ୍ଗ ( ଦୃଷ୍ଟିହୀନ)ବିଦ୍ୟାଳୟ ପରିସରରେ ବିଧାୟକ ଦୁର୍ଗା ଚରଣ ତନ୍ତୀଙ୍କ ଉପସ୍ଥିତିର ଆଜି ପବିତ୍ର ରକ୍ଷା ବନ୍ଧନ ଉତ୍ସବ ମହାଆଡମ୍ବରରେ ପାଳନ ହୋଇଯାଇଛି । ବିଦ୍ୟାଳୟର ଅଧକ୍ଷ ତଥା ସମ୍ପାଦକ ଗୋପୀନାଥ ନାୟକଙ୍କ ଅଧକ୍ଷତାରେ ଆୟୋଜିତ ଏକ ଭବ୍ୟ କାର୍ଯ୍ୟକ୍ରମରେ ଯୋଗଦେଇ ବିଧାୟକ ଶ୍ରୀ ତନ୍ତୀ ଓ ଧର୍ମପତ୍ନୀ ସୁଚିତ୍ରା ତନ୍ତୀଙ୍କ ସହିତ ସର୍ବପ୍ରଥମେ ରାଧାକୃଷ୍ଣ ଦିବ୍ୟାଙ୍ଗ ( ଦୃଷ୍ଟିହୀନ) ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ହାତରେ ରାକ୍ଷୀ ବାନ୍ଧିବା ପରେ ସମସ୍ତଙ୍କୁ ମିଷ୍ଟାନ୍ନ ବଣ୍ଟନ କରିଥିଲେ ।ଏହି ଅବସରରେ ବିଧାୟକ ଶ୍ରୀ ତନ୍ତୀ ଓ ଧର୍ମପତ୍ନୀ ସୁଚିତ୍ରା ତନ୍ତୀ ମଧ୍ୟ ବିଦ୍ୟାଳୟ ର ଛାତ୍ରଛାତ୍ରୀ ମାନଙ୍କ ହାତରେ ରାକ୍ଷୀ ବାନ୍ଧିବା ପରେ ସମସ୍ତଙ୍କ ସହ ଏକତ୍ର ବସି ଭୋଜନ କରିଥିଲେ । ଏ ସମସ୍ତ କାର୍ଯ୍ୟକ୍ରମରେ ବାହାଲେନ ଲୁଗୁନ,ପ୍ରଭଞ୍ଜନ ସାଥୁଆ, ବିଜେପି କର୍ମୀ ଅଜୟ କଂସାରୀ,ବାସୁ ସରଘରିଆ,ଉମେଶ ନାଗ,ଲାଠିକଟା ବ୍ଲକ ଉପାଧକ୍ଷ ବାସନ୍ତୀ ଓରାମ, ମୁଣ୍ଡାଜୋର ସରପଞ୍ଚ ସାକାରୀ ଓରାମ,ଅମୃତଲାଲ ଓରାମଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତିମାନେ ମଧ୍ୟ ଉପସ୍ଥିତ ଥିଲେ ।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
