ରାଷ୍ଟ୍ରୀୟ ସଫେଇ କର୍ମଚାରୀ କମିଶନର ଉପାଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କଲେ ଶ୍ରୀ କେଶବ ବିହାରୀ
ନୂଆଦିଲ୍ଲୀ: ରାଷ୍ଟ୍ରୀୟ ସଫେଇ କର୍ମଚାରୀ କମିଶନ (NCSK)ର ଉପାଧ୍ୟକ୍ଷ ଭାବେ ଶ୍ରୀ କେଶବ ବିହାରୀ ଆଜି ଆନୁଷ୍ଠାନିକ ଭାବେ ଦାୟିତ୍ୱ ଗ୍ରହଣ କରିଛନ୍ତି। ସଫେଇ କର୍ମଚାରୀଙ୍କ ଅଧିକାର, ସାମାଜିକ ସୁରକ୍ଷା, ସମ୍ମାନ ଓ କଲ୍ୟାଣ ପାଇଁ କମିଶନର ଭୂମିକାକୁ ଆହୁରି ସୁଦୃଢ଼ କରିବା ଦିଗରେ ସେ ଗୁରୁତ୍ୱ ଦେବେ ବୋଲି ଆଶା ପ୍ରକାଶ ପାଇଛି।
ଦାୟିତ୍ୱ ଗ୍ରହଣ ପରେ ଶ୍ରୀ ବିହାରୀ କହିଛନ୍ତି ଯେ, ଦେଶର ସଫେଇ କର୍ମଚାରୀମାନେ ସ୍ୱଚ୍ଛତା ବ୍ୟବସ୍ଥାର ମୁଖ୍ୟ ଯୋଦ୍ଧା। ସେମାନଙ୍କର ସୁରକ୍ଷା, ସମ୍ମାନ, ଜୀବିକା ଓ ଅଧିକାର ସୁନିଶ୍ଚିତ କରିବା ତାଙ୍କର ପ୍ରାଥମିକତା ରହିବ।
ସଫେଇ କର୍ମଚାରୀଙ୍କ ସମସ୍ୟାକୁ ତୃଣମୂଳସ୍ତରରୁ ଜାଣିବା ସହିତ ସେମାନଙ୍କ ଅଭିଯୋଗର ଶୀଘ୍ର ସମାଧାନ, ସରକାରୀ କଲ୍ୟାଣକାରୀ ଯୋଜନାର ସୁଫଳ ପହଞ୍ଚାଇବା ଏବଂ ସେମାନଙ୍କ ସାମାଜିକ ମର୍ଯ୍ୟାଦା ବୃଦ୍ଧି ଉପରେ ଗୁରୁତ୍ୱ ଦିଆଯିବ ବୋଲି ସେ ମତ ପ୍ରକାଶ କରିଛନ୍ତି।
ଶ୍ରୀ କେଶବ ବିହାରୀଙ୍କ ନୂତନ ଦାୟିତ୍ୱକୁ ନେଇ ବିଭିନ୍ନ ମହଲରୁ ଶୁଭେଚ୍ଛା ଜଣାଯାଇଛି। ତାଙ୍କ ନେତୃତ୍ୱରେ ସଫେଇ କର୍ମଚାରୀଙ୍କ କଲ୍ୟାଣ ଓ ଅଧିକାର ସୁରକ୍ଷା କ୍ଷେତ୍ରରେ କମିଶନ ଆହୁରି ସକ୍ରିୟ ଭୂମିକା ନେବ ବୋଲି ଆଶା ପ୍ରକାଶ ପାଇଛି।
ବିଷ୍ଣୁ ଚରଣ ସ୍ୱାଇଁ ଙ୍କ ରିପୋର୍ଟ
