ପ୍ରକୃତି ରାଣୀ

 

ଉପେନ୍ଦ୍ର କୁମାର ବସ୍ତିଆ

 

ଗ୍ରୀଷମରେ ତୁମେ ବରଗଛ ଛାଇ 

    ବର୍ଷାରେ ବରଷା ଧାରା 

ଶରତରେ ତୁମେ ନିରିମାଖି କଇଁ 

    ହେମନ୍ତେ ଶିଶିର ପରା ।

 

ଶୀତ କାଳେ ତୁମେ କଂଅଳିଆ ଖରା 

     ବସନ୍ତେ ମହକୁ ଥାଅ 

ଛଅ ଋତୁ ଯାକ ତୁମେ ଋତୁମୟୀ 

    ଵିବିଧେ ସଜେଇ ହୁଅ ।

 

ଋତୁରାଣୀ ଆଜି ଆନମନା ହୁଏ 

    ବିସ୍ମିତ ଲାଗଇ ସତେ 

ତୁମକୁ ଦେଖିଲେ ପ୍ରକୃତି ରାଣିଗୋ 

    କବିତା ଲେଖେଇ କେତେ ।

 

ଏତେ ରୁପମୟୀ କେମିତି ହୁଅ ଗୋ 

    ପାରେନାହିଁ ମୁହିଁ ଜାଣି 

ତଥାପି ତୁମରି ପାଖେ ଆମେ ସବୁ 

    ଜନ୍ମ ଜନ୍ମାନ୍ତାର ରୁଣୀ ।

 

ରାଉରକେଲା