ଥୁଆମୂଳ ରାମପୁର:୧୮/୬- ମ.ନି.ସ:- ମଟର ସାଇକେଲ ଦୁର୍ଘଟଣାରେ ଶିକ୍ଷକ ମୃତ୍ୟୁବରଣ କରିଛନ୍ତି। ମିଳିଥିବା ସୂଚନାରୁ ଜାଣିବାକୁ ମିଳିଛି ଯେ, କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ଥାନା ଜାମଗୁଡା ଗ୍ରାମର ଶିକ୍ଷକ କହ୍ନେଇ ନାଏକ ବୋଲି ଜଣାପଡିଛି। ସେ ଥୁଆମୂଳ ରାମପୁର ଥାନା ଅଧିନରେ ଥିବା କାଣିଗୁମା ଗ୍ରାମପଞ୍ଚାୟତ ତାରାଗାଁ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରୁଥିଲେ। ଶିକ୍ଷକ ନିଜ ମଟର ସାଇକେଲ ଯୋଗେ ସ୍କୁଲ ରୁ ନିଜ ଗ୍ରାମକୁ ଫେରୁଥିବା ବାଟରେ ହିଁ ମଟର ସାଇକେଲ ଭାରସାମ୍ୟ ହରାଇବାରୁ ଛପାଘାଟ ବ୍ରିଜ୍ ତଳକୁ ଖସିପଡିଥିଲେ। ଯାହାଫଳରେ ଘଟଣା ସ୍ଥଳରେ ହିଁ ପ୍ରାଣବାୟୁ ଉଡିଯାଇଥିବା ନେଇ କାଣିଗୁମା ସରପଞ୍ଚ ଶ୍ରୀ ଧ୍ରୃବ କାନ୍ତ ମାଝୀ ପୁଲିସକୁ ସୂଚନା ଦେଇଥିବା ଜଣାଯାଏ।ଖବର ଲେଖିବା ପୂର୍ବରୁ ଅଧିକ ତଥ୍ୟ ହସ୍ତଗତ ହୋଇନାହିଁ।
ଥୁଆମୂଳ ରାମପୁର ରୁ ବଳଭଦ୍ର ବାଗଙ୍କ ରିପୋର୍ଟ
