ଜଣାଣ

ମାନଗୋବିନ୍ଦ ସ୍ବାଇଁ

କି ଦୋଷ ରହିଲା ମୋହରି ଭିତରେ

   ଟିକେ ଡାକି ନେଲ ନାହିଁ

ଗଜର ଡାକକୁ ଶୁଣିଲ ଯେତାକୁ

   କଲ ଉଦ୍ଧାର ଗୋସାଇଁ।

ହାତ ଯୋଡ଼ି ପ୍ରଭୁ କହୁଛି ନୀରବେ

    ମୋ କଥା ଶୁଣିବ ଥରେ

ଦାସିଆ ବାଉରୀ ହାତରୁ ନଡ଼ିଆ

    ନେଲ କ୍ଷଣିକ ମଧ୍ୟରେ ।

ଭକ୍ତ ସାଲବେଗ କରିଲ ନିଜର

    ଜାତି ଧର୍ମ ଗଲା ଉଠି

ବ୍ୟଞ୍ଜନ ଭୋଜନ ସଭିଏଁ ଏକାଠି

    ଭାବ ଥିବା ଯେ ସବୁଠି।

ବଳରାମ ଦାସ ବାଲି ରଥ କରି

    ଭାବ ଭକ୍ତି ଡାକ ଦେଲା

ବଡ଼ଦାଣ୍ଡ ରଥ ରହିଲା ଅଟକି

   ଶୁଣିଲ ତାଡାକୁ ଭଲା।

ସେ ବନ୍ଧୁ ମହାନ୍ତି କଥା ବୁଝି ଗଲ

    ଡାକିଲ ପାଖକୁ ଆସ

ଶରଧା ବଢିଲା ଉତ୍ସାହ ରହିଲା

    ତାକୁ ଦେଲ ଯେ ସାହସ।

ମୋବେଳକୁ ହରି କାହିଁକି ନିରାସ

    ତୋ ପାଦେ ରହିଲି ବସି

ଯେତେ ଯାହା କର ଛାଡ଼ି ନାହିଁ ପଦ

    କେବେ କରିବ ମୋ ଖୁସି।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା