ଢେଙ୍କାନାଳ 22/7/22 ଜାତୀୟ ରାଜପଥ ପ୍ରାଧିକରଣ କର୍ତ୍ତୃପକ୍ଷ ଜାତୀୟ ରାଜପଥ ୫୫ କୁ ସମ୍ପ୍ରସାରଣ କରିବା କାମ ହାତ କୁ ନେଇ ଥିବା ବେଳେ କାର୍ଯ୍ୟ ରେ ବିଳମ୍ବ ଯୋଗୁ ଯାନ ବାହାନ ଚଳାଚଳ ରେ ବାଧା ପ୍ରାପ୍ତ ଓ ଏଥି ନିମନ୍ତେ ବିଭିନ୍ନ ପ୍ରକାରର ଦୁର୍ଘଟଣା ଶିକାର ହେଉଛନ୍ତି ଢେ଼ଙ୍କାନାଳ ବାସୀ ଯା କୁ ନେଇ ବନ୍ଦ ଡାକରା ଦିଆ ଯାଇଛି।
ଏହି ୧୨ ଘଣ୍ଟିଆ ବନ୍ଦ ଯୋଗୁଁ ଲକ୍ଷ୍ମୀ ବଜାର ସ୍ଥିତ ମୁଖ୍ୟ ଷ୍ଟେଟ ବ୍ୟାଙ୍କ, କାନାରା ବ୍ୟାଙ୍କ , ଆକ୍ସିସ ବ୍ୟାଙ୍କ , ଆଇସି ଆସି ଆଇ ବ୍ୟାଙ୍କ ଓ ବିଭିନ୍ନ ବ୍ୟାଙ୍କ ଗୁଡ଼ିକ ମଧ୍ୟ ବନ୍ଦ ରହି ଥିଲା ।ଏହି ବନ୍ଦ ଯୋଗୁଁ ସକାଳ ୭ ଘଟିକା ଠାରୁ ୯ ଘଟିକା ଯାଏ ଟ୍ରେନ୍ ଚଳାଚଳ ବନ୍ଦ ହୋଇଥିଲା । ସକାଳୁ ସକାଳୁ ଢେଙ୍କାନାଳର ବିଭିନ୍ନ ଅନୁଷ୍ଠାନ ପକ୍ଷରୁ ପିକେଡିଙ୍ଗ କରି ଶ୍ୟାମ ଚରଣ ସ୍ଥିତି ଷ୍ଟେସନ ଆଗରେ ଟ୍ରେନକୁ ଅଟକାଇ ଥିଲେ । ତାପରେ ସେଠାରେ ନାରାବାଜି ଦେଇଥିଲେ । ତା ସହିତ ଜାତୀୟ ରାଜପଥକୁ ଅବରୋଧ କରିବା ସହିତ ଟ୍ରକ, ବସ ଓ ଅନ୍ୟାନ୍ୟ ଗାଡି ମଟର କୁ ଅଟକାଇଥିଲେ, ସେଥିପାଇଁ ୩ କିମି ପର୍ଯ୍ୟନ୍ତ ବସ ଟ୍ରକ ଛଡା ହୋଇଥିଲେ ।ଏହି ଆନ୍ଦୋଳନ ଯୋଗୁଁ ବଜାରରେ ଥିବା ସମସ୍ତ ଦୋକାନ ବାଡି ବନ୍ଦ ରହିଥିଲା । ତା ସହିତ ସମସ୍ତ ଶିକ୍ଷା ଅନୁଷ୍ଠାନ ବନ୍ଦ ହୋଇଥିଲା । ସିଭିଲ କୋଟ ସହିତ ବିଭିନ୍ନ ସରକାରୀ ଓ ବେସରକାରୀ ଅଫିସ୍ ପ୍ରଭାବିତ ହୋଇଥିଲା । 
ତାପରେ ଏକ ବିରାଟ ଶୋଭାଯାତ୍ରା ବାହାରି ସହର ପରିକ୍ରମା କରିଥିଲେ ଜିଲ୍ଲା ଓକିଲ ସଂଘ, ଜିଲ୍ଲା ବସ୍ ଓ ଟ୍ରକ ଆସୋସିଏସନ ସଂଘ, ଜିଲ୍ଲା ବାଣିଜ୍ୟ ସଂଘ ଓ ବଜାର କମିଟି ସଂଘ ପୂଜା କମିଟି ସଂଘ ଓ କ୍ଳବ ଅନୁଷ୍ଠାନ ପକ୍ଷରୁ ବିଭିନ୍ନ କାର୍ଯ୍ୟକର୍ତ୍ତା ମାନେ ଯୋଗ ଦେଇଥିଲେ । ଶେଷରେ ଜିଲ୍ଲା NHAI ଅଫିସ୍ କୁ ଘେରାଉ କରାଯାଇ ତାଲା ପକାଇ ଦିଆଯାଇଥିଲା ଓ ଜିଲ୍ଲାପାଳ ସରୋଜ କୁମାର ସେଠୀକୁ ଏକ ଦାବିପତ୍ର ଦିଆଯାଇଛି । ଏଥି ସହିତ ଜିଲ୍ଲାପାଳ କହିଛନ୍ତି ଯେ ଆସନ୍ତା ରବିବାର ଦିନ ଅନୁଗୋଳ ଠାରେ ଢେଙ୍କାନାଳ ପ୍ରଶାସନ ଓ ଅନୁଗୁଳ ପ୍ରଶାସନ ଓ NHAI କର୍ତ୍ତପକ୍ଷ ଏକ ବୈଠକ ହେବାର କାର୍ଯ୍ୟକ୍ରମ ଅଛି।
ଢେଙ୍କାନାଳରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍
