କାମାକ୍ଷାନଗର -: ଢେଙ୍କାନାଳ ଗନ୍ଦିଆ ଥାନା ଅନ୍ତର୍ଗତ ନିଳମାଧବ ଆଦିବାସୀ ଶବର ସଂଘ ପକ୍ଷରୁ ଜିଲ୍ଲାପାଳଙ୍କୁ ଆଜି ଏକ ଦାବିପତ୍ର ପ୍ରଦାନ କରାଯାଇ ଥିଲା। ମୁଖ୍ୟତଃ ଗନ୍ଦିଆ ଅନ୍ତର୍ଗତ ବିଭିନ୍ନ ଗ୍ରାମରେ ନିଶା କାରବାର ବଢିବାରେ ଲାଗିଛି । ଏହାର ପ୍ରତିକାର ପାଇଁ ଗନ୍ଦିଆ ବ୍ଳକର ମହିଳା ଶାଖା ତରଫରୁ ଏହି ଦାବି ପତ୍ରଟି ଜିଲ୍ଲାପାଳ ଶ୍ରୀଯୁକ୍ତ ସରୋଜ କୁମାର ସେଠୀ ଙ୍କୁ ପ୍ରଦାନ କରିଥିଲେ । ଗନ୍ଦିଆ ବ୍ଲକ ର ବିଭିନ୍ନ ଗ୍ରାମ ଯାଜପୁର ଜିଲ୍ଲା କୁ ଲାଗି ରହିଛି । ଏହି ଥାନାକୁ ଯାଜପୁର ଜିଲ୍ଲାରୁ ମଦ ମାଫିଆ ମାନେ ଅବାଧ୍ୟରେ ଆସି ବିଭିନ୍ନ ଗ୍ରାମରେ ଗରିବ ଗୁରୁବା ଲୋକ ମାନଙ୍କୁ ନିଶା ସେବନ କରାଇବାରେ ଲାଗିଛନ୍ତି । ଫଳରେ ପରିବାର ଧ୍ଵଂସାଭିମୁଖୀ ହେବାର ଲାଗିଛି । କେବଳ ପୋଲିସ୍ ଓ ଏକ୍ସାଇଜ୍ ବିଭାଗ ସଜାଗ ରହି ଏହି ମାଫିଆ ମାନଙ୍କୁ ସଜାଗ କରି ପାରିବେ । ବିଶେଷ କରି ଶବର ଆଦିବାସୀ ମାନେ ଦିନ ମଜୁରିଆ ଶ୍ରେଣୀର ଓ ଦିନକୁ ଯେତିକି ରୋଜଗାର କରିଥାଆନ୍ତି, ସେତିକି ମଦ୍ୟ ପାନ କରି ଅର୍ଥ ଉଜାଡି ଦିଅନ୍ତି ଯା ଦ୍ୱାରା କି ଘରେ ପିଲା ଛୁଆ ଭୋକିଲା ରହିବା ସଙ୍ଗେ ସଙ୍ଗେ ପାଠ ପଢିବାରୁ ବଞ୍ଚିତ ରହୁଛନ୍ତି ।ଜିଲ୍ଲା ପ୍ରସାଶନ ସତର୍କ ନ ହେବାରୁ ମଦ ମାଫିଆ ମାନେ ଗ୍ରାମ ପରିବା ଓ ଜଳଖିଆ ଦୋକାନରେ ରଖି ବେପାର କରୁଛନ୍ତି । ଏଣୁ ଆଦିବାସି ସବର ସଂଘ ତରଫରୁ ଏକ ଦାବିପତ୍ର ପ୍ରଦାନ କରାଯାଇଛି । ସଂଘ ପକ୍ଷରୁ ପ୍ରହଲ୍ଲାଦ ଶବର,ତୁଳସୀ ଦେହୁରୀ , ମିନି ହେହୁରୀ, ରଇବାରି ଅଡୁଆ, ତପନୀ ଖଟୁଆ,ଲୋଚନୀ ଦେହୁରି, ଗଉରୀ ଖଟୁଆ ଓ ସମସ୍ତ ଗ୍ରାମବାସୀ ଏକତ୍ରୀତ ହୋଇ ଜିଲ୍ଲାପାଳକୁ ଦାବିପତ୍ର ପ୍ରଦାନ କରିଥିଲେ।
କାମାକ୍ଷାନଗର ଉପଖଣ୍ଡ ରୁ ପ୍ରହଲ୍ଲାଦ ମୁଦୁଲି ଙ୍କ ରିପୋର୍ଟ୍
