ଡାବୁଗାଁ, ୨୦/୯ – ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଜବାଗୁଡା ଗ୍ରାମ ପଞ୍ଚାୟତ କାର୍ଯ୍ୟ|ଳୟ ପରିସରରେ ରାଜ୍ୟ ପ୍ରଦୂଷଣ ବୋର୍ଡ ତରଫରୁ ଦରଗୁଲା ନଦୀ ଶଯ୍ୟା ବାଲୁକା ଖଣି ଉପରେ ଏକ ଜନ ଶୁଣାଣି କାର୍ଯ୍ୟକ୍ରମ ମଙ୍ଗଳବାର ଅନୁଷ୍ଠିତ ହୋଇଯାଇଛି | ଏଥିରେ ନବରଙ୍ଗପୁର ଅତିରିକ୍ତ ଜିଲାପାଳ ଭାସ୍କର ରଇତ ଙ୍କ ସହ ରାଜ୍ୟ ପ୍ରଦୂଷଣ ବୋର୍ଡ ଆଞ୍ଚଳିକ କାର୍ଯ୍ୟ|ଳୟର ଅଧିକାରୀ ଜିତେଶ ବିଶ୍ଵାଳ, ଡାବୁଗାଁ ତହସିଲଦାର ଭବାନୀ ଶଙ୍କର ମିଶ୍ର ଉପସ୍ଥିତ ରହି ଜନ ଶୁଣାଣି କରିଥିଲେ | ଏଥିରେ ଗ୍ରାମବାସୀଙ୍କ ଆପତ୍ତି ଅଭିଯୋଗ ନେଇ ସମାଧାନ କରାଯାଇଛି | ଏଥିରେ ଦରଗୁଲା ନଦୀ ଶଯ୍ୟା ୨ଟି ବାଲୁକା ଖଣି ନିଲାମ ଦିଆଯାଇଛି | ଏନେଇ ଗ୍ରାମବାସୀ ଙ୍କୁ ଜଣାଇ ଦିଆଯାଇଥିଲା | ଏହି ଜନ ଶୁଣାଣି କାର୍ଯ୍ୟକ୍ରମରେ ଅତିରିକ୍ତ ତହସିଲଦାର ସତିଶ କୁମାର ବାଇନି, ଜବାଗୁଡା ସରପଞ୍ଚ ଗୋମତୀ ଭତ୍ରା, ରାଜସ୍ୱ ନିରିକ୍ଷକ ହରିବାନ୍ଦୁ ରନ୍ଧାରୀ, ପଞ୍ଚାୟତ ନିର୍ବାହୀ ଅଧିକାରୀ ପରଶୁରାମ ମାଳୀ ଓ ଗ୍ରାମର ପ୍ରାୟ ୨୦୦ ଜଣ ଗ୍ରାମବାସୀ ଉପସ୍ଥିତ ଥିଲେ |
ପ୍ରଜ୍ଞାରଞ୍ଜନ ପରିଡା, ଡାବୁଗାଁ
