ଦୀପାବଳୀ
ପ୍ରେମଲତା
ଦୀପଜ୍ୟୋତି ପର୍ବ ଅଟେ ଦୀପାବଳୀ
ଆଦି ଆରମ୍ଭ ର ପଥେ
ଜାତି ଧର୍ମ ବର୍ଣ୍ଣ ନିର୍ବିଶେଷ ଖୁସି
ସଂସ୍କୃତି ଜୀବନ ରଥେ।
କାର୍ତ୍ତିକ ମାସର ଅମାବାସ୍ଯା ତିଥି
ପବିତ୍ର ପାବନ ସୂତ୍ରେ
ମା ଶ୍ୟାମାକାଳୀ ପଦରେ ପୂଜା ବିଧି
ଶକ୍ତି ପ୍ରଦାୟୀନି ମନ୍ତ୍ରେ।
ବଡବଡୁଆଙ୍କୁ କାଉଁରିଆ ଜାଳି
ଡକାଯାଏ ଆଲୁଅରେ
ଅନ୍ଧାରରେ ଆସ ଆଲୁଅରେ ଯାଅ
ପ୍ରାର୍ଥନା ଅର୍ଘଦାନରେ।
ଏହିଦନ ରାମ ରାବଣ କୁ ମାରି
ଫେରିଥିଲେ ଅଯୋଧ୍ୟା ରେ
ସେଥିପାଇଁ ସଜାଦୀପରେ ଦୀପାଳୀ
ରାଜାରାମଙ୍କ ନାମରେ।
ଦୀପରୋଷଣୀର କେତେ ବାଣ ଫୁଟା
ଆନନ୍ଦ ଲହରୀ ଭରେ
ପତଙ୍ଗ ସମାଧି ଆଲୋକ ଶୀଖାରେ
ଯେଣୁ ଚର୍ତୁମାସ୍ୟା ସରେ।
କାର୍ତ୍ତିକ ମାସ ଟି ଧର୍ମ ଶ୍ରେଷ୍ଠ ମାସ
ମଂଗଳ ଆରତୀ ତଳେ
ବ୍ରୁନ୍ଦାବତୀ ମୂଳେ ଆକାଶ ର ଦୀପ
ମାସସାରା ପୂଣ୍ୟ ଢାଳେ।
