ଡାବୁଗାଁ, ୨୬/୧୦ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ର ଡ଼ଙ୍ଗରିଗୁଡା ପଞ୍ଚାୟତ ଅଧୀନ ବୋରିପଦର ଗ୍ରାମରେ ଜଣେ ଦାଦନ ଶ୍ରମିକ ଙ୍କ ମୃତଦେହ ଆସି ବୁଧବାର ଅପରାହ୍ନ ରେ ପହଞ୍ଚିଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ର ଡ଼ଙ୍ଗରିଗୁଡା ପଞ୍ଚାୟତ ଅଧୀନ ବୋରିପଦର ଗ୍ରାମର ରମେଶ ଡଙ୍ଗରୀ (୨୮) ଗତ ମାସ ତଳେ ତାମିଲନାଡୁ ରାଜ୍ୟର ତିରିପୁର ଅଞ୍ଚଳରେ ଥିବା ଡିସ୍କି କମ୍ପାନୀ ରେ ରହି ସିଲେଇ କାମ କରୁଥିଲା | ୨୩/୧୦/୨୨ ଦିନ ରମେଶ ଙ୍କ ଘରକୁ ତାଙ୍କର ମୃତ୍ୟୁ ଖବର ପହଞ୍ଚିଥିଲା | ମୃତ୍ୟୁ ଖବର ତାର ଭାଇ ପୁରୁଷୋତ୍ତମ ଡଙ୍ଗରୀ ଓ ପୁତୁରା ତାପସ ଡଙ୍ଗରୀ ତିରିପୁର ପହଞ୍ଚି ମୃତ ରମେଶ ର ଶବ କୁ ଏକ ଆମ୍ବୁଲାନ୍ସ ଯୋଗେ ଆଣି ଆଜି ନିଜ ଗ୍ରାମରେ ପହଞ୍ଚିଥିଲେ | ଗ୍ରାମରେ ଶବ ପହଞ୍ଚିବା ପରେ ଗ୍ରାମରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଥିଲା | ପରେ ଗ୍ରାମ ସ୍ମସାନରେ ତାଙ୍କର ଶବ ଦାହ କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
