ବାଲେଶ୍ଵର,୦୨/୧୨/୨୨- ଗଦ୍ୟ ସାହିତ୍ୟର ଉନ୍ନତି ପାଇଁ ଗତ ୨୦୧୯ ମସିହାରେ ବାଲେଶ୍ଵର ଜିଲ୍ଲା ଖଇରା ଠାରେ ଗଢି ଉଠିଛି ” ମୋ ଅନୁଷ୍ଠାନ ସାହିତ୍ୟ ସଂସଦ ” । ବିଭିନ୍ନ ସଦସ୍ୟା/ସଦସ୍ୟ ଓ କର୍ମକର୍ତ୍ତା ମାନଙ୍କୁ ନେଇ ଆଗେଇ ଚାଲିଛି ଅନୁଷ୍ଠାନ । ଗଦ୍ୟ ସାହିତ୍ୟର ବିକାଶ ପାଇଁ ପ୍ରତ୍ୟେକ ମାସ ଅନୁଷ୍ଠାନ ଦ୍ବାରା ବିଭିନ୍ନ ପ୍ରକାର ପ୍ରତିଯୋଗିତା ମୂଳକ କାର୍ଯ୍ୟକ୍ରମ ଯଥା-ଗଳ୍ପ, ପ୍ରବନ୍ଧ, କବିତା ପ୍ରତିଯୋଗିତା ସହିତ ଓଡିଆ ସଂସ୍କୃତି, ଚାଲିଚଳଣୀ, ବେଶଭୂଷା ଇତ୍ୟାଦିକୁ ନେଇ ପ୍ରତ୍ୟେକ ମାସ ୧ ତାରିଖରେ ଫଟୋ ପ୍ରତିଯୋଗିତା ଅନୁଷ୍ଠିତ ହୋଇଥାଏ । 
ପ୍ରତ୍ୟେକ ମାସ ଫଟୋ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରିଥିବା ପ୍ରତିଯୋଗୀଙ୍କୁ ଚଳିତ ମାସ ଅର୍ଥାତ୍ ତା ୨୫/୧୨/୨୨ ରିଖ ରବିବାର ଦିନ ଅନୁଷ୍ଠିତ ହେଉଥିବା ୩ୟ ବାର୍ଷିକ ଉତ୍ସବରେ ମଞ୍ଚାସୀନ ଅତିଥି ମାନଙ୍କ ଦ୍ବାରା ସମ୍ବର୍ଦ୍ଧିତ କରାଯିବ ବୋଲି ସର୍ବଦା ଘୋଷଣା କରାଯାଇଛି । ତା ୦୧/୧୨/୨୨ ଗୁରୁବାର ଥିଲା ଚଳିତ ବର୍ଷର ଶେଷ ଫଟୋ ପ୍ରତିଯୋଗିତା । 
ଏହି ରାଜ୍ୟ ସ୍ତରୀୟ ପ୍ରତିଯୋଗିତାରେ ବିଭିନ୍ନ ଜିଲ୍ଲାରୁ ପ୍ରତିଯୋଗୀ ମାନେ ଭାଗ ନେଇଥିଲେ । ଅନୁଷ୍ଠାନର ଆଜୀବନ ସଦସ୍ୟା ଓ ସମୀକ୍ଷିକା ସରସ୍ୱତୀ ପଣ୍ଡା, ଜିଲ୍ଲା-ଯାଜପୁର ଯିଏକି ଜଣେ ସୁ-ଗୃହିଣୀ, ସୁ-କବୟିତ୍ରୀ, ସୁ-ଲେଖିକା ସେ ବର୍ଷତମାମ ଫଟୋ, ଗଦ୍ୟ ଏବଂ ପଦ୍ଯକୁ ତନ୍ନତନ୍ନ ଭାବେ ସମୀକ୍ଷା କରି ନ୍ୟାୟ ଦେବାରେ ସକ୍ଷମ ହୋଇଛନ୍ତି । ମଝିରେ ମଝିରେ ତାନଶ୍ରୀ ପାଣିଗ୍ରାହୀ, ସୁଜାତା ଦାସ ମହାନ୍ତି, ମମତାମୟୀ ବିଶ୍ବକଲ୍ଯାଣୀ ରାଉତ, ରଶ୍ମିତା ପାତ୍ର ପ୍ରମୁଖ ସଦସ୍ୟା ମାନେ ସମୀକ୍ଷାରେ ସହଯୋଗ କରିଥିଲେ । ଆବଶ୍ୟକ ସ୍ଥଳେ ସଭାପତି ମୁଖ୍ୟ ସମୀକ୍ଷକ ଦାୟିତ୍ୱ ତୁଲାଇ ଥାଆନ୍ତି । ସମସ୍ତଙ୍କ ସ୍ନେହ, ଶ୍ରଦ୍ଧା, ସହଯୋଗ ଓ ଆଶୀର୍ବାଦକୁ ପାଥେୟ କରି ଗନ୍ତବ୍ଯ ପଥରେ ଆଗେଇ ଚାଲିଛି ମୋ ଅନୁଷ୍ଠାନ । ଅନୁଷ୍ଠାନର ସଭାପତି ସୁ-ସାହିତ୍ୟିକ ନାରାୟଣ ଚନ୍ଦ୍ର ସେନାପତିଙ୍କର ଅନୁଷ୍ଠାନ ପ୍ରତି ଥିବା ଅବଦାନ ଅବର୍ଣ୍ଣନୀୟ । 
ଉକ୍ତ ଫଳାଫଳରେ ପ୍ରଥମ ସ୍ଥାନ ଅଧିକାର କରିଛନ୍ତି କବିତା ସାହୁ, ଜୟପୁର, କୋରାପୁଟ, ଦ୍ବିତୀୟ ସ୍ଥାନ ଅଧିକାର କରିଛନ୍ତି ସୁନନ୍ଦା ମହାନ୍ତି, ସାକ୍ଷୀଗୋପଳ, ପୁରୀ ଓ ତୃତୀୟ ସ୍ଥାନ ଅଧିକାର କରିଛନ୍ତି ଯାଜ୍ଞସେନୀ ପଣ୍ଡା, ବାଙ୍ଗାଲୋର, କର୍ଣ୍ଣାଟକର ପ୍ରତିଯୋଗୀ । ସମସ୍ତ ପ୍ରତିଯୋଗୀଙ୍କୁ ଶେଷ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି ଅନୁଷ୍ଠାନର ପ୍ରତିଷ୍ଠାତା ଓ ସମ୍ପାଦକ ନରେନ୍ଦ୍ର ପ୍ରସାଦ ବେହେରା । ପ୍ରତ୍ୟେକ ମାସରେ ପ୍ରଥମ ସ୍ଥାନ ଅଧିକାର କରିଥିବା ପ୍ରତିଯୋଗୀ ମାନଙ୍କ ସମେତ ଅଂଶ ଗ୍ରହଣ କରିଥିବା ଅନ୍ୟ ସମସ୍ତ ପ୍ରତିଯୋଗୀ ମାନଙ୍କୁ ଯୋଗାଯୋଗ ନିମନ୍ତେ ଅନୁରୋଧ କରିଛନ୍ତି ସଂପାଦକ । ସମ୍ପାଦକଙ୍କ ଯୋଗାଯୋଗ ଓ ହ୍ବାର୍ଟଅପ୍ ନମ୍ବର – ୯୮୫୩୧୪୨୫୧୦
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
