l l l ଶ୍ରୀଜଗନ୍ନାଥ l l l
ଶିରିକ୍ଷେତ୍ର ଧାମ ଶଙ୍ଖକ୍ଷେତ୍ର ନାମ
ଚାରିଧାମେ ଶ୍ରେଷ୍ଠ ଅଟେ
ଦାରୁବ୍ରହ୍ମ ରୂପେ ପୂର୍ଣ୍ଣବ୍ରହ୍ମ ସେହି
ବିରାଜିତ ସବୁ ଘଟେ ॥
ଗଦା ପଦ୍ମ ଚକ୍ର ଶଙ୍ଖ ଶୋଭେ ହସ୍ତେ
ରତନବେଦୀ ଉପର
ଭାଇ ହଳଧର ସୁଭଦ୍ରା ଭଉଣୀ
ବସିଛନ୍ତି ସାଥେ ତାର ॥
ଭୂଦେବୀ ଶ୍ରୀଦେବୀ ମଦନ ମୋହନ
ସାଥେ ବିଜେ ସୁଦର୍ଶନ
ତା ଚକା ଆଖିରେ ଜଗତ ଦେଖୁଛି
ପରଖି ଭକତଜନ ॥
ନୀଳଚକ୍ରେ ତାର ପତିତ ପାବନ
ଡାକଇ ଆସ ପତିତ
ଉଦ୍ଧାର କରିବା ନିମନ୍ତେ ବସିଛି
ବାହୁ ମେଲି ଦୁଇହାତ ॥
ବଡ଼ଦାଣ୍ଡେ ଯାତ ବଡ଼ ତା ଦେଉଳ
ବଡ଼ପଣ୍ଡା ପୂଜେ ତାର
ସବୁ ତାର ବଡ଼ ବିଶ୍ଵର ଠାକୁର
ନାହିଁ ପାତର ଅନ୍ତର ॥
ଜଗନ୍ନାଥ ଦେଶ ଓଡ଼ିଶା ପ୍ରଦେଶ
ବିଶ୍ଵରେ ବିଖ୍ୟାତ ନାମ
ଓଡ଼ିଆ ଜାତିର ଆରାଧ୍ୟ ଦେବତା
ଜଗନ୍ନାଥ ପୂର୍ଣ୍ଣବ୍ରହ୍ମ ॥
ରତିନାରାୟଣ ରାଉତ
ହରିଚନ୍ଦନପୁର, କେନ୍ଦୁଝର, ଓଡ଼ିଶା
