ଚନ୍ଦାହାଣ୍ଡି(ମନି ସ) ଚନ୍ଦାହାଣ୍ଡି ବ୍ଲକ ଅଧିନସ୍ଥ ଦଳବେଡା ଗ୍ରାମ ସାପ୍ତାହିକ ହାଟପଦା ଠାରେ ଥିବା ମନ୍ଦିର ପରିସରରେ ମା ଠାକୁରାଣୀ ଙ୍କ ବାର୍ଷିକ ମଣ୍ଡେଇ ଯାତ୍ରା ଅନୁଷ୍ଠିତ ହୋଇଯାଇଛି । ଅଂଚଳର ସୁଖ ,ଶାନ୍ତି, ସମୃଦ୍ଧି, ଉତମ ଫସଲ ଓ ବିଭିନ୍ନ ରୋଗରୁ ମୁକ୍ତି ନିମନ୍ତେ ଏହି ଯାତ୍ରା ପାଳିତ ହେଉଥିବା ସ୍ଥାନୀୟ ବାସିନ୍ଦା ସନ୍ତୋଷ ମାଝୀ କହିଛନ୍ତି । ଗତକାଲି ଠାରୁ ଦଳବେଡା ଓ ଆଖ ପାଖ ଗ୍ରାମର ସମସ୍ତ ଚାଷି ଏକତ୍ରୀତ ହୋଇ ପୂଜାର୍ଚ୍ଚନା ଆରମ୍ଭ କରିଥିବା ବେଳେ ଆଜି ଏହି ଅବସରରେ ପାନାବେଡା ଅଂଚଳର ସମସ୍ତ ଦେବା ଦେବୀ ଙ୍କୁ ନିମନ୍ତ୍ରଣ କରାଯାଇଥିଲା । ଏହି ମଣ୍ଡେଇ ଯାତ୍ରାରେ କଛାରପଡା , ଅଂଟିପଡା , ବନାମହୁଲ , ଭାଟିପଡା , ବରାଗୁଡା , କାଶିପାଣି ସମେତ ଆଖାପାଖ ଗ୍ରାମର ପ୍ରତିଷ୍ଠାତ୍ରୀ ଦେବା ଦେବୀ ଦଳବେଡା ଗ୍ରାମକୁ ବିରାଜମାନ କରିଥିଲେ । ଏହା ପ୍ରତି ବର୍ଷ ପାଳିତ ହୁଏ । ବିଭିନ୍ନ ଦେବାଦେବୀଙ୍କ ଲାଠି, ବିମାନ ,ପାଲିଙ୍କି ରେ ଦେବାଦେବୀ ମାନେ ଗ୍ରାମ ପରିକ୍ରମା କରିବା ପରେ ଠାକୁରାଣୀ ମନ୍ଦିର ପୀଠରେ ସମସ୍ତେ ଏକତ୍ରୀତ ହୋଇଥିଲେ । ଚଳିତ ବର୍ଷ ଏହି ମଣ୍ଡେଇ ଯାତ୍ରାରେ ଷାଠିଏ ରୁ ଉର୍ଦ୍ଧ ଲାଠି ଶୋଭାଯାତ୍ରାରେ ବାହାରି ଥିଲେ । ଲୁହା କଂଟା ରେ ନିର୍ମୀତ ଦୋଳିରେ ବସି ଦେବୀ ମାନେ ନିଜ ନିଜ ଶକ୍ତି ପ୍ରଦର୍ଶନ କରିଥିଲେ । ଏହା ଦେଖିବା ନିମନ୍ତେ ଶହ ଶହ ଲୋକ ଭିଡ ଜମାଇଥିଲେ । କୁନି କୁନି ପିଲାଙ୍କ ମନୋରଞ୍ଜନ ନିମନ୍ତେ ବିଭିନ୍ନ ପ୍ରକାର ଖେଲଣା ଦୋକାନୀ ମାନେ ପସରା ମେଲାଇଥିଲେ । ଏହି ମଣ୍ଡେଇ ମା ଠାକୁରାଣୀ ଙ୍କ ପୁଜକ ଯୋଗୀ ପୁଜାରୀ ପୂଜାପାଠ କରିଥବା ବେଳେ ପୂଜା କମିଟି ସଦସ୍ୟ ମାଧବ ଧୁରୁଆ, ମଙ୍ଗଳ ନାୟକ, ସନ୍ତୋଷ ମାଝୀ, ନାୟକୁ ମାଝୀ , ଚରଣସିଂ ନାୟକ,ଲାଲୁ ମାଝୀ,ଜଗନ୍ନାଥ ଗୈାଡ, ଲଛମନ ନାଗ ,ଘନ ମାଝୀ , ଦୟା ଗୈାଡ, , ବଳ ମାଝୀ , ସଦନ ମାଝୀ , ଧନିଷ୍ଠ ନାଗ ବଳରାମ ମାଝୀ,ସନଧର ପୋଡ ,ଭୋଳାନାଥ ବେଶ୍ରା,ଭରତ ବାଘ,ଘନଶ୍ୟାମ ନାୟକ, ପ୍ରମୂଖ ଶୀରା ଓ ଦିଶାରୀ ଉପସ୍ଥିତ ଥିଲେ।
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ୍
