ରାଉରକେଲା/ ସାହିତ୍ୟ ପ୍ରତି ପ୍ରତିବଦ୍ଧତା ନେଇ ବାସନ୍ତୀ ପାଠାଗାର ତରଫରୁ ପାଠାଗାର ପରିସରରେ ମାସିକ ସାହିତ୍ୟ ଆସର ଅନୁଷ୍ଠିତ ହୋଇଯାଇଛି । ପାଠାଗାରର କାର୍ଯ୍ୟକାରୀ ସଭାପତି ବିଭୁଦତ୍ତ ବେହେରାଙ୍କ ଅଧ୍ୟକ୍ଷତା ଓ ସାଧାରଣ ସଂପାଦକ ବିକ୍ରମଚନ୍ଦ୍ର ଆଚାର୍ଯ୍ୟଙ୍କ ସଂଯୋଜନାରେ ଆୟୋଜିତ ଏହି ଆସରରେ ମୁଖ୍ୟବକ୍ତା ଭାବେ ଶିକ୍ଷାବିତ୍ ବ୍ରଜେନ୍ଦ୍ର ଦାଶ ଯୋଗଦେଇ କାନ୍ତକବି ଲକ୍ଷ୍ମୀକାନ୍ତଙ୍କ ଜୀବନୀ ଓ ସୃଷ୍ଟି ସଂପର୍କରେ ଆଲୋଚନା କରିଥିଲେ । 
ଏହି ଅବସରରେ ଶ୍ରୀଦାଶ କାନ୍ତକବିଙ୍କ ସୃଷ୍ଟିକୁ ସାଙ୍କେତିକ ନୈବେଦ୍ୟ ଭାବେ ଅବହିତ କରିବା ସହ ତାଙ୍କୁ ଜଣେ ପ୍ରଖ୍ଯାତ ସମାଜ ସଂସ୍କାରକ ଓ ମାତୃଭୂମି ତଥା ମାତୃଭାଷା ପ୍ରତି ସମର୍ପିତ ଶ୍ରେଷ୍ଠ ସେବକ ବୋଲି ମତ ରଖିଥିଲେ । ଏହି ଅବସରରେ ଗୌତମ ଦାସ ସମାଜ ଆଖିରେ ଚଳଚ୍ଚିତ୍ର ଓ କିଶୋରୀମୋହନ କର ଏକ ଗଳ୍ପ ପଠନ କରିଥିଲେ । ଦ୍ୱିତୀୟ ପର୍ଯ୍ୟାୟରେ ସୁଶାନ୍ତ କୁମାର ନାୟକ ଓ ବବିତା ମହାଳିକଙ୍କ ସଂଯୋଜନାରେ ଏକ ମନୋଜ୍ଞ କବିତା ଆସର ଅନୁଷ୍ଠିତ ହୋଇଥିଲା । ଏଥିରେ ସର୍ବଶ୍ରୀ ତାରିଣୀ ଚରଣ ସାହୁ, କୁଞ୍ଜବିହାରୀ ରାଉତ, ବିଜୟିନୀ ଜେନା, ପ୍ରଭାତ ନଳିନୀ ସାହୁ, ବ୍ରହ୍ମା ନନ୍ଦ ପାଢୀ, ହିମାଂଶୁ ସାହୁ, ବିକ୍ରମ ଚନ୍ଦ୍ର ଆଚାର୍ଯ୍ୟ, ଗଦାଧର ରଥ , ଅଜୟ କୁମାର ମହାନ୍ତି, ତ୍ରିନାଥ ସିଂ ଓ ସଂଯୋଜକ ଦ୍ବୟ ସ୍ବରଚିତ କବିତା ପାଠ କରିଥିଲେ । 
ପ୍ରାରମ୍ଭରେ ସଭାପତିତ୍ବ କରୁଥିବା ଶ୍ରୀ ବେହେରା ସ୍ବାଗତ ଭାଷଣ ରଖିଥିବାବେଳେ ଶେଷରେ ଅଜୟ ପ୍ରଧାନ ଧନ୍ୟବାଦ ଅର୍ପଣ କରିଥିଲେ । ଅନ୍ୟମାନଙ୍କ ମଧ୍ୟରେ ସର୍ବଶ୍ରୀ ଡଃ ଶକ୍ତି ପ୍ରସାଦ ସାମନ୍ତରାୟ, ଅରବିନ୍ଦ ପାତ୍ର, ଶିଶିର କୁମାର ପାଣି, ଗୟାଧର ମହାଳିକ, ସୁଦାମ ଚନ୍ଦ୍ର ଦାଶ, ଶ୍ରୀକାନ୍ତ ପାଣିଗ୍ରାହୀ, ବସନ୍ତ ମହାରଣା, ଲକ୍ଷ୍ମଣ ନାଥ ଦାସ , ନିରୁପମା ଚାନ୍ଦ, ସ୍ବର୍ଣ୍ଣଲତା ଘଡେଇ, ପ୍ରିୟା ପାତ୍ର, କବିତା ଦାଶ, ଅନିଲ କୁମାର ଦାଶ, ଶରତଚନ୍ଦ୍ର ରାଉତ, ବିଭୁତି ଭୂଷଣ ଦାସ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
