ନବରଙ୍ଗପୁର–( ମସିହା )ନବରଙ୍ଗପୁର ଜିଲ୍ଲାରେ ଏକର ଏକର ସରକାରୀ ମୂଲ୍ୟବାନ ଜମି ଜବର ଦଖଲକାରୀଙ୍କ କବଳରେ ରହିଛି l ତେବେ ଜିଲ୍ଲା ପ୍ରଶାସନ ଓ ରାଜସ୍ଵ ବିଭାଗ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁ ନ ଥିବାରୁ ସରକାରୀ ଜମି ସରକାରଙ୍କ ଖାତାକୁ ଫେରି ପାରୁନି l କେବଳ ଗ୍ରାମାଞ୍ଚଳ ନୂହେଁ ଉମରକୋଟପୌରାଞ୍ଚଳ ଓ ନବରଙ୍ଗପୁର ସହର ଉପକଣ୍ଠ ହିର୍ଲି ପର୍ଯ୍ୟଟନସ୍ଥଳୀର ମୂଲ୍ୟବାନ ଜମିକୁ ଥିଲାବାଲା ବଡ଼ବଡ଼ିଆ ମାନେ ମାଡିବସି ବିରାଟ ଅଟ୍ଟାଳିକା ନିର୍ମାଣ କରିଥିଲେ ସୁଦ୍ଧା ପ୍ରଶାସନ ପକ୍ଷରୁ କେବଳ ନୋଟିସରେ ଅଟକିଯାଇଛି ଜବର ଦଖଲ ଉଚ୍ଛେଦ କାର୍ଯ୍ୟକ୍ରମ l ତେବେ ପରିତାପର ବିଷୟ ସରକାରୀ ଜମି ପରେ ଏବେ ସର୍ବସାଧାରଣ ରାସ୍ତା ଉପରେ ମଧ୍ୟ ଜବରଦଖଲକାରୀ ଙ୍କ ଦୃଷ୍ଟି ପଡିଛି l ସର୍ବସାଧାରଣ ଙ୍କ ଯାତାୟତ ନିମନ୍ତେ ଉଦ୍ଦିଷ୍ଟ ସରକାରୀ ଜାଗାକୁ ମାଡି ବସି ଗୃହ ନିର୍ମାଣ କରିଛନ୍ତି ଜବରଦଖଲକାରୀ ଆଉ ସରକାରୀ ଜମି ମୁକୁଳାଇବା ବଦଳରେ କେବଳ ମାମଲା ରୁଜୁ କରି ବସିଛନ୍ତି ରାଜସ୍ଵ ଅଧିକାରୀ l ସୂଚନା ଅନୁଯାୟୀ ନବରଙ୍ଗପୁର ଜିଲ୍ଲା ସଦରମହକୁମାର ଜିଲ୍ଲାପାଳ ଓ ଏସ୍ ପି ଙ୍କ କାର୍ଯ୍ୟାଳୟ ସମେତ ଅଧିକାଂଶ ସରକାରୀ କାର୍ଯ୍ୟାଳୟ ନନ୍ଦାହାଣ୍ଡି ତହସିଲ ଅଧିନରେ ରହିଛି l ତେବେ ସର୍କିଟ ହାଉସ ଠାରୁ ଭିଜିଲାନ୍ସ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିବା ବାଇପାସ୍ ରାସ୍ତା ନିର୍ମାଣ ସମୟରେ ବାପୁଜୀ ପବ୍ଲିକ ସ୍କୁଲ ନାମକ ଏକ ଘରୋଇ ଶିକ୍ଷାନୁଷ୍ଠାନ ରାସ୍ତା ଉପରେ ପାଚେରୀ ସହ ସ୍କୁଲ ଗୃହ ନିର୍ମାଣ କରିଥିବା ନଗରକୁ ଆସିଥିଲା l
ଖାତା ନମ୍ବର ୧୩୬/୧୧ ପ୍ଳଟ ନମ୍ବର ୧୪୭୧ ଓ ଖାତା ନମ୍ବର ୩୬୪/୪ପ୍ଳଟ ନମ୍ବର ୧୪୭୨ କିସମ ରାସ୍ତା ରହିଥିବା ବେଳେ ଘରୋଇ ବିଦ୍ୟାଳୟ ରାସ୍ତାକୁ ଜବରଦଖଲ କରି ବିଦ୍ୟାଳୟ ଗୃହ ନିର୍ମାଣ କରାଯାଇଛି lରାସ୍ତା ନିର୍ମାଣକାରୀ ସଂସ୍ଥା ରାସ୍ତା ଓ କୋଠାବାଡି ବିଭାଗ ଅଧିକ୍ଷଣ ଯନ୍ତ୍ରୀ ଙ୍କ ପକ୍ଷରୁ ପତ୍ର ସଂଖ୍ୟା ୨୦୫ ତା ୩/୩/୨୦୨୨ ରେ ଜବରଦଖଲ ହଟେଇ ବାକୁ ନନ୍ଦାହାଣ୍ଡି ତହସିଲଦାର ଙ୍କୁ ଅନୁରୋଧ କରାଯାଇଥିଲା l ସରକାରୀ ରାସ୍ତାର ଗୋଟିଏ ପାର୍ଶ୍ୱରେ ୧୦ ଓ ଅନ୍ୟ ପାର୍ଶ୍ଵରେ ୧୫ ଫୁଟ ସ୍ଥାନରେ ଗୃହ ନିର୍ମାଣ ହୋଇଥିବା ରାଜସ୍ଵ ନିରୀକ୍ଷକସରଜମୀନ ତଦନ୍ତ କରିବା ସହ ତହସିଲଦାର ଙ୍କୁ ରିପୋର୍ଟ ଦେବା ପରେ ଘରୋଇ ବିଦ୍ୟାଳୟ କୁ ଜମି ଖାଲି କରିବାକୁ ନିର୍ଦ୍ଦେଶ ଦିଆଯାଇଥିଲା l ତେବେ ଜମି ଖାଲି କରିବା ବଦଳରେ ଗାରୋଇ ବିଦ୍ୟାଳୟ କର୍ତ୍ତୃପକ୍ଷ ଅତିରିକ୍ତ ଉପ ଜିଲ୍ଲାପାଳ ଙ୍କ ଅଦାଲତରେ ଅପିଲ କେଶ୍ ନମ୍ବର ୧୩/୨୨ ରେ ଦାଏର୍ କରିଥିଲେ l ମାମାଲାର ଫଇସଲା ସହ ଜବରଦଖଲ ଉଚ୍ଛେଦ ନିମନ୍ତେ ବ୍ୟବସ୍ଥା ହୋଇଥିଲେ ମଧ୍ୟ ପ୍ରଶାସନ ପଶାପାଲିରେ ଫସିଯାଇଛି।ରାସ୍ତା ଓ ଶୀତଳ ଭଣ୍ଡାର ରେ ପଡ଼ିରହିଛି ଜବରଦଖଲ ଉଚ୍ଛେଦ ପ୍ରକ୍ରିୟା l ଅନ୍ୟପକ୍ଷରେ ବିଦ୍ୟାଳୟ କର୍ତ୍ତୃପକ୍ଷ ଓ ରାଜସ୍ଵ ବିଭାଗ ମଧ୍ୟରେ କିଭଳି ଅଲିଖିତ ରାଜିନାମା ସ୍ବାକ୍ଷରିତ ହୋଇଛି ତାହା ମଧ୍ୟ ସାଧାରଣରେ ବିସ୍ମୟ ସ୍ରୁଷ୍ଟି କରୁଛି l ଏସମ୍ପର୍କରେ ନନ୍ଦାହାଣ୍ଡି ତହସିଲଦାର ଡଃ ବନମାଳୀ ମେହେର ଙ୍କୁ ବାରମ୍ବାର ଫୋନ ରେ ଯୋଗାଯୋଗ ପରେ ମଧ୍ୟ ତର୍ଜମା ଚାଲିଛି ବୋଲି ଉତ୍ତର ମିଳିଛି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
