ପାପଡାହାଣ୍ଡି,13/7, ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଦଳେଇଗୁଡା ଠାରେ ଗୁରୁବାର ଜଣେ ସାପ ଧରାଳି ସାପ କାମୁଡ଼ାରେ ଗୁରୁତର ହୋଇଛନ୍ତି | ତାଙ୍କ ନାମ ଭଗବାନ ଦିଶାରୀ | ତାଙ୍କୁ ଗୁରୁତର ଅବସ୍ଥାରେ ପାପଡାହାଣ୍ଡି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଛି | ସୂଚନା ମୁତାବକ ଦଳେଇଗୁଡ଼ାର ଗୋବିନ୍ଦ ଜୈନଙ୍କ ଘରେ ଅପରାହ୍ନରେ ସାପ ବାହାରିବା ଖବର ପାଇ ଭଗବାନ ଯାଇଥିଲେ | ସାପ ଟିକୁ ଧରି ଏକ ପ୍ଲାଷ୍ଟିକ ବୋତଲରେ ଭର୍ତି କରିବା ସମୟରେ ସାପ ତାଙ୍କୁ କାମୁଡି ଦେଇଥିଲା | ସାପକୁ ଧରି ସେ ସ୍ୱାସ୍ଥ୍ୟ କେନ୍ଦ୍ରରେ ପହଁଚି ଥିଲେ | ସେଠାରେ ବର୍ତ୍ତମାନ ତାଙ୍କର ଚିକିତ୍ସା ଚାଲିଛି | ସାପଟି ନାଗ ପ୍ରଜାତିର ବୋଲି ଜଣାପଡିଛି | ତେବେ ଭଗବାନ ପୂର୍ବରୁ ବହୁ ଥର ଅଞ୍ଚଳର ସାପ ମାନେ ଧରିଛନ୍ତି,ଆଜି ଟିକେ ଅସାବଧାନତା ଯୋଗୁଁ ସାପ କାମୁଡାର ଶିକାର ହୋଇଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
