ଢେ଼ଙ୍କାନାଳ(ମ ସୀ ହା)୧୭/୦୮_ଆଜି ପୂର୍ବାହ୍ନରେ ଢେ଼ଙ୍କାନାଳ ଜିଲ୍ଲାପାଳଙ୍କ କାର୍ଯ୍ୟାଳୟରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ପର୍ବତାରୋହୀ ବିଭାରାଣୀ ପାତ୍ରଙ୍କୁ ତାଙ୍କର ପର୍ବତାରୋହଣ କାର୍ଯ୍ୟ ପାଇଁ ଚେକ୍ ଆକାରରେ ପଚିଶ ହଜାର ଟଙ୍କା ପ୍ରଦାନ କରିଛନ୍ତି l
ବିଭାରାଣୀ ପାତ୍ର ଜିଲ୍ଲାର ଜଣେ ସଫଳ ପର୍ବତାରୋହୀ l ସେ ଓଡ଼ାପଡ଼ା ବ୍ଲକ୍ ମେରା ମଣ୍ଡଳୀ ବଜାରର କୃଷ୍ଣ ପ୍ରସାଦ ପାଟରାଙ୍କ କନ୍ୟା ଅଟନ୍ତି l ସେ ଏଯାବତ୍ ଖେଳ, ଦୂଃସାହସିକତା କ୍ରୀଡା, ସାମାଜିକ କର୍ମକ୍ଷେତ୍ରରେ ୧୨୫୩ ଟି ପୁରସ୍କାର ହାସଲ କରିଛନ୍ତି l ସେ ବର୍ତ୍ତମାନ ଆଫ୍ରିକା ସ୍ଥିତ କିଲିମଞ୍ଜର ପର୍ବତକୁ ଆରୋହଣ କରିବାକୁ ପ୍ରୟାସ କରିଛନ୍ତି l ଯାହାକି ପର୍ବାତରୋହଣ ପାଇଁ ପୃଥିବୀର ବୃହତ୍ତମ ଶୃଙ୍ଗ l ଏହାର ଉଚ୍ଚତା ୧୯୩୯୧ଫୁଟ୍ ( ୫.୮୯୫ମି.) I ଯଦି ଏହି ପ୍ରୟାସ ରେ ସଫଳତା ହାସଲ କରନ୍ତି,ତେବେ ଆଗାମୀ ଦିନରେ ଋଷିଆର ଏଲବ୍ରସ୍ ଶୃଙ୍ଗକୁ ଯାତ୍ରା ଆରୋହଣ କରିବେ ବୋଲି ଆଶାବ୍ୟକ୍ତ କରିଛନ୍ତି l ତାଙ୍କ ପର୍ବତାରୋହଣ କାର୍ଯ୍ୟରେ ଅର୍ଥବାଧକ ସାଜୁଥିବାରୁ ସେ ଟୁଇଟର ଯୋଗେ ୫ଟି ସଚୀବକୁ ଅବଗତ କରାଇଥିଲେ l ଏହା ପରେ ୫ଟି ସଚିବଙ୍କ ନିର୍ଦ୍ଦେଶ କ୍ରମେ ଜିଲ୍ଲା ପ୍ରଶାସନ ପକ୍ଷରୁ ପଚିଶ ହଜାର ଟଙ୍କାର ଆର୍ଥିକ ସହାୟତା ରାଶି ପ୍ରଦାନ କରାଯାଇଛି l ଏହି ଅବସରରେ ଜିଲ୍ଲାପାଳ ତାଙ୍କ ଉଜ୍ଜ୍ବଳ ଭବିଷ୍ୟତ କାମନା କରିଛନ୍ତି l
ଇତ୍ୟବସରରେ ଅତିରିକ୍ତ ଜିଲ୍ଲାପାଳ ଲଳିତ ମୋହନ ବେହେରା(ରାଜସ୍ବ), ଢେ଼ଙ୍କାନାଳ ସଦର ବ୍ଲକ୍ ଉନ୍ନୟନ ଅଧିକାରୀ ଶ୍ରୀ ସୁଧୀର ନାୟକ ଓ ଜିଲ୍ଲା ଆପତକାଳୀନ ଅଧିକାରିଣୀ ଲୋପାମୁଦ୍ରା ରଥ ଉପସ୍ଥିତ ଥିଲେ l
ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍
