କୋକସରା,୧୯/୦୮ // କଳାହାଣ୍ଡି ଜିଲ୍ଲା କୋକସରା ବ୍ଲକ ଜାତୀୟ ରାଜପଥ ୨୬ ବୋବରିଆ ଛକରୁ ଡେଙ୍ଗାଗୁଡା ମହିମା ରାସ୍ତା ନିର୍ମାଣ କାର୍ଯ୍ୟ ପାଇଁ ଶନିବାର ଧର୍ମଗଡ଼ ବିଧାୟକ ମୋୖଷଧି ବାଗ ମୁଖ୍ୟ ଅତିଥି ଭାବେ ଯୋଗ ଦେଇ ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଧର୍ମଗଡ଼ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଏହି ରାସ୍ତା କାର୍ଯ୍ୟ 
ସମ୍ପାଦନ ହେଉଥିବା ବେଳେ ୬.୧୭୦ କିଲୋମିଟର ରାସ୍ତା ନିର୍ମାଣ ପାଇଁ ଅଟକଲ ମୁଲ୍ୟ ୫ କୋଟି ୫୮ ଲକ୍ଷ ୧୯ ହଜାର ରହିଛି। ସମ୍ମାନିତ ଅତିଥି ଭାବେ ବିଜେଡି ଧର୍ମଗଡ଼ ବ୍ଲକ ସଭାପତି ମାନସ ରଞ୍ଜନ ବାଗ, ବିଜେଡି ବ୍ଲକ ସଭାପତି ସୁଶାନ୍ତ କୁମାର ବେହେରା ,କନିଷ୍ଠ ଯନ୍ତ୍ରୀ ସୁରେଶ ବାରିହା, ସମାଜସେବୀ ଶିବରାମ ପାତ୍ର 
ଯୋଗଦେଇ ଏହି ରାସ୍ତା ନିର୍ମାଣ ଫଳରେ ଏନ ଏଚ ୨୬ ରୁ ବିଜୁ ଏକ୍ସପ୍ରେସ ୱେକୁ ରାସ୍ତା ସଂଯୋଗ ହେବାସହ ବୋବରିଆ, ଡେଙ୍ଗାଗୁଡା,ମାଲପଡା, ମହିମା ଗ୍ରାମର ଲୋକମାନେ ଯାତାୟାତରେ ସୁବିଧା ପାଇବେ ବୋଳି ମତ ପ୍ରକାଶ କରିଥିଲେ।ପୂର୍ବରୁ ଏହି ରାସ୍ତା ଅବସ୍ଥା ଅତି ଶୋଚନୀୟ ଅବସ୍ଥାରେ ଦୀର୍ଘ ବର୍ଷ ପଡି ରହିଥିବା ବେଳେ ଅଞ୍ଚଳବାସୀ ଯାତାୟାତରେ ଅନେକ ଅସୁବିଧାର ସମ୍ମୁଖୀନ ହେଉଥିଲେ। ଏନେଇ ଗଣମାଧ୍ୟମରେ ଅନେକ ସମୟରେ ଖବର ପ୍ରକାଶିତ ପରେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ରାସ୍ତା ନିର୍ମାଣ ପାଇଁ ତତ୍ପରତା ପ୍ରକାଶ ପାଇଥିଲା। ଶନିବାର ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ରାସ୍ତା ନିର୍ମାଣ ପାଇଁ ଭିତ୍ତିପ୍ରସ୍ତର ଉଦଘାଟନ ବିଧାୟକଙ୍କ ଦ୍ୱାରା କରାଯାଇଛି।ଫଳରେ ଏହି ଅଞ୍ଚଳବାସୀଙ୍କ ମଧ୍ୟରେ ରାସ୍ତା ପାଇଁ ରହିଥିବା ସମସ୍ୟାର ସମାଧାନ ହୋଇଛି। ରାସ୍ତା ନିର୍ମାଣ କାର୍ଯ୍ୟ ତ୍ୱରାନ୍ୱିତ କରିଥିବାରୁ ଅଞ୍ଚଳବାସୀ ମାନେ ବିଧାୟକଙ୍କୁ ଧନ୍ୟବାଦ ଜଣାଇଛନ୍ତି ।
ମସିହା ନିୟୁଜ୍ ସର୍ଭିସ୍
