ସଂଯୁକ୍ତ କିଷାନ ମୋର୍ଚ୍ଚା ଓ କଂଗ୍ରେସ ଦଳ ମିଳିତ ଆନୁକୁଲ୍ୟରେ ଦେଶ ବ୍ୟାପୀ ଭାରତ ବନ୍ଦ ସଫଳ
ଡାବୁଗାଁ, ୧୬/୨ (ମ.ନି.ସ.)- କେନ୍ଦ୍ର ସରକାର ଶ୍ରମିକ ବିରୋଧୀ, କୃଷକ ବିରୋଧୀ ଏବଂ ଜାତୀୟତା ବିରୋଧୀ ଧ୍ଵଂସକାରୀ ନୀତି ଗୁଡିକ ବିରୁଦ୍ଧରେ ଆଜି ସକାଳ ୬ ଘ. ରୁ ଦେଶ ବ୍ୟାପୀ ହରତାଳ/ଧର୍ମଘଟ/ଗ୍ରାମୀଣ ଭାରତ ବନ୍ଦ କୁ ସଫଳ କରିବା ନିମନ୍ତେ ନିବେଦନ ଲିଫ ଲେଟ୍ ଗୁରୁବାର ସନ୍ଧ୍ୟା ସମୟରେ ସମସ୍ତ ଦୋକାନ ବଜାରରେ ବଣ୍ଟାଯାଇଥିଲା l ଶୁକ୍ରବାର ଡାବୁଗାଁ ବଜାର ରେ ଭାରତ ବନ୍ଦ ପାଳିତ ହୋଇଯାଇଛି l ଗାଡି ମୋଟର, ଦୋକାନ 
ବଜାର ବନ୍ଦ ଥିବାବେଳେ ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିଥିବା ଦେଖିବାକୁ ମିଳିଥିଲା l ରାଜ୍ୟ ରାଜପଥ – ୩୯ କୁ ବ୍ୟାନର ବାନ୍ଧି ରାସ୍ତା ଉପରେ ବସି ରାସ୍ତା ଅବରୋଧ କରି ଧର୍ମଘଟ କରିଥିଲେ l ଉକ୍ତ ଧର୍ମଘଟ ରେ ସଂଯୁକ୍ତ କିଷାନ ମୋର୍ଚ୍ଚା, କେନ୍ଦ୍ରୀୟ ଟ୍ରେଡ଼ ୟୁନିଅନ ମାନଙ୍କର ମିଳିତ ମଞ୍ଚ ଜିଲ୍ଲା ରାଜମିସ୍ତ୍ରୀ ଓ ନିର୍ମାଣ ଶ୍ରମିକ ମହାସଂଘ, ସି ଆଇ ଟି ୟୁ, ଆଇ ଏନ ଟି ୟୁ ସି, ଏ ଆଇ ଟି ୟୁ ସି,ଏବଂ ସ୍ଵାଧୀନ ଟ୍ରେଡ଼ ୟୁନିଅନ ସମୂହ ଙ୍କ ସହ କଂଗ୍ରେସ ଦଳ ସାମିଲ ହୋଇ ମିଳିତ ଧର୍ମଘଟ କରିବାରୁ ରାସ୍ତାର ଦୁଇ ପାର୍ଶ୍ଵରେ ଯାନବାହାନ ଅଟକି ରହିଥିଲା l ଥାନା ଅଧିକାରୀ ସୁନୀଲ କୁମାର ପ୍ରଧାନ ଙ୍କ ନିର୍ଦ୍ଦେଶ କ୍ରମେ ଏ ଏସ ଆଇ ଗୋପାଳ କୃଷ୍ଣ ହାଲୱା ଙ୍କ ସହ ପୋଲିସ କର୍ମଚାରୀ, ହୋମଗାର୍ଡ ମୁତୟନ କରାଯାଇ ଥିବାରୁ ଶାନ୍ତି ଶୃଙ୍ଖଳା ବଜାୟ ରହିଥିଲା | ନିତ୍ୟ ବ୍ୟବହୃତ ଜିନିଷ ର ଅହେତୁକ ଦର ଦାମ ବୃଦ୍ଧି ରୋକିବା ଭଳି ଗ୍ୟାସ, ତୈଳ ର ମୂଲ୍ୟ ବୃଦ୍ଧି ଯୋଗୁଁ ବହୁ ଜନଜୀବନ ଅସ୍ତବ୍ୟସ୍ତ ହେଉଥିବା ନେଇ, ବିଭିନ୍ନ ସମସ୍ୟା ନେଇ ଆଜିର ଧର୍ମଘଟ କରାଯାଇ କେନ୍ଦ୍ରସରକାର ଙ୍କୁ ଚେତାବନୀ ଦିଆଯାଇଥିଲା l ଉକ୍ତ କାର୍ଯ୍ୟକ୍ରମରେ ରାଜେଶ ଜାନି, କୃଷକ ମହାସଂଘ ସଭାପତି ସତ୍ୟ ରଞ୍ଜନ ପାତ୍ର, ପାପନା ରେଲି, ତରଣୀ ରେଲି, କଂଗ୍ରେସ ବ୍ଳକ ସଭାପତି ଜି. ସାଇ ରାଜୁ, ଜୋନ-୧ କଂଗ୍ରେସ ସଭାପତି ପ୍ରକାଶ ଚନ୍ଦ୍ର ପଣ୍ଡା, ଆଶୁତୋଷ ଜେନା, ଶଶିଧର ମାଝୀ ପ୍ରମୂଖ ବହୁ ଜନସାଧାରଣ ସାହାଯ୍ୟ ସହଯୋଗ କରି ଆଜିର ଧର୍ମଘଟ କୁ ସଫଳ ରୂପାୟନ କରିଥିଲେ l ଏହି ଧର୍ମଘଟ ସକାଳ ୬ଘ. ରୁ ଆରମ୍ଭ ହୋଇ ଅପରାହ୍ନ ୨ ଘ. ରେ ଶେଷ ହୋଇଥିଲା |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
