ପଞ୍ଚାୟତ ରାଜ ଉଚ୍ଚ ବିଦ୍ୟାଳୟରେ A1 ଗ୍ରେଡ ଛାତ୍ରଛାତ୍ରୀ ଙ୍କୁ ସମ୍ବର୍ଦ୍ଧନା
କାମାକ୍ଷାନଗର- (ମନିସ )17/5/24 // ପଞ୍ଚାୟତ ରାଜ ଉଚ୍ଚ ବିଦ୍ୟାଳୟ କାନପୁରା 2023/24 ଶିକ୍ଷାବର୍ଷ ରେ ଅନୁଷ୍ଠିତ ବାର୍ଷିକ ହାଇସ୍କୁଲ ସାର୍ଟିଫିକେଟ ପରୀକ୍ଷାରେ ଲଗାତର ଚତୁର୍ଥ ଥର ପାଇଁ ଶତ ପ୍ରତିଶତ ସଫଳତା ହାସଲ କରିବା ସହିତ 6 ଜଣ ଛାତ୍ରଛାତ୍ରୀ A1 ଗ୍ରେଡ ରେ ଉତ୍ତୀର୍ଣ୍ଣ ହୋଇଛନ୍ତି । ଏହି ପରିପ୍ରେକ୍ଷୀରେ ପ୍ରଧାନ ଶିକ୍ଷକ ଶ୍ରୀରାମ ରାଉତ ଙ୍କ ଅଧ୍ୟକ୍ଷତାରେ ବିଦ୍ୟାଳୟ ପରିସରରରେ ଏକ ସମ୍ବର୍ଦ୍ଧନା ସଭା ର ଆୟୋଜନ କରି A1 ଗ୍ରେଡ ଛାତ୍ରଛାତ୍ରୀ ଙ୍କୁ ସମ୍ବର୍ଦ୍ଧିତ କରାଯାଇଥିଲା । ସମ୍ମାନିତ ଅତିଥି ରୂପେ ଅବସରପ୍ରାପ୍ତ ଶିକ୍ଷାବିତ ଲୋକନାଥ ଷଡଙ୍ଗୀ , କୈଳାଶ ଚନ୍ଦ୍ର ପୃଷ୍ଟି , ପଣ୍ଡିତ ଉପେନ୍ଦ୍ର ନାଥ ପଣ୍ଡା , ନାଟ୍ୟକାର ତଥା ନାଟ୍ୟନିର୍ଦ୍ଦେଶକ ଦିନେଶ ଦାସ ଉପସ୍ଥିତ ଥିଲେ । ସମ୍ବର୍ଦ୍ଧିତ ହୋଇଥିବା ଛାତ୍ରଛାତ୍ରୀ ମାନେ ହେଲେ ପ୍ରଥମେଶ ସାହୁ ( 552) , ସିପ୍ରା ସାଗରିକା ପୃଷ୍ଟି ( 552), ଆକାଂକ୍ଷା ଅକସ୍ମିତା ମହାଲିକ (550) , ସ୍ୱୟଂ ଶ୍ରିତମ ବାରିକ ( 542), ଅନନ୍ୟା ରାଉତ ( 540 ) ଓ ସୌମ୍ୟରଞ୍ଜନ ଖିଲାର ( 540) । ଏହି ଉତ୍ସବ ରେ ଶିକ୍ଷକ ଶିକ୍ଷୟିତ୍ରୀ ମାନଙ୍କ ସମେତ ଛାତ୍ରଛାତ୍ରୀ ଙ୍କ ଅଭିଭାବକ ମାନେ ମଧ୍ୟ ଉପସ୍ଥିତ ଥିଲେ । ବିଦ୍ୟାଳୟ ର ଉତ୍ତମ ଶୈକ୍ଷିକ ପରିବେଶ , ଛାତ୍ରଛାତ୍ରୀ ମାନଙ୍କ ର କଠୋର ପରିଶ୍ରମ , ଶିକ୍ଷକ ଶିକ୍ଷୟିତ୍ରୀ ମାନଙ୍କର ଉଚ୍ଚ ମାନର ଶିକ୍ଷାଦାନ ତଥା ଅଭିଭାବକ ମାନଙ୍କ ର ଅନୁଷ୍ଠ।ନ ପ୍ରତି ଅତୁଟ ବିଶ୍ୱାସ ହିଁ ଏହି ସଫଳତା ଆଣିଦେଇଛି ବୋଲି ଅତିଥି ମାନେ ମତ ପ୍ରକାଶ କରିଛନ୍ତି । ପ୍ରକାଶ ଥାଉକି ଉକ୍ତ ବିଦ୍ୟାଳୟ ଟି ଜିଲ୍ଲାରେ ସର୍ବୋଚ୍ଚ ସଂଖ୍ୟକ A1 ଗ୍ରେଡ ହାସଲ କରିବାରେ ସକ୍ଷମ ହୋଇ ଅଞ୍ଚଳ ପାଇଁ ଗୌରବ ଆଣିପାରିଛି । ଉକ୍ତ ସଫଳତା ପାଇଁ ପ୍ରଧାନ ଶିକ୍ଷକ ସମସ୍ତ ଶିକ୍ଷକ ଶିକ୍ଷୟିତ୍ରୀ ମାନଙ୍କ ର କର୍ତ୍ତବ୍ୟ ନିଷ୍ଠତା କୁ ପ୍ରସଂସା କରିଛନ୍ତି ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
