ପ୍ରକାଶ ପାଇଲା ଫଟୋ ପ୍ରତିଯୋଗିତା ଫଳାଫଳ, ପ୍ରଥମ ସ୍ଥାନରେ ଅପରାଜିତା
ଖଇରା,୦୫/୭/୨୫- ପ୍ରତିଭା ଘର କୋଣରେ ରହିଲେ ବିକଶିତ ହୋଇ ପାରେନାହିଁ । ଏଥିପାଇଁ ଏକ ମାଧ୍ୟମ ଲୋଡ଼ା ହୋଇଥାଏ । ସେଭଳି ଏକ ମାଧ୍ୟମ ହେଉଛି ” ମୋ ଅନୁଷ୍ଠାନ ସାହିତ୍ୟ ସଂସଦ “। ଗଦ୍ୟ ସାହିତ୍ୟର ଉନ୍ନତି ପାଇଁ ଗଠିତ ହୋଇଥିଲେ ମଧ୍ୟ ସମାଜସେବା ଓ ବେରୋଜଗାରକ୍ଷମ ବ୍ଯକ୍ତିଙ୍କୁ ସ୍ବାବଲମ୍ବି କରାଇବା ଅନୁଷ୍ଠାନର ମୂଳଲକ୍ଷ୍ୟ । ଗଳ୍ପ, ପ୍ରବନ୍ଧ, ମେଧାଅନ୍ବେଷଣ ଓ ଫଟୋ ପ୍ରତିଯୋଗିତା ଭଳି ବିଭିନ୍ନ ପ୍ରତିଯୋଗିତାରେ ଦ୍ବାରା ଲୋକାୟିତ ପ୍ରତିଭା ମାନଙ୍କୁ ଲୋକଲୋଚନକୁ ଆଣିବାରେ ମୁଖ୍ୟ କର୍ଣ୍ଣଧାର ସାଜିଛି ” ମୋ ଅନୁଷ୍ଠାନ “। ନୂତନ ଓ ପୁରାତନ ପ୍ରତିଭା ମାନଙ୍କୁ ପ୍ରତିଯୋଗିତା ମାଧ୍ୟମରେ ଶିକ୍ଷା ଦେଇଥାଏ ଅନୁଷ୍ଠାନ । ସୁତରାଂ ଏହା ଏକ ଶିକ୍ଷାର ଅନୁଷ୍ଠାନ କହିଲେ ଅତ୍ଯୁକ୍ତି ହେବନାହିଁ । ବିଭିନ୍ନ କବି ଲେଖକଙ୍କ ପୁସ୍ତକ ପଢିବା ପାଇଁ ପାଠାଗାର ମଧ୍ୟ ଖୋଲା ଯାଇଛି । ଖୁବ୍ ଶୀଘ୍ର ବେରୋଜଗାର ମହିଳା ମାନଙ୍କ ନିମନ୍ତେ ସିଲେଇ ଶିକ୍ଷା ତାଲିମ କେନ୍ଦ୍ର ଖୋଲୁଛି । ଯାହାର ଦାୟିତ୍ୱ ଅନୁଷ୍ଠାନର ସଭାପତି ଭଉଣୀ କୁଞ୍ଜଲତା ମାହୁଁନ୍ତ ନିର୍ବାହ କରିବାକୁ ଯାଉଛନ୍ତି । ଖାଲି ଏତିକି ନୁହେଁ ସ୍ବାବଲମ୍ବି କ୍ଷେତ୍ରରେ ଆଉ କ’ଣ କ’ଣ ପଦକ୍ଷେପ ବେରୋଜଗାର ବ୍ଯକ୍ତିଙ୍କ ପାଇଁ ନିଆଯାଇପାରେ ତାହା ଅନୁଷ୍ଠାନ କରୁଛି ।
ଅନୁଷ୍ଠାନର ପରମ୍ପରା ଅନୁଯାୟୀ ଗତ ତା ୦୧/୮/୨୦୨୫ ରିଖ ଦିନ ମୋ ଅନୁଷ୍ଠାନ ଫେସବୁକ୍ ଗୃପ୍ ରେ ଫଟୋ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ରାଜ୍ୟ ତଥା ରାଜ୍ୟ ବାହାରର ପ୍ରତିଯୋଗୀ ମାନେ ଅଂଶ ଗ୍ରହଣ କରିଥିଲେ । ମୋଟ ୭ ଜଣ ଅଂଶ ଗ୍ରହଣ କରିଥିଲେ । ସେମାନେ ହେଲେ ଅପରାଜିତା ରଥ, ଭଦ୍ରକ, ଯାଜ୍ଞସେନୀ ପଣ୍ଡା, ବାଙ୍ଗାଲୋର, ବୈଷ୍ଣବୀ ପ୍ରଧାନ, ବରଗଡ଼, ସୁନିତା ଦାଶ, ଭୁବନେଶ୍ୱର, ଉପମା ରଣ, ଦେବଗଡ଼, ତନ୍ମୟବାଳା ମିଶ୍ର, ସୁବର୍ଣ୍ଣପୁର ଓ ରୀତାଞ୍ଜଳି ଡାକୁଆ କୋରାପୁଟ । ସୂଚନା ମୁତାବକ ଅକ୍ଷୟ କୁମାର ବେହେରା, ଅନୁପମା ବିଶ୍ବାଳ,ସ୍ବାଗତିକା ସାହୁ, ଛବିରାଣୀ ପତି ଓ ମାଧୁରୀ ମିଶ୍ରଙ୍କୁ ସମୀକ୍ଷା ଦାୟିତ୍ୱ ଦିଆଯାଇଥିଲା । ସମୀକ୍ଷା ଦାୟିତ୍ୱ ଅନୁଷ୍ଠାନର ସଦସ୍ୟ/ସଦସ୍ଯା ମାନଙ୍କୁ ଅର୍ପଣ କରିଥାଏ ଅନୁଷ୍ଠାନ । ସେମାନଙ୍କ ସମୀକ୍ଷାକୁ ତର୍ଜମା କରାଯାଇ ଫଳାଫଳ ପ୍ରକାଶ ହୋଇଥାଏ । ଅନୁଷ୍ଠାନର ଜଣେ ବରିଷ୍ଠ ସଦସ୍ଯା ତଥା ଝାରସୁଗୁଡାର ସୁ ସାହିତ୍ୟିକା ମାଧୁରୀ ମିଶ୍ରଙ୍କ ଶେଷ ସମୀକ୍ଷାରୁ ଅପରାଜିତା ରଥଙ୍କୁ ପ୍ରଥମ ସ୍ଥାନ ମିଳିଛି । ଏହାକୁ ମିଶାଇ ଶ୍ରୀମତୀ ରଥ ୩ୟ ଥର ପାଇଁ ପ୍ରଥମ ସ୍ଥାନ ଅଧିକାର କରି ଥିବାରୁ ସଭାପତି ଓ ସମ୍ପାଦକଙ୍କ ସମେତ ମୋ ଅନୁଷ୍ଠାନ ପରିବାର ଶୁଭେଚ୍ଛା ଓ ଅଭିନନ୍ଦନ ଜଣାଇବା ସଙ୍ଗେ ସଙ୍ଗେ ଚଲାପଥ କୁସୁମିତ ନିମନ୍ତେ ଈଶ୍ବରଙ୍କ ନିକଟରେ ପ୍ରାର୍ଥନା କରିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
