ପୁଷ୍ଟି ହୀନତା ମୁକ୍ତ ଗ୍ରାମ ପଞ୍ଚାୟତ ନେଇ ତାଲିମ୍ କାର୍ଯ୍ୟକ୍ରମ
ଡାବୁଗାଁ, ୨୨/୮ (ମ. ନି. ସ.) – ନବରଙ୍ଗପୁର ଜିଲ୍ଲା ଡାବୁଗାଁ ବ୍ଳକ ସମ୍ମିଳନୀ କକ୍ଷରେ ଦୀର୍ଘସ୍ଥାୟୀ ବିକାଶ ସ୍ଥାନୀୟକରଣ ପରିପ୍ରେକ୍ଷୀରେ ପୁଷ୍ଟି ହୀନତା ମୁକ୍ତ ଗ୍ରାମ ପଞ୍ଚାୟତ ନେଇ ଏକ ତାଲିମ କାର୍ଯ୍ୟକ୍ରମ ଶୁକ୍ରବାର ଅନୁଷ୍ଠିତ ହୋଇଯାଇଛି l ଏହି ଅବସରରେ ବି ଡି ଓ ଶରତ ମାଝୀ ଙ୍କ ଅଧ୍ୟକ୍ଷତା ରେ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା, ସିପି ପ୍ରବୀଣ ପଟ୍ଟନାୟକ, 
ଆକାଂକ୍ଷା ବ୍ଳକ ସହଭାଗୀ ମୋନାଲ ପରିଡା, ପଞ୍ଚାୟତ ନିର୍ବାହୀ ଅଧିକାରୀ ଏ ଡି ପ୍ରସାଦ, ପିରାମଲ ଫାଉଣ୍ଡେସନ ର ଶୁଭଶ୍ରୀ ଦାଶ ପ୍ରମୂଖ ତାଲିମ୍ ଦେଇଥିବା ବେଳେ ମହିଳା ସ୍ଵାସ୍ଥ୍ୟ କର୍ମୀ, ପଞ୍ଚାୟତ ନିର୍ବାହୀ ଅଧିକାରୀ, ଏସିଡ଼ିଓ, ଗ୍ରାମ ରୋଜଗାର ସେବିକା ସେବକ ଓ ଆଶା କର୍ମୀ ମୋଟ ୫୨ ଜଣ ଉପସ୍ଥିତ ରହି ତାଲିମ୍ ନେଇଥିଲେ l ଏଥିରେ ପୁଷ୍ଟି ହୀନତା ହେବାର ଲକ୍ଷଣ ଓ ନିରାକରଣ କରିବା ପାଇଁ ଗ୍ରାମ ପଞ୍ଚାୟତ ଗୁଡିକୁ ପୁଷ୍ଟି ହୀନତା ମୁକ୍ତ ଗ୍ରାମ ପଞ୍ଚାୟତ ଗଢି ତୋଳିବା ଉକ୍ତ କାର୍ଯ୍ୟକ୍ରମ ର ମୁଖ୍ୟ ଲକ୍ଷ୍ୟ l ପୁଷ୍ଟି ହୀନତା ଶିଶୁ, ଗର୍ଭବତୀ ମହିଳା ଙ୍କ କ୍ଷେତ୍ର ରେ ପୁଷ୍ଟି ହୀନତା ଦେଖା ଦେବା କ୍ଷଣି ସ୍ଥାନୀୟ ଡାକ୍ତରଖାନା କୁ ଆଣି ତୁରନ୍ତ ଚିକିତ୍ସା କରାଇବାକୁ ଆଶା ଓ ମହିଳା ସ୍ୱାସ୍ଥ୍ୟ କର୍ମୀ ମାନଙ୍କୁ ପରାମର୍ଶ ଦିଆଯାଇଥିଲା l ଯେପରି ସ୍ୱାସ୍ଥ୍ୟ ସେବା ରୁ କେହି ବଞ୍ଚିତ ନ ହୁଅନ୍ତି ସେଥିପ୍ରତି ସମସ୍ତ ଙ୍କ ଦୃଷ୍ଟି ପକାଇବାକୁ ନିର୍ଦ୍ଦେଶ ଦିଆଯାଇଥିଲା l ଉକ୍ତ କାର୍ଯ୍ୟକ୍ରମ କୁ ସଫଳ କରାଇ ପାରିଲେ ପୁଷ୍ଟି ହୀନତା ଗ୍ରାମ ପଞ୍ଚାୟତ ନିଶ୍ଚୟ କରିପାରିବା, ଏଥିରେ ସଂଶୟ ରହିବ ନାହିଁ l ଉକ୍ତ କାର୍ଯ୍ୟକ୍ରମ କୁ ପେସା ସଂଯୋଜକ ଶୁଭଶ୍ରୀ ମହାଙ୍କୁଡ କାର୍ଯ୍ୟକ୍ରମ ପରିଚାଳନା କରିଥିଲେ l
ଡାବୁଗାଁ ରୁ ପ୍ରଜ୍ଞା ରଞ୍ଜନ ପରିଡା ଙ୍କ ରିପୋର୍ଟ
