ଜିଲ୍ଲା ସ୍ତରୀୟ ଯୋଗ ପ୍ରଶିକ୍ଷଣ ଶିବିର ଅନୁଷ୍ଠିତ
ଜୁନାଗଡ଼ ୮/୬(ମନୀସ )ଜୁନାଗଡ଼ ସ୍ଥିତ ମା ଲଙ୍କେଶ୍ୱରୀ ମନ୍ଦିର ପ୍ରାଙ୍ଗଣରେ କଳାହାଣ୍ଡି ଜିଲ୍ଲା ଯୋଗ ମହୋତ୍ସବ ସମିତି ଆନୁକୂଲ୍ୟରେ ଯୋଗ ଶିକ୍ଷକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି l ଆନ୍ତର୍ଜାତିକ ଯୋଗ ଦିବସର ମାର୍ଗଦର୍ଶନ ଅନୁସାରେ କାର୍ଯ୍ୟକ୍ରମ କରାଯାଇଥିଲା l ଏହି ଯୋଗ ଶିବିର ମାଧ୍ୟମରେ ଜନସାଧାରଣ ଙ୍କୁ ସଚେତନ କରିବା ସହ ଆଗାମୀ ଦ୍ୱାଦଶ ତମ ଆନ୍ତର୍ଜାତିକ ଯୋଗ ଶିବିର ପାଳନ ପାଇଁ ଏହି କାର୍ଯ୍ୟକ୍ରମ କରାଯାଇ ଥିଲା l ଜିଲ୍ଲା ଯୋଗ ମହୋତ୍ସବ ସମିତି ୧୩ ଟି ଖଣ୍ଡ (ବ୍ଲକ )ସ୍ତରୀୟ ଯୋଗ ମହୋତ୍ସବ ସମିତି ଗଠନ ଓ ୪ ନଗର ରେ ମଧ୍ୟ କମିଟି ଗଠନ ସମାପନ ହୋଇଥିବା ସମିତି ତରଫରୁ ପ୍ରକାଶ l ଏହି ଶିବିର ରେ ବରିଷ୍ଟ ଯୋଗ ଶିକ୍ଷକ ଶ୍ରୀ କୃଷ୍ଣଚନ୍ଦ୍ର ଦାଶ ଏବଂ ଶ୍ରୀ ଚନ୍ଦ୍ରଶେଖର ସାହୁ ଯୋଗ ଶିକ୍ଷା ଦେଇଥିଲେ l ଏହି କାର୍ଯ୍ୟକ୍ରମ ରେ ବରିଷ୍ଠ ସମାଜସେବୀ ଦୁର୍ଗା ପ୍ରସାଦ ନାଏକ, ଯୋଗ ଶିକ୍ଷକ ନବ କିଶୋର ବେହେରା, ନବ କିଶୋର ପାଢ଼ୀ ଅତିଥି ଭାବେ ସହଯୋଗ କରିଥିଲେ l କଳାହାଣ୍ଡି ଜିଲ୍ଲା ଯୋଗ ମହୋତ୍ସବ ସମିତି ର ସଂଯୋଜକ ଶ୍ରୀ ବିମ୍ବାଧର ପ୍ରଧାନୀ, ସହ ସଂଯୋଜକ ଶଙ୍କର ପ୍ରସାଦ ରାଉତ, ଜୁନାଗଡ଼ ଖଣ୍ଡ ସହ ସଂଯୋଜକ ରମେଶ ଚନ୍ଦ୍ର ମେହେର ଓ ମୁଖ୍ୟ ଯୋଗ ଶିକ୍ଷକ ଚନ୍ଦ୍ରହାସ୍ୟ ମେହେର କାର୍ଯ୍ୟକ୍ରମ ରେ ସକ୍ରିୟ ସହଯୋଗ କରିଥିଲେ l ଏହି ଶିବିର ରେ ସିନିଅର ସିଟିଜେନ ଫୋରମ ର ସଭାପତି ଈଶ୍ୱର ପୂଝରୀ ସମ୍ପାଦକ ଭୁବନେ ସାହୁ ଙ୍କ ସହ ଓକିଲ ସଙ୍ଘ ସଭାପତି ହିମାଂଶୁ ଶେଖର ବରାଡ଼,ଶ୍ୟାମ ପାଢ଼ୀ ଙ୍କ ସହ ଜୁନାଗଡ଼ ସହର ଓ ବ୍ଲକ ଅଂଚଳ ରୁ ଅନେକ ପୁରୁଷ ଓ ମହିଳା ଅଂଶଗ୍ରହଣ କରିଥିଲେ l
ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
