ପ୍ରଧାନ ଶିକ୍ଷକ ଙ୍କୁ ବିଦାୟ କାଳୀନ ସମ୍ବର୍ଦ୍ଧନା ଓ ପୁସ୍ତକ ଉନ୍ମୋଚନ ଉତ୍ସବ
ଆସିକା ୧୦/୭/୨୬ (ଶିବ ଶଙ୍କର ମିଶ୍ର ) ଧରାକୋଟ ବ୍ଲକ ଅନ୍ତର୍ଗତ ଓଳମ୍ୱା ଗ୍ରାମ ସ୍ଥିତ ବାଲୁଙ୍କେଶ୍ୱର ଉଚ୍ଚ ବିଦ୍ୟାଳୟ ରେ ଦୀର୍ଘ 34 ବର୍ଷ ଧରି କାର୍ଯ୍ୟରତ ପ୍ରଧାନ ଶିକ୍ଷକ ଶିଶିର ମହାନ୍ତି ଙ୍କୁ ବିଦ୍ୟାଳୟ ପରିସରରେ ଆଜି ବିଦାୟ କାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି । ଏହି ଅବସରରେ ଭାରପ୍ରାପ୍ତ ପ୍ରଧାନ ଶିକ୍ଷକ କୋରା ମହାକୁଡ଼ ଙ୍କ ସଭାପତିତ୍ବରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ତହସିଲଦାର ଲମ୍ବୋଦର ମାରାଣ୍ଡି, ମୁଖ୍ୟ ବକ୍ତା ଭାବେ କାଶୀନଗର ବ୍ଲକ ଅବସର ପ୍ରାପ୍ତ ବି ଇ ଓ ବୃଶକେତୁ ଦାସ, ସମ୍ମାନୀତ ଅତିଥିଭାବେ ପୂର୍ବତନ ବି ଇ ଓ ରମେଶ ଚନ୍ଦ୍ର ସାହୁ, ବି ଆର ସି ସି ସୌରି ଶଙ୍କର ବେହେରା,ଶିକ୍ଷକ ନେତା ପ୍ରଶାନ୍ତ ପତି, ବରିଷ୍ଠ ଶିକ୍ଷକ ସୁଶାନ୍ତ ନାୟକ, ପୂର୍ଣ୍ଣ ଚନ୍ଦ୍ର ଆଚାର୍ଯ୍ୟ, ଏସ ଏମ ସି ସଭାପତି ସୁଧାକର ସ୍ୱାଇଁ, ପୂର୍ବତନ ଏ ବି ଇ ଓ ଗୋପାଳ କୃଷ୍ଣ ସ୍ୱାଇଁ, ଶରତ ଚନ୍ଦ୍ର ସ୍ୱାଇଁ, ପ୍ରସନ୍ନ ସ୍ୱାଇଁ ପ୍ରମୁଖ ଉପସ୍ଥିତ ରହି ବିଦାୟୀ ପ୍ରଧାନ ଶିକ୍ଷକ ଙ୍କ ଛାତ୍ର ବତ୍ସଳ ଗୁଣ,କର୍ମଠ,ଗୁଣାତ୍ମକ ଶିକ୍ଷାଦାନ ଉପରେ 7 ଆଲୋକପାତ କରିଥିଲେ। ଏହି ଅବସରରେ ପ୍ରଧାନ ଶିକ୍ଷକ ଶିଶିର ମହାନ୍ତିଙ୍କ ରଚିତ ପୁସ୍ତକ ‘ ସ୍ମୃତିରେ ମୋ ବିଦ୍ୟାଳୟ ‘ ଅତିଥି ମାନଙ୍କ ଦ୍ଵାରା ଉନ୍ମୋଚିତ ହୋଇଥିଲା। ଆଜିର କାର୍ଯ୍ୟକ୍ରମରେ ସମସ୍ତ ପୁରାତନ ଛାତ୍ର ଛାତ୍ରୀ ସମବେତ ହୋଇ ନିଜର ପ୍ରିୟ ଶିକ୍ଷକ ଙ୍କୁ ପୁଷ୍ପଗୁଚ୍ଛ ,ଉପଢୌକନ ଓ ମାନପତ୍ର ଦେଇ ବିଦାୟ କାଳୀନ ସମ୍ବର୍ଦ୍ଧନା ପ୍ରଦାନ କରିଥିଲେ । କାର୍ଯ୍ୟକ୍ରମ କୁ ଶିକ୍ଷକ ନିଶାକର ପାତ୍ର ସଂଯୋଜନା କରିଥିବାବେଳେ ଶିକ୍ଷକ ମଙ୍ଗୁଳୁ ଜେନା ଧନ୍ୟବାଦ ଅର୍ପଣ କରିଥିଲେ।
