ଚାଲିଯିବ ଏକା କରି 

ସୁଭିଲାଣି ଘଣ୍ଟ ଘଣ୍ଟା ନାଦ ଧ୍ୱନି 

ଦଇତା ନିଯୋଗ ନିତି 

ପଣ୍ଡା ପଢିଆରୀ ସେବାରେ ଚଞ୍ଚଳ

ଯାତ ତୋ ପାହିଲେ ରାତି 

ମୋତେ ଏକାକରି ଯିବ ଚାଲି ତୁମେ 

କେଇଟା ସମୟ ବିତି 

ଶୁଭିଲାଣି ଘଣ୍ଟ ଘଣ୍ଟା ନାଦ ଧ୍ୱନି 

ଦଇତା ନିଯୋଗ ନିତି……..

ରଥ ମାନେ ଆସି ହୋଇଲେଣି ଛିଡା 

ମୋ ସିଂହ ଦୁଆରେ ଆସି 

ସଜା ସରିଲାଣି ନନ୍ଦୀଘୋଷ ପୁଣି 

ହେବ ତୁମେ ପରବାସୀ 

ମୋ ଭାଗ୍ୟରେ ଲେଖା ନିରତ ଯାମିନୀ 

ନେବନାହିଁ ତୁମ କତି 

ଶୁଭିଲାଣି ଘଣ୍ଟ ଘଣ୍ଟା ଧ୍ୱନି ତୋର 

ଦଇତା ନିଯୋଗ ନିତି…………

କେମିତିକା ତୁମେ ବୁଝନାହିଁ ମନ 

ବିରହିଣୀ ରମା କଥା 

ସେମିତି ନୀରବ ରହିଛ କାହିଁକି 

ମୋର ଶ୍ୱେତ ପଦ୍ମ ପତା 

ସହିପାରିବିନି ମୁଁଯେ ଏକାକିନୀ 

ନାହିଁ ମୋରଠାରେ ପ୍ରିତି 

ଶୁଭିଲାଣି ଘଣ୍ଟ ଘଣ୍ଟା ଧ୍ୱନି ତୋର 

ଦଇତା ନିଯୋଗ ନିତି………

ସୀତାଂଶୁ ଜେନା