ଭଣ୍ଡନ ଆଶ୍ରମ ବିଦ୍ୟାଳୟରେ ଯୋଗ ପ୍ରଶିକ୍ଷଣ ଶିବିର
ରାଇରଙ୍ଗପୁର – କୁସୁମୀବ୍ଲକ ତଲକପୋଖରୀ ପଞ୍ଚାୟତସ୍ଥିତ ଭଣ୍ଡନ ଆଶ୍ରମ ବିଦ୍ୟାଳୟ ପରିସରରେ ଯୋଗ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ପ୍ରଧାନଶିକ୍ଷକ ରଜତ କୁମାର ଦାସଙ୍କ ପୌରୋହିତ୍ୟରେ ଆୟୋଜିତ କାର୍ଯ୍ୟକ୍ରମରେ ଶିକ୍ଷୟିତ୍ରୀ .ବିଶାଖା ହେମ୍ବ୍ରମ ମୁଖ୍ୟଅତିଥି ଦ୍ଭାବେ ଯୋଗ ଦେଇ ସୁସ୍ଥ ଓ ନିରୋଗ ରହିବା ପାଇଁ ଯୋଗାଭ୍ୟାସ କରିବା ନିତ୍ୟାନ୍ତ ଆବଶ୍ଯକବୋଲି ଉପସ୍ଥିତ ଛାତ୍ରଛାତ୍ରୀଙ୍କୁ ଅବଗତ କରାଇଥିଲେ । ସମ୍ମାନିତ ଅତିଥିଭାବେ କୃଷକ ମୋର୍ଚା ଜିଲ୍ଲା ସହ-ସଂଯୋଜିକା କବିତା ରାଣୀ ଗିରି,ଶିକ୍ଷୟିତ୍ରୀ ପ୍ରମିଳା ଟୁଡ଼ୁ,.ଶିକ୍ଷୟିତ୍ରୀ ଶ୍ରୀମତୀ ମୁର୍ମୁ,. ବାସନ୍ତୀ କିସ୍କୁ ପ୍ରମୁଖ ଯୋଗଦେଇ ଯୋଗଯୁକ୍ତ ଜୀବନ ନିତ୍ୟାନ୍ତ ଉପଯୋଗୀ ବୋଲି ଛାତ୍ରଛାତ୍ରୀଙ୍କୁ ଅବଗତ କରାଇଥିଲେ । ମୁଖ୍ୟବକ୍ତା ଭାବେ ଆନନ୍ଦମାର୍ଗ ସଂଗଠନର ଧର୍ମପ୍ରଚାରକ ତଥା ସମାଜସେବୀ ଶରତ ଚନ୍ଦ୍ର ମହାନ୍ତ ଯୋଗ ଦେଇ ଶାରୀରିକ, ମାନସିକ ଏବଂ ଆଧ୍ୟାତ୍ମିକ ସୁସ୍ଥତା ନିମନ୍ତେ ଯୋଗ ହିଁ ଏକମାତ୍ର ବିଜଳ୍ପ ବୋଲି ମତବ୍ୟକ୍ତ କରିଥିଲେ । ଏହାବ୍ଯତୀତ ମାନବ ଶରୀରର ଅନ୍ତସ୍ରାବୀ ଗ୍ରନ୍ଥିରୁ କ୍ଷରିତ ହେଉଥିବା ହରମୋନକୁ କିପରି ଯୋଗାସନ ମାଧ୍ଯମରେ ଆୟତ୍ତ ଏବଂ ଅଧିକ ସକ୍ରିୟ କରାଯାଇ ପାରିବ ସେ ସମ୍ପର୍କ୍ରେ ଆଲୋକପାତ କରିଥିଲେ । ଶେଷରେ ଶ୍ରୀ ମହାନ୍ତ ଛାତ୍ରଛାତ୍ରୀଙ୍କୁ ଶଶାଙ୍ଗାସନ,ଦୀର୍ଘ ପ୍ରଣାମ, ଜାନୁଶିରାସନ,ବଜ୍ରାସନ, କୌଶିକୀନୃତ୍ୟ,ଗୋମୁଖାସନ ଆଦି ଉପାଦେୟ ଆସନ ଅଭ୍ୟାସ କରାଇଥିଲେ । କାର୍ଯ୍ୟକ୍ରମକୁ .ଇନ୍ଦୁମତୀ ସୋରେନ୍, ରାଇମାତ୍ ବେଶ୍ରା, ଦୀପାଲି ମାର୍ଣ୍ଣି, ସାବିତ୍ରୀ ମୁର୍ମୁ, ସସ୍ମିତା ହେମ୍ବ୍ରମ, ମାନକ ଟୁଡୁ, ସୁମିତ୍ରା ଚାତାର, ସୁକାନ୍ତି ଚାତାର, ଚମ୍ପା ସୟ ପ୍ରମୁଖ ପରିଚାଳନାରେ ସହଯୋଗ କରିଥିଲେ ।
ରାଇରଙ୍ଗପୁର ରୁ ଅକ୍ଷୟ ବିଶ୍ବାଳ
