ବାବା ଭୈରବ ଟ୍ରାକଟର ମାଲିକ ସଂଘ ଦ୍ଵାରା ଜିଲ୍ଲାପାଳଙ୍କ ନିକଟକୁ ଖଣି ଅଧିକାରୀ ଡାବୁଗାଁ ଙ୍କ ଜରିଆରେ ଦାବୀ ପତ୍ର ପ୍ରଦାନ
ନବରଂଗପୁର:(୧୪|୧୦)(ରବି ନାରାୟଣ ମହାନ୍ତି) ନବରଂଗପୁର ଜିଲ୍ଲା ଡାବୁଗାଁ ବ୍ଳକ ବାବା ଭୈରବ ଟ୍ରାକଟର ମାଲିକ ସଂଘ ତରଫରୁ ନବରଙ୍ଗପୁର ଜିଲ୍ଲାପାଳଙ୍କ ନିକଟକୁ ଡାବୁଗାଁ ଖଣି ଅଧିକାରୀଙ୍କ ଜରିଆରେ ଏକ ଦାବୀ ପତ୍ର ପ୍ରଦାନ କରିଛନ୍ତି l ଡାବୁଗାଁରେ ବହୁ ବେକାର ଯୁବକ ଚାକିରୀ ନ ପାଇ ବିଭିନ୍ନ ବ୍ୟାଙ୍କରୁ ଟ୍ରାକଟର ଲୋନରେ ଆଣି ଟ୍ରାକଟରରେ ସରକାରୀ ଉନ୍ନୟନ କାର୍ଯ୍ୟ ଓ ବେସରକାରୀ କାର୍ଯ୍ୟରେ ଇଟା, ପଥର, ବାଲି, ମାଟି, ବୁହାଇ ଭଡା ଦ୍ୱାରା ଯାହା ରୋଜଗାର ହୁଏ ତାହାକୁ ନେଇ ପରିବାର ପ୍ରତିପୋଷଣ କରନ୍ତି l କିନ୍ତୁ ବିଭିନ୍ନ ସମୟରେ ଖଣି ଅଧିକାରୀ ଓ ପୋଲିସ ବିଭାଗ ତରଫରୁ ଟ୍ରାକଟର ମାନଙ୍କୁ କାର୍ଯ୍ୟ କରିବା ସମୟରେ ଅଟକାଇ ସର୍ବାଧିକ ୫୦ ହଜାର ଲେଖାଏଁ ଫିଜ ପକାଉଛନ୍ତି l ଯଦ୍ୱାରା ଆମେ ବ୍ୟାଙ୍କରୁ ରୁଣ ଆକାରରେ ଆଣିଥିବା ଟ୍ରାକଟର କିସ୍ତି ବ୍ୟାଙ୍କରେ ବାନ୍ଧି ପାରୁନାହୁଁ l ଅସୁବିଧା ହେବା ସହ ଆମର ଆର୍ଥିକ ମେରୁଦଣ୍ଡ ଦୋହଲି ଯାଉଛି l ଆମ ବ୍ୟବସାୟର ମୁଖ୍ୟ ପନ୍ଥା ବାଲି,ପଥର ଓ ଇଟା ଆଣିବା ହୋଇଥିବାରୁ ଆମ୍ଭ ବାବା ଭୈରବ ଟ୍ରାକଟର ସଂଘ ର ସଦସ୍ୟତା ଗ୍ରହଣ କରିଥିବା ଟ୍ରାକଟର ମାଲିକ ମାନଙ୍କୁ ଡାବୁଗାଁ ନିକଟ ଉମୁରାହାଣ୍ଡି ବାଲି ଘାଟରୁ ଆମକୁ ଯୋଗାଇଲେ ଆମେ ଆପଣଙ୍କ ସରକାରୀ ନିୟମ ପାଳନ କରିବା ସହ ବାଲି ଉଠାଇ ପାରିବୁ l ଏଣୁ ଟ୍ରାକଟର ସଂଘକୁ ଉମୁରାହାଣ୍ଡି ବାଲିଘାଟରୁ ବାଲି ନେବାକୁ ଅନୁମତି ପ୍ରଦାନ କଲେ ଆମ୍ଭେ ଆପଣଙ୍କ ପାଖରେ ଚିର ଉପକୃତ ହେବୁ ବୋଲି ବାବା ଭୈରବ ଟ୍ରାକଟର ମାଲିକ ସଂଘ ଦାବୀ ପତ୍ରରେ ଉଲ୍ଲେଖ କରିଛନ୍ତି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
