ହଜିଲା ଦରଵ:—୬

 ଦିଲ୍ଲୀପ କୁମାର ନନ୍ଦୀ

ନୋଥଣି ବସଣି ସିନ୍ଦୁକ ସନ୍ଧିରେ

ଚ଼ିତାକୁଟା ଉଠି ଗଲାଣି

ହଳଦୀ ତେଲକୁ କିଏବା ପଚାରେ

କଣ୍ଡିସନ ମଖା କେଶରେ।୧।

ଅଣ୍ଟା ସୁତାରୁ ତ ମୁହାଣ୍ଡି ହଜିଲା

କଞ୍ଚିକାଠି ନାହିଁ କଟିରେ

ଖୋଷଣି ଗଣ୍ଠିଟା ଖସିତ ଗଲାଣି

କୁଞ୍ଚ ଶୋଭା ନାଭି ଦେଶରେ।୨।

ମୁଦି ଝୁଣ୍ଟିଆ ତ ଝୁଣ୍ଟି ହଜିଲାଣି

ଶଙ୍ଖାରୀଟା ଶଙ୍କି ଗଲାଣି

କାଞ୍ଜି ଖଞ୍ଜା ନାହିଁ ଇସାଣ କୋଣରେ

ଥଣ୍ଡାପାନୀୟରେ ଚର୍ଚ୍ଚାରେ।୩।

ଗୋପାଳ ପୁଅଟା କୁହାଟ ଛାଡ଼ୁଛି

ଦୁଗ୍ଧ ଭାର ଧରି କାନ୍ଧରେ

ବିଦେଶୀ ବୋତଲ ଠିପି ଖୋଲିଦେଲେ

ଅତିଥି ତ ଭାରି ମୁଗ୍ଧରେ।୪।

କାଏମା, ଧର୍ମଶାଳା, ଯାଜପୁର