ବଡ ଦେଉଳିଆ ଠାକୁର
ସାଧନା ପଣ୍ଡା
ଧନ୍ୟ ବଡଦାଣ୍ଡ
ଧନ୍ୟ ତାର ବାଲି
ଧନ୍ୟ ତୋ ବଡ ଦେଉଳ
ଯା’ର ପଦ ଶ୍ପର୍ସେ
ପାବନ ହୁଅଇ
ସେ ତ ଜଗତ ଠାକୁର ।
ଶ୍ରୀକ୍ଷେତ୍ରରେ ବସି
ଲୀଳା ରଚାଉଛି
ଧରି ଭାଇ ଭଉଣୀଙ୍କି ତାର
ଭକତ ଜନଙ୍କ
ମନ ମୋହୁଅଛି
ଦେଖାଇ ରଙ୍ଗା ଅଧର ।
ଟେକି ବେନି ଭୁଜ
ଜାଚଇ ଶରଣ
ଲୀଳାମୟ କଳା ଠାକୁର
ଅଗତିର ଗତି
ଦିଅ ତୁ ମୁକତି
ପରଂବ୍ରହ୍ମ ନିରାକାର ।
କରପତ୍ର ଯୋଡି
କରୁଛି ଗୁହାରି
ତୁହି ତ କ୍ଷମାର ସାଗର
କ୍ଷମି ସବୁ ଦୋଷ
ଡାକି ନିଅ ପାଶ
ବିଷମ ଲାଗଇ ସଂସାର ,
କୃପଣ ନ ହୁଅ ଏଥର
ହେ ବଡ ଦେଉଳିଆ ଠାକୁର !
ସାଧନା ପଣ୍ଡା
ଭୁବନେଶ୍ବର
