କୋକସରା,୧୯/୭- (;ମ ନି ସ); ମୋଟେର ଜୟପାଟଣା ରାସ୍ତା ର ମୋଟେର ଛକ ନିକଟରେ ମଙ୍ଗଳବାର ସନ୍ଧ୍ୟାରେ କୌଣସି ଏକ ଅଜଣା ଗାଡି ଧକ୍କା ଦେବାଫଳରେ ବାଇକ ରେ ଥିବା ଜଣେ ବ୍ୟକ୍ତି ଙ୍କ ଘଟଣାସ୍ଥଳରେ ଶୋଚନୀୟ ମୃତ୍ୟୁ ହୋଇଛି। ସ୍ଥାନୀୟ ଲୋକଙ୍କ ଠାରୁ ଖବର ପାଇବା ପରେ କୋକସରା ଥାନା ଓ ମୋଟେର ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ତଦନ୍ତ ଆରମ୍ଭ କରିଛି। ଦୁର୍ଘଟଣା ରେ ମୃତ୍ୟୁ ହୋଇଥିବା ବ୍ୟକ୍ତି ଜଣକ ତରାପୁର ପଞ୍ଚାୟତ ଗଞ୍ଜିଆଗୁଡା ଇଚ୍ଛାପୁର ଗ୍ରାମର ନିଳାମ୍ବର ପୁଝାରି (୫୫) ବୋଳି ସୁଚନା ମିଲିଛି। ସେ ନିଜ ଶ୍ୱଶୁର ଘର ଗାଁ ଖୁଟୁଲୁଗୁଡା ରୁ ନିଜ ଗାଁ କୁ ବାଇକ ରେ ଫେରୁଥିବା ସମୟରେ ଅଜଣା ଗାଡ଼ି ଧକ୍କା ରେ ମୃତ୍ୟୁ ହୋଇଥିବା ଜଣାପଡିଛି । ଘଟଣାସ୍ଥଳରେ ମୋଟେର ଫାଣ୍ଡି ଅଧିକାରୀ ମନୋରଞ୍ଜନ ଆଚାର୍ଯ୍ୟ ସମେତ ପୋଲିସ କର୍ମଚାରୀ ଉପସ୍ଥିତ ରହି ଖବର ଲେଖାଯିବା ପର୍ଯ୍ୟନ୍ତ ତଦନ୍ତ ଜାରି ରଖିଛନ୍ତି।
previous post
next post