ରାଉରକେଲା/ ସିଆରପିଏଫ ଡିଆଇଜି ଦୟାନିଧି ତନ୍ତୀ ସସ୍ତ୍ରିକ ରାଉରକେଲାରେ ପହଞ୍ଚିବା ପରେ ବିପୁଳ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ସେକ୍ଟର ୧୬ ସ୍ଥିତ ନାଗ୍ରା ତନ୍ତୀ ସମାଜ କାର୍ଯ୍ୟାଳୟ ଠାରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଶ୍ରୀ ତନ୍ତୀ ଓ ତାଙ୍କ ସହଧର୍ମୀଣୀ ଶ୍ରୀମତୀ ମଥୁରା ତନ୍ତୀଙ୍କୁ ସ୍ବାଗତ କରାଯାଇଥିଲା । ସଭାପତି ଭାଗବତୀଆ ତନ୍ତୀଙ୍କ ସଭାପତିତ୍ବ ସାଧାରଣ ସଂପାଦକ ସୁନିଲ୍ ବାଙ୍କ୍ରାଙ୍କ ଆବାହକତ୍ବ ତଥା କାର୍ଯ୍ୟକାରୀ ସଂପାଦକ ସନ୍ତୋଷ ତନ୍ତୀଙ୍କ ମଂଚ ସଂଯୋଜନାରେ ଆୟୋଜିତ 
ଏହି କାର୍ଯ୍ୟକ୍ରମରେ ଅନୁଷ୍ଠାନ ତରଫରୁ ସମ୍ବର୍ଦ୍ଧନା ଦିଆଯିବା ସହ ସଦଭାବନା ଲକ୍ଷେଘର ସମାଜ, ସମନ୍ବୟ ମଂଚ ଓ ଭଜକୃଷ୍ଣ ସାରସ୍ବତ ସୃତି ସଂସଦ ତରଫରୁ ଡିଆଇଜି ଶ୍ରୀ ତନ୍ତୀଙ୍କୁ ପୁଷ୍ପଗୁଛ୍ଛ ଓ ଉପଢୌକନ ଦିଆଯାଇ ସମ୍ବର୍ଦ୍ଧିତ କରାଯାଇଥିଲା । ସମ୍ବର୍ଦ୍ଦନା ପ୍ରତ୍ୟୁତ୍ତର ରେ ଶ୍ରୀ ତନ୍ତୀ କହିଲେ ଯେ ଆଜି ମୁଁ ଯେଉଁ ସ୍ଥାନରେ ପହଞ୍ଚିଛି ତାର ମୂଳ ଶ୍ରେୟ ହେଉଛି ପ୍ରଥମେ ଭଗବାନଙ୍କୁ ବିଶ୍ବାସ, ବାପା ମା’ଙ୍କ ଆଶୀର୍ବାଦ, ପରିବାର,ସମାଜର ଗୁରୁଜନଙ୍କୁ ଓ ସମାଜର ସହଯୋଗ ପାଇଁ ଏସବୁ ସମ୍ଭବ ହୋଇପାରିଛି । 
ପ୍ରଥମେ ମୁଁ ଶିକ୍ଷକ ଚାକିରି କରିଥିଲି। ପରେ ସିଆରପିଏଫ ଜବାନ ଭାବେ ପ୍ରଥମେ ଶ୍ରୀନଗରରେ ପୋଷ୍ଟିଂ ହେଲି। ଘରେ ମା ଓ ଅନ୍ୟ ମାନେ ବ୍ୟସ୍ତ ହେଲେ। ତେବେ ମୋର ଦୃଢମନ ଓ କର୍ତ୍ତବ୍ୟ ପ୍ରତି ନିଷ୍ଠା ସହ ପ୍ରତିବଦ୍ଧତା ଯୋଗୁଁ ଆଜି ମୁଁ ଏହି ସ୍ତରରେ ପହଞ୍ଚି ପାରିଛି। ତେବେ ଯେତେ ଉପରକୁ ଗଲେ ମଧ୍ୟ ଏନ୍ତୁଡିଶାଳ ଓ ସମାଜକୁ ଭୁଲିଯିବା କଥା ନୁହେଁ । ସଭାପତି ଶ୍ରୀ ତନ୍ତୀ କହିଲେ ଯେ ଦୟାନିଧି ଙ୍କ ପାଇଁ ସମାଜ ତଥା ଜିଲ୍ଲା ଆଜି ଗର୍ବିତ । 
ଶେଷରେ ଗଙ୍ଗା ଦୀପ ଧନ୍ୟବାଦ ଅର୍ପଣ କରିଥିଲେ । ସୂଚନାଯୋଗ୍ୟ ଯେ ସଂପ୍ରତି ଶ୍ରୀ ତନ୍ତୀଙ୍କ ପରିବାର ର ଅନ୍ୟମାନେ ଲାଠିକଟା ଠାରେ ବସବାସ କରୁଛନ୍ତି । ଅନ୍ୟମାନଙ୍କ ମଧ୍ୟରେ ଉପସଭାପତି ରୋହିତ ତନ୍ତୀ,ରବି ତନ୍ତୀ, ଦଶରଥ ତନ୍ତୀ,ମଦନ ତନ୍ତୀ, ସଦଭାବନା ତରଫରୁ ରୋହିତ କୁମାର ମହାନନ୍ଦିଆ, ସମନ୍ବୟ ମଂଚ ରୁ ଟିକେଶ୍ବର ତାଣ୍ଡିଆ,ତନ୍ତୀ ସମାଜର ପ୍ରାକ୍ତନ ସଂପାଦକ ସଂକୀର୍ତ୍ତନ ଜୟପୂରିଆଙ୍କ ସମେତ ଶତାଧିକ ବ୍ୟକ୍ତି ଉପସ୍ଥିତ ଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
