ବାଲେଶ୍ଵର,୨୩/୯/୨୨- ପଞ୍ଚାୟତ ସମିତିର ଖଇରାର ୪ର୍ଥ ପର୍ଯ୍ଯାୟ ସମିତି ବୈଠକ ବ୍ଲକ ପରିସରରେ ଥିବା ସଭାଗୃହ ମଧ୍ୟରେ ଅନୁଷ୍ଠିତ ହୋଇଯାଇଛି । ବ୍ଲକ ଉପାଧ୍ୟକ୍ଷା ଅଭିଲିପ୍ସା ସାହୁ ଅଧ୍ଯକ୍ଷତା କରିଥିଲେ । ଏଥିରେ ବିଡିଓ ପର୍ଶୁରାମ ପଣ୍ଡା, ୪ ନମ୍ବର ଜୋନ ଜିଲ୍ଲାପରିଷଦ ସଦସ୍ଯା ରଶ୍ମିତା ମହାପାତ୍ର, ୫ ନମ୍ବର ଜୋନ ଜିଲ୍ଲାପରିଷଦ ସଦସ୍ୟ ମାନସ ଦାଶ, ୩ ନମ୍ବର ଜୋନ ଜିଲ୍ଲାପରିଷଦ ସଦସ୍ୟ ଗଜେନ୍ଦ୍ର ଦାସ, ବିଧାୟକଙ୍କ ପ୍ରତିନିଧି କରୁଣାକର ଜେନା ଏବଂ ବି. ଏସ. ଏସ. ଓ. ତଥା ଭାରପ୍ରାପ୍ତ ଜି.ପି.ଓ. ସାଲିମା ରାଉତ ପ୍ରମୁଖ ମଞ୍ଚାସୀନ ଥିଲେ । ସ୍ଥାନୀୟ ବିଧାୟକ ଜ୍ଯୋତିପ୍ରକାଶ ପାଣିଗ୍ରାହୀ ବିଭିନ୍ନ ପଞ୍ଚାୟତରୁ ଆସିଥିବା ନିର୍ବାଚିତ ପ୍ରତିନିଧି ଏବଂ ବିଭିନ୍ନ ବିଭାଗରରୁ ଆସିଥିବା ଅଫିସର ମାନଙ୍କ ଗହଣରେ ବସିଥିଲେ । ବିଧାୟକ ପାନୀୟ ଜଳ ଦୁରୁପଯୋଗ ହେବାନେଇ କ୍ଷୋଭ ପ୍ରକାଶ କରିବା ସହିତ ଚାଷର ଉନ୍ନତି ପାଇଁ ଗୁରୁତ୍ବାରୋପ କରିଥିଲେ । ପୂର୍ବ ବିବରଣୀ ପାଠ କରିଥିଲେ ବି ଏସ ଏସ ଓ ସାଲିମା ରାଉତ । ମୋଟ ୯ ଗୋଟି ବିଷୟ ଯଥା- ପୂର୍ବ ବୈଠକର ବିବରଣୀ ପାଠ ଓ ଦୃଢିକରଣ, ପାନୀୟ ଜଳ ଓ ପରିମଳ, କୃଷି, ଉଦ୍ଯାନ କୃଷି, ମତ୍ସ୍ୟ ଓ ପଶୁପାଳନ, ସାମାଜିକ ସୁରକ୍ଷା, ଖାଦ୍ୟ ସୁରକ୍ଷା, ଓଡିଶା ଜୀବିକା ମିଶନ, ମହିଳା ଓ ଶିଶୁ ବିକାଶ, ମନରେଗା ଏବଂ ଅନ୍ୟାନ୍ୟ ବିଷୟରେ ଆଲୋଚନା ହୋଇଥିଲା । ବିଭିନ୍ନ ବିଭାଗରରୁ ଉପସ୍ଥିତ ଥିବା ଅଧିକାରୀ ମାନେ ନିଜ ନିଜ ବିଭାଗୀୟ ଉତ୍ତର ଗୃହରେ ଉପସ୍ଥାପନ କରିଥିଲେ । ବିଶେଷ କରି ପାନୀୟ ଜଳ ପ୍ରକଳ୍ପ ଉପରେ ଗୁରୁତ୍ୱ ଦିଆଯାଇଥିଲା । ୩ ନମ୍ବର ଜୋନରେ ପାନୀୟ ଜଳ ସମସ୍ୟା ରହିଥିବାର ଉପଲବ୍ଧି କରି ଶୀଘ୍ର କିପରି ଏହାର ସମାଧାନ ହୋଇପାରିବ ସେ ଦିଗରେ ତୁରନ୍ତ ପଦକ୍ଷେପ ନେବାକୁ ବିଡିଓ ଏବଂ ବିଭାଗୀୟ ଅଧିକାରୀଙ୍କୁ ତାଗିଦ କରି କହିଥିଲେ ବିଧାୟକ । ଅଧ୍ଯକ୍ଷା ଶ୍ରୀମତୀ ସାହୁଙ୍କ ଅଧ୍ଯକ୍ଷତାରେ ଅନୁଷ୍ଠିତ ବୈଠକ ଖୁବ୍ ଶାନ୍ତି ଶୃଙ୍ଖଳାର ସହିତ ଶେଷ ହୋଇଥିଲା । ଗୃହ ମଧ୍ୟରେ କୌଣସି ପ୍ରକାର ହଟ୍ଟଗୋଳ କି ଗଣ୍ଡଗୋଳ ହୋଇନଥିଲା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
ū
