ରାଇଘର (ଡି.ଏନ୍.ଏ ) ୮/୧୦ ନବରଙ୍ଗପୁର ଜିଲ୍ଲା ରାଇଘର ବ୍ଲକ ସଦର ମହକୁମା ମେଡିକାଲ୍ ଛକ ଠାରେ ଦୀର୍ଘ ୧୧ ବର୍ଷ ଧରି ଅଚଳ ହୋଇ ପଡିଥିବା ହାଇମାସ୍କ ଲାଇଟ୍ କୁ ରାଇଘର ସରପଞ୍ଚଙ୍କ ଉଦ୍ୟମରେ ଉଦଘାଟନ ହୋଇଛି l ରାଇଘର ସଦର ମହକୁମାର ମେଡିକାଲ୍ ଛକ ଠାରେ ୨୦୧୧ ମସିହାରେ ପୂର୍ବତନ ବିଧାୟକ ସ୍ବର୍ଗତ ଜଗବନ୍ଧୁ ମାଝୀଙ୍କ ଉଦ୍ୟମରେ ଲକ୍ଷାଧିକ ବ୍ୟୟରେ ହାଇମାସ୍କ ଲାଇଟ୍ ଲଗା ଯାଇଥିଲା l ଏହି ଲାଇଟ୍ ଲାଗିବା ଦ୍ବାରା ମୁଖ୍ୟ ରାସ୍ତା ସହ ଆଖପାଖ ଉଜ୍ଜଳମୟ ହୋଇଥିଲା l ଏଥି ଯୋଗୁଁ ଦୂର ଦୁରନ୍ତାରୁ ବସ୍ ରେ ଯାତ୍ରା କରୁଥିବା ଯାତ୍ରୀ ମାନେ ରାତିରେ ନିର୍ଭୟରେ ଯାତାୟତ କରୁଥିଲେ l କିନ୍ତୁ ଦୁଇ ମାସ ଲାଗିବା ପରେ ଏହି ଲାଇଟ୍ ଅଚଳ ହୋଇ ଅନ୍ଧକାର ପରିବେଶ ସୃଷ୍ଟି ହୋଇଥିଲା l
ଏହି ଲାଇଟ୍ ମରାମତି ନିମନ୍ତେ ସ୍ଥାନୀୟ ବାସିନ୍ଦା ବହୁବାର ପ୍ରସାଶନିକ ଅଧିକାରୀ ଏବଂ ସ୍ଥାନୀୟ ଲୋକ ପ୍ରତିନିଧିଙ୍କ ନିକଟରେ ଗୁହାରି କରିଥିଲେ ମଧ୍ୟ ଏଥି ପ୍ରତି ଗୁରୁତ୍ବ ଦେଇନଥିଲେ l ସବୁ ସ୍ତରରେ ପ୍ରତିଶ୍ରୁତି ମିଳୁଥିବା କିନ୍ତୁ କାର୍ଯ୍ୟକାରୀ ଉପରେ କାହାରି ଦୃଷ୍ଟି ପଡୁନଥିଲା l ଅନ୍ଧାରର ସୁଯୋଗ ନେଇ ବଜାରରେ ବାରମ୍ବାର ଚୋରୀ ବୃଦ୍ଧି ପାଇଥିଲା l ଏ ନେଇ ବହୁବାର ଗଣମାଧ୍ୟମରେ ପ୍ରକାଶିତ ହେଉଥିଲେ ସୁଦ୍ଧା କୌଣସି ଅଧିକାରୀ କିମ୍ବା ଲୋକ ପ୍ରତିନିଧି ଦୃଷ୍ଟି ଦେଉନଥିଲେ l ଗତ ତ୍ରିସ୍ତରୀୟ ନିର୍ବାଚନରେ ରାଇଘର ସରପଞ୍ଚ ପ୍ରାର୍ଥୀ ଭାବେ ପ୍ରତିଦ୍ୱନ୍ଦିତା କରୁଥିବା ଲମ୍ବୋଧର ମାଝୀ ସରପଞ୍ଚ ଭାବେ ବିଜୟୀ ହେଲେ ହାଇମାସ୍କ ଲାଇଟ୍ ସହ ପ୍ରତେକ ସାହିର ରାସ୍ତାଘାଟ ସହ ଡ୍ରେନେଜ ବ୍ୟବସ୍ଥା ସହ ସୁନ୍ଦର ପରିବେଶ ସୃଷ୍ଟି କରିବାକୁ ପ୍ରତିଶ୍ରୁତି ଦେଇଥିଲେ l ସରପଞ୍ଚ ଭାବେ ଶ୍ରୀ ମାଝୀ ବିଜୟୀ ହେବା ପରେ ନିଜ ପ୍ରତିଶ୍ରୁତି ପୂରଣ କରିଛନ୍ତି l ପଂଚାୟତ ପାଣ୍ଠିରୁ ହାଇମାସ୍କ ଲାଇଟ୍ ଲଗାଇବା ସହ ପ୍ରତେକ ସାହିର ରାସ୍ତା ଘାଟକୁ ବ୍ଲକ୍ ପ୍ରଶାସନ ସହ ସ୍ବତନ୍ତ୍ର ଆଲୋଚନା କରି ଗ୍ରାମ୍ୟ ଉନ୍ନୟନ ବିଭାଗ ଅଧିନରେ ପିଚୁ ରାସ୍ତା କରିବାକୁ ଦାବୀ କରିଛନ୍ତି l ଡ୍ରେନେଜ ବ୍ୟବସ୍ଥା ନିମନ୍ତେ ସ୍ବତନ୍ତ୍ର ଭାବେ ଯୋଜନା ପ୍ରସ୍ତୁତ ହେଉଥିବା ଜଣାପଡ଼ିଛି l ଯୁବ ସରପଞ୍ଚଙ୍କ ଏଭଳି କାର୍ଯ୍ୟକୁ ସାଧାରଣରେ ବେଶ୍ ପ୍ରଶଂସା କରାଯାଇଛି l ଉଦଘାଟନ କାର୍ଯ୍ୟକ୍ରମରେ ରାଇଘର ସରପଞ୍ଚ ଲମ୍ବୋଧର ମାଝୀ,ପୂର୍ବତନ ସରପଞ୍ଚ ସାତ ମାଝୀ,ରଘୁ ଗଣ୍ଡଙ୍କ ସମେତ ରାଇଘର ଜନସାଧାରଣ ଉପସ୍ଥିତ ଥିଲେ l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ
