କ୍ଷତିପୂରଣ ଓ ଡାକ୍ତର ଙ୍କ ଗିରଫ ଦାବୀ ରେ ଯୁବ କଂଗ୍ରେସ ର ରାସ୍ତା ରୋକ
ଧର୍ମଗଡ , ଚିକିତ୍ସା ଅବହେଳା ରୁ ଜଣେ ଗର୍ଭବତୀ ଆଶା କର୍ମୀ ଙ୍କ ମୃତ୍ୟୁ କୁ ନେଇ ଆଜି ଧର୍ମଗଡ ଉପଖଣ୍ଡ ଚିକିତ୍ସାଳୟ ସମ୍ମୁଖ ଜାତୀୟ ରାଜପଥ ରେ ରାସ୍ତା ରୋକ କରିଛି ଜିଲ୍ଲା ଯୁବ କଂଗ୍ରେସ । ଚିକିତ୍ସା ଅବହେଳା କରିଥିବା ଡ଼ାକ୍ତର ଙ୍କୁ ଗିରଫ ସହ ମୃତକ ଆଶା କର୍ମୀ ଙ୍କ ପାରିବାର କୁ କ୍ଷତି ପୂରଣ ପ୍ରଦାନ କରିବା ଦାବୀ କରାଯାଇ ରାସ୍ତା ରେ ଶବ ବାହାକ ଗାଡି କୁ ରଖି ରାସ୍ତା ରୋକ କରାଯାଇଥିଲା । ଜିଲ୍ଲା ଯୁବ କଂଗ୍ରେସ ସଭାପତି ସାଉଲ ମଙ୍ଗରାଜ ଙ୍କ ନେତୃତ୍ବରେ ଏହି ରାସ୍ତା ରୋକ କରାଯାଇଥିଲା । 
ବିବରଣୀ ରୁ ପ୍ରକାଶ ଯେ ଧର୍ମଗଡ ବ୍ଲକ ଅନ୍ତର୍ଗତ ତେଣ୍ଡାପାଲି ଗ୍ରାମ ର ବେଣୁଧର ରାଉତ ଙ୍କ ସ୍ତ୍ରୀ ଆଶା କର୍ମୀ ସୁମିତ୍ରା ରାଉତ (୪୧) ଙ୍କ ଗର୍ଭ ବେଦନା ହେବା ରୁ ତାଙ୍କୁ ଧର୍ମଗଡ ଉପ ଖଣ୍ଡ ଚିକିତ୍ସାଳୟ ରେ ଗତକାଲି ଶୁକ୍ରବାର ସନ୍ଧ୍ୟା ରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ତାଙ୍କୁ ପ୍ରଥମେ ମାସେ ପରେ ଡେଲିଭରି ହେବ ବୋଲି କୁହାଯାଇ ଥିବା ବେଳେ ଆଜି ଭୋର ୩.୩୦ମି. ସମୟରେ ତାଙ୍କୁ ତୁରନ୍ତ ଭବାନିପାଟଣା ନେଇ ଯିବା ପାଇଁ କୁହାଗଲା । ତୁରନ୍ତ ତାଙ୍କୁ ଭବାନିପାଟଣା ନିଆଯାଇଥିଲା । ତେବେ ଜିଲ୍ଲାମୂଖ୍ୟ ଚିକିତ୍ସାଳୟ ରେ ଅଳ୍ପକିଛିସମୟମଧ୍ୟ ରେ ଆଶା କର୍ମୀ ସୁମିତ୍ରା ର ମୃତ୍ୟୁ ହୋଇ ଯାଇଥିଲା । ଶେଷ ମୁହୂର୍ତ୍ତ ରେ ଜିଲ୍ଲା ଚିକିତ୍ସାଳୟ କୁ ଆଣିଲେ କଣ କରି ପାରିବୁ ସେଠାକାର ଡ଼ାକ୍ତର କହିଥିଲେ ବୋଲି ମୃତ ଆଶା କର୍ମୀ ଙ୍କ ସ୍ଵାମୀ ବେଣୁଧର ଅଭିଯୋଗ କରିବା ସହ ଚିକିତ୍ସା ଅବହେଳା ରୁ ତାଙ୍କ ସ୍ତ୍ରୀ ଙ୍କ ର ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି । ଏହାକୁ ନେଇ ଯୁବ କଂଗ୍ରେସ ଆଜି ରାସ୍ତା ରୋକ କରିଥିଲା । ଆନ୍ଦୋଳନ ସ୍ଥଳ କୁ ଧର୍ମଗଡ ତହସିଲଦାର ହରେକୃଷ୍ଣ ବରିହା ଓ ଉପଖଣ୍ଡ ପୁଲିସ ଅଧିକାରୀ ଧୀରଜ କୁମାର ଚୋପଦାର ପୋଲିସ ବଳ ସହ ପହଂଚି ଆନ୍ଦୋଳନକାରୀ ଙ୍କ ସହ ଆଲୋଚନା କରିବା ପରେ ରାସ୍ତା ରୋକ ହଟିଥିଲା । ମୃତକ ପାରିବାର କୁ ପ୍ରଶାସନ ପକ୍ଷରୁ ୧୦ ହଜାର ଟଙ୍କା ର ସହାୟତା ଦିଆଯିବ ବୋଲି ଘୋଷଣା କରାଯାଇଥିଲା । (ବୈଦ୍ୟ ନାଥ ବେହେରା ଙ୍କ ରିପୋର୍ଟ)
